John Wenazhıı 16:7 - Nǫ̀htsı̨ Nı̨htł'è

⁷ Sǫǫ̀mbaekwo ladà gots'ǫ dıı hats'edıì hǫt'e: “Hęɂę, Gonǫ̀htsı̨, t'asìı hazǫǫ̀ negha dìì-le anet'e. Dànì dǫ gısınìyanehtıı sìı ehkw'ı hǫt'e,” ts'edıì hǫt'e.

John Wenazhıı 16:7 ပူးပေါင်းရင်းမြစ်များ

John Wenazhıı 1:8

Gots'ǫ̀ K'àowo Nǫ̀htsı̨ dıı hadı hǫt'e: “Yatı t'akwełǫ̀ǫ̀ wheɂǫǫ aht'e eyıts'ǫ yatı nǫǫde wheɂǫǫ aht'e. Whaà gots'ǫ sehòhɂǫ, dıì sehòhɂǫ, eyıts'ǫ welǫ whìle ts'ǫ̀ sehòhɂǫ ha. T'asìı wı̨ı̨zìı segha dìì gǫ̀hłı̨ nıìle,” gots'ǫ̀ hadı.

John Wenazhıı 13:10

Amìı wedaànìı̨tǫ wegha hòɂǫǫ sìı wedaànìı̨tǫ ha hǫt'e. Amìı behcho t'à ełaàwı wegha hòɂǫǫ sìı behcho t'à ełaàwı ha hǫt'e. Eyıt'à Nǫ̀htsı̨ wets'ǫ dǫ ts'èwhı̨į̀ dagı̨ı̨ɂa xè edınì nàtsoò agı̨ı̨hwhǫ ha hǫt'e.

John Wenazhıı 14:10

Nǫ̀htsı̨ hòtł'ò nàyeehkwa ha. Nǫ̀htsı̨ sıì wets'ǫ̀ wek'èch'a t'à hòtł'ò daı̨ɂa yeghàhòɂà ha. Sahzǫ̀ą eyıts'ǫ yak'eet'ı̨į̀ gınadąą̀ kwe dèk'ǫ̀ǫ t'à daı̨ɂaà awedle ha hǫt'e.

John Wenazhıı 14:18

Sǫǫ̀mbaekwo ladà wek'e Nǫ̀htsı̨ ts'ǫ̀ t'asìı k'eek'ǫ̀ǫ sìı gots'ǫ yak'eet'ı̨į̀ eyıì-le xàèhtła. Eyı yak'eet'ı̨į̀ ladà k'e kǫ̀ dèk'ǫ̀ǫ ts'ǫ̀ k'àowo hǫt'e. Yak'eet'ı̨į̀ behcho dènıı k'eɂaa sìı ts'ǫ̀ hòtł'ò dıı hadı, “Nets'ǫ behcho dènıı t'à, dıı nèk'e ts'ı wek'e jìecho dawhelaa sìı xàąht'à gà nàąhtsį̀, hòt'a dıìdì ne t'à,” yèhdı.

John Wenazhıı 19:2

Dànì dǫ sınìyaehtıı sìı ehkw'ı hǫt'e. Eyı ts'èkojıı dıı nèk'e dǫ xè hołı̨ı̨ k'ę̀ę̀ eghàlaı̨dàa sìı yesınìyaı̨htı hǫt'e. Nǫ̀htsı̨ wecheekeè ełaàgòı̨hdè k'èxa Nǫ̀htsı̨ nàyı̨ı̨hkwa hǫt'e,” hagedı.

John Wenazhıı 6:9

Sahzǫ̀ą enı̨htł'èyeè wedaàdzeh sı̨làı t'à wheɂǫǫ sìı nàyı̨ı̨zhì. Kwe-ladà wek'e Nǫ̀htsı̨ ts'ǫ̀ t'asìı k'eek'ǫ̀ǫ sìı wetł'a dǫ gıdą̀ązhį̀ı̨ wègoèht'į̀. Nǫ̀htsı̨ weyatıì k'ę̀ę̀ geeda ts'ıhɂǫ̀ ełaàgogį̀ı̨hdèe agı̨ı̨t'e.