John Wenazhıı 16:5 - Nǫ̀htsı̨ Nı̨htł'è

⁵ Eyı tł'axǫǫ̀ yak'eet'ı̨į̀ tı ts'ǫ̀ k'àowo elı̨ı̨ sìı dıı hadı weèhkw'o: “Whaà gots'ǫ nehòhɂǫǫ eyıts'ǫ dıì nehòhɂǫǫ sìı Nǫ̀htsı̨ degaı anet'e. Dıı hanì t'asìı wesınìyanehtı t'à ehkw'ı anet'e.

John Wenazhıı 16:5 ပူးပေါင်းရင်းမြစ်များ

Dànì Kèhoį̀wo 18:25

Hanì kǫ̀godeè wedıhoı̨htsı̨ ha honàedı nıìle. Dǫ ehkw'ı geedaa sìı dǫ hołı̨ı̨ k'ę̀ę̀ geedaa xè ełaàgį̀ı̨hde ha dìì. Dǫ ehkw'ı geedaa eyıts'ǫ dǫ hołı̨ı̨ k'ę̀ę̀ geedaa ełèht'eè gıghàlaı̨da ha dìì hǫt'e. Hanì ha honàedı nıìle. Dıı nèk'e t'asìı hazǫǫ̀ yesınìyahtıı elı̨ı̨ sìı ehkw'ı eghàlaeda ha nıìle nì?” Abraham yèhdı.

John 17:25

“Setà, nı̨ sìı ehkw'ı anet'e. Dıı nèk'e dǫ nek'ègeezǫ-le kò, sı̨ nek'èehsǫ hǫt'e, eyıts'ǫ dıı dǫ seghàneelaa sìı jǫ ts'ǫ̀ asèneelà gık'èezǫ hǫt'e.

Rome 2:5

Hanìkò naxıkwì nàtso xè naxıdzeè t'à edek'eahłı̨-le t'à, Nǫ̀htsı̨ naxıts'ǫ̀ wek'èch'a aahłà hǫt'e. Nǫ̀htsı̨ edenàowoò ehkw'ıı k'ę̀ę̀ dǫ-sınìyaehtıı-dzęę̀ k'e nı̨dè, deɂǫ̀ǫ̀ hoìla anaxedle ha hǫt'e.

Rome 3:5

Ehkw'ı-le eghàlats'eeda nı̨dè Nǫ̀htsı̨ wexè ehkw'ı hòɂǫǫ sìı dǫ ts'ǫ̀ deɂǫ̀ǫ̀ nezı̨į̀ wègoèht'į̀ hǫt'e. Eyı ghǫ dàts'edı welì? Nǫ̀htsı̨ nàgoehkwa nı̨dè gots'ǫ̀ ehkw'ı-le eghàlaeda at'ı̨ dahwhǫ nì? (Hanì daɂeehke nı̨dè dǫ gǫǫzǫ-le laehsı̨.)

John Wenazhıı 1:4

John, Asıa nèk'e kǫ̀ta łǫ̀hdı̨ yàgòlaa Nǫ̀htsı̨ wecheekeè nàgedèe sìı dıı godı gots'ǫ̀ ı̨ı̨tł'è: Nǫ̀htsı̨ whaà gots'ǫ wehòhɂǫ, dıì wehòhɂǫ, eyıts'ǫ welǫ whìle ts'ǫ̀ wehòhɂǫ ha sìı, eyıts'ǫ ı̨nì degaı łǫ̀hdı̨ Nǫ̀htsı̨ wenadąą̀ nàgeèhza sìı naxıxè sǫgı̨ı̨wǫ welè eyıts'ǫ naxıxè sìghà hòɂǫǫ̀ agııle.

John Wenazhıı 1:8

Gots'ǫ̀ K'àowo Nǫ̀htsı̨ dıı hadı hǫt'e: “Yatı t'akwełǫ̀ǫ̀ wheɂǫǫ aht'e eyıts'ǫ yatı nǫǫde wheɂǫǫ aht'e. Whaà gots'ǫ sehòhɂǫ, dıì sehòhɂǫ, eyıts'ǫ welǫ whìle ts'ǫ̀ sehòhɂǫ ha. T'asìı wı̨ı̨zìı segha dìì gǫ̀hłı̨ nıìle,” gots'ǫ̀ hadı.

John Wenazhıı 11:17

hagedı, “Gots'ǫ̀ K'àowo eyıts'ǫ Gonǫ̀htsı̨, nı̨ sìı t'asìı negha dìì-le. Nı̨ sìı nexè hòɂǫ ı̨lè eyıts'ǫ dıì nexè hòɂǫ hǫt'e. T'asìı negha dìì-le t'à dıı nèk'e k'àhoı̨wo ha xèhoneehwho, eyıt'à masì nets'ı̨ı̨hwhǫ.

John Wenazhıı 16:4

Eyı tł'axǫǫ̀ yak'eet'ı̨į̀ taı t'à whedaa sìı edets'ǫ kw'àyį̀ą deh nechàa eyıts'ǫ dehtsoa ta nałayeèhtł'ı t'à tı edoò whelı̨.

John Wenazhıı 16:7

Sǫǫ̀mbaekwo ladà gots'ǫ dıı hats'edıì hǫt'e: “Hęɂę, Gonǫ̀htsı̨, t'asìı hazǫǫ̀ negha dìì-le anet'e. Dànì dǫ gısınìyanehtıı sìı ehkw'ı hǫt'e,” ts'edıì hǫt'e.

John Wenazhıı 19:2

Dànì dǫ sınìyaehtıı sìı ehkw'ı hǫt'e. Eyı ts'èkojıı dıı nèk'e dǫ xè hołı̨ı̨ k'ę̀ę̀ eghàlaı̨dàa sìı yesınìyaı̨htı hǫt'e. Nǫ̀htsı̨ wecheekeè ełaàgòı̨hdè k'èxa Nǫ̀htsı̨ nàyı̨ı̨hkwa hǫt'e,” hagedı.

John Wenazhıı 4:8

Eyı t'asìı dı̨ godìı sìı gı̨ı̨ts'ǫǫ̀ ek'ètaı gǫ̀hłı̨ eyıts'ǫ hazǫǫ̀ ts'ǫ̀ gıdaà gık'e whela, gı̨ı̨ts'ǫǫ̀ wetł'a kò gıdaà whela. Dzęę̀, toò ehk'ę̀ę̀ dıı hagedı: “Gots'ǫ̀ K'àowo t'asìı wegha dìì-le sìı degaı, degaı, degaı zǫ hǫt'e. Nǫ̀htsı̨ hǫt'e; whaà gots'ǫ wehòhɂǫ, dıì wehòhɂǫ, eyıts'ǫ welǫ whìle ts'ǫ̀ wehòhɂǫ ha hǫt'e,” t'aats'ǫǫ̀ hagedı.

John Wenazhıı 6:10

Hòtł'ò gezeh xè hagedı, “Gots'ǫ̀ K'àowo, t'asìı negha dìì-le, nı̨ sìı degaı xè ehkw'ı anet'e. Dàı̨waà-ı̨dè dıı nèk'e gots'ǫ dǫ gısınìyanehtı ha? Ełaàgogį̀ı̨hdè k'èxa dàht'e nı̨dè nàgı̨ı̨hkwa ha?” gedıì yagìzeh.