John Wenazhıı 16:11 - Nǫ̀htsı̨ Nı̨htł'è

¹¹ eyıts'ǫ gıkaà łǫ xè gıgha eya nàtso t'à Nǫ̀htsı̨ yak'e whedaa sìı ts'ǫ̀ nàdahogeeɂà, hanìkò dànì eghàlagı̨ı̨dàa sìı weghǫ edek'egı̨ı̨lı̨ ha gı̨ı̨wǫ-le.

John Wenazhıı 16:11 ပူးပေါင်းရင်းမြစ်များ

2 Tımothy 3:13

Ekò dǫ wejıı eyıts'ǫ dǫ ghǫyageeɂàa gı̨ı̨lı̨ı̨ sìı denahk'e sıì negezı̨-le agede ha. K'èdaà dǫ ghǫyageeɂà xè ededı̨ sı gıghǫyahoeɂà ha.

John Wenazhıı 11:13

Eyı sadzeè et'ıì dèè hòtł'ò nàèhdǫ t'à kǫ̀godeè gots'ǫ kǫ̀ łǫ hodàètł'ı; kǫ̀ gòlaa hoònǫ ts'ǫ ı̨łè hodàètł'ı. Dèè hòtł'ò nàèhdǫ t'à dǫ łǫ̀hdı̨-lemì ełaı̨dè. Dǫ ełaı̨dè-le sìı sıì geèhyeh t'à Nǫ̀htsı̨ yak'e whedaa ghàsǫgeedı.

John Wenazhıı 16:2

Yak'eet'ı̨į̀ t'akwełǫ̀ǫ̀ elı̨ı̨ sìı edets'ǫ kw'àyį̀ą dıı nèk'e ts'ǫ̀ nałayeèhtł'ı. Dǫ hazǫǫ̀ tıts'aàdìı nechàa wıızì gık'e aatł'èe sìı eyıts'ǫ kwe wek'ę̀ę̀ wègaat'ı̨ı̨ ts'ǫ̀ nàgògı̨ı̨hgèe sìı gıkaà łǫ ajà t'à sıì dagı̨ı̨ɂa.

John Wenazhıı 16:21

Yat'a gots'ǫ ı̨hlı nechàa dǫ k'e hodàetł'ò. Eyı ı̨hlı sìı ı̨łèakw'eènǫ haàtłǫǫ aı̨hdaa dǫ k'e nàı̨tł'ı t'à sıì dagı̨ı̨ɂa, eyıt'à Nǫ̀htsı̨ ts'ǫ̀ gìch'è xè nàdahogeeɂà.

John Wenazhıı 16:9

Sa sıì whekǫ̀ t'à dǫ gıkwǫ̀ k'eek'ǫ̀ ts'ıhɂǫ̀ Nǫ̀htsı̨ ts'ǫ̀ nàdahogeeɂà. Ayìı t'à dǫ dagı̨ı̨ɂaa sìı Nǫ̀htsı̨ yets'ǫ̀ K'àowo hǫt'e, hanìkò ı̨łaà edek'egı̨ı̨lı̨ ha gı̨ı̨wǫ-le eyıts'ǫ Nǫ̀htsı̨ ghàsǫgeedı ha gı̨ı̨wǫ-le.

John Wenazhıı 2:21

Eyı ts'èko hołı̨ı̨ nàowoò k'ę̀ę̀ eghàlaedaa sìı edek'eelı̨ ha weghàhòehɂǫ ı̨lè, hanìkò hanıwǫ-le.