John Wenazhıı 15:7 - Nǫ̀htsı̨ Nı̨htł'è

⁷ T'asìı dı̨ godìı gots'ǫ ı̨łè sǫǫ̀mbaekwo kw'àyį̀ą łǫ̀hdı̨ yak'eet'ı̨į̀ łǫ̀hdı̨ goghàyı̨ı̨wa. Nǫ̀htsı̨ welǫ whìle ts'ǫ̀ edaa sìı eyı kw'àyį̀ą łǫ̀hdı̨ weyìı dǫ ts'ǫ̀ wek'èch'a dagoòɂǫ whetł'ı.

John Wenazhıı 15:7 ပူးပေါင်းရင်းမြစ်များ

1 Thessalonıca 1:9

Dànì naxıkǫ̀ gots'ǫ̀ enìxàı̨tǫǫ̀ aahłàa sìı ghǫ nezı̨į̀ xàyagı̨ı̨htı. Naxıghǫ gots'ǫ̀ dıı hagedı: Nǫ̀htsı̨ą hòèlı̨ı̨ ts'ǫ̀ yaahtı-le aahjà, eyıts'ǫ Nǫ̀htsı̨ edaa xè ehkw'ı hǫt'e sìı wets'ǫ̀ naahɂa xè ededı̨ zǫ wegha eghàlaahdaà aahjà, naxègedı.

John Wenazhıı 1:18

Sı̨ sìı ehda hǫt'e. Ełaıhwho ı̨lè hanìkò dıì welǫ whìle ts'ǫ̀ ehda hǫt'e. Dǫ ełaı̨dèe nèk'e gha ladlì k'èhdì.

John Wenazhıı 10:6

Nǫ̀htsı̨ welǫ whìle ts'ǫ̀ edaa sìı yak'e eyıts'ǫ t'asìı hazǫǫ̀ yeyìı nàdèe whehtsı̨. Eyıts'ǫ dıı dèè eyıts'ǫ t'asìı hazǫǫ̀ yek'e nàdèe whehtsı̨. Eyıts'ǫ tıcho eyıts'ǫ t'asìı hazǫǫ̀ yeyìı nàdèe whehtsı̨ı̨ sìı ededı̨ yıızì dahxà dıı hadıì yatı nàtsoo whıhtsı̨: “Hòt'a Nǫ̀htsı̨ naèhɂı̨ ha nıìle!

John Wenazhıı 14:10

Nǫ̀htsı̨ hòtł'ò nàyeehkwa ha. Nǫ̀htsı̨ sıì wets'ǫ̀ wek'èch'a t'à hòtł'ò daı̨ɂa yeghàhòɂà ha. Sahzǫ̀ą eyıts'ǫ yak'eet'ı̨į̀ gınadąą̀ kwe dèk'ǫ̀ǫ t'à daı̨ɂaà awedle ha hǫt'e.

John Wenazhıı 15:1

K'achı̨ yak'e enıìyah deè nàhòwo wègoèht'į̀: yak'eet'ı̨į̀ łǫ̀hdı̨ hoìla łǫ̀hdı̨ wet'à nǫǫde dǫ dagı̨ı̨ɂaà agedle ha sìı dagıale. Eyı wet'à Nǫ̀htsı̨ dǫ nàgoehkwa ghǫ nǫǫt'e ha t'à nǫǫde hǫt'e.

John Wenazhıı 16:2

Yak'eet'ı̨į̀ t'akwełǫ̀ǫ̀ elı̨ı̨ sìı edets'ǫ kw'àyį̀ą dıı nèk'e ts'ǫ̀ nałayeèhtł'ı. Dǫ hazǫǫ̀ tıts'aàdìı nechàa wıızì gık'e aatł'èe sìı eyıts'ǫ kwe wek'ę̀ę̀ wègaat'ı̨ı̨ ts'ǫ̀ nàgògı̨ı̨hgèe sìı gıkaà łǫ ajà t'à sıì dagı̨ı̨ɂa.

John Wenazhıı 17:1

Yak'eet'ı̨į̀ łǫ̀hdı̨ kw'àyį̀ą łǫ̀hdı̨ k'egelee sìı ı̨łè segà nììtła, hadı, “Sek'èè ı̨ı̨tła. Ts'èkojıı tı łǫ k'e whedaa sìı dànì daı̨ɂaà awedle ha sìı weghàı̨daà anehłe ha.

John Wenazhıı 21:9

Yak'eet'ı̨į̀ łǫ̀hdı̨ kw'àyį̀ą yìı wet'à hoìla dagoòɂǫ dagıale ı̨lèe sìı k'achı̨ geehɂı̨. Yak'eet'ı̨į̀ ı̨łè sets'ǫ̀ ajà, hasèhdı, “Sek'èı̨tła. Eyı ts'èko sahzǫ̀ą xè honìda ha sìı weghàı̨daà anehłe ha,” sèhdı.

John Wenazhıı 4:10

ǫhdah naènǫ-daats'ǫ̀-dı̨ sìı eyı daèhchı̨cho k'e whedaa ts'ǫ̀ nàgògehge eyıts'ǫ welǫ whìle ts'ǫ̀ wehòhɂǫǫ sìı ghàsǫgeedı. Edets'ǫ sǫǫ̀mbaekwo kwìt'ıì eyı daèhchı̨cho nadąą̀ nègewa xè hagedı,

John Wenazhıı 5:8

Sahzǫ̀ą eyı enı̨htł'èyeè neyıìchı tł'axǫǫ̀ t'asìı dı̨ godìı eyıts'ǫ ǫhdah naènǫ-daats'ǫ̀-dı̨ sìı gıts'ǫ̀ nàgògı̨ı̨hgè. Hazǫǫ̀ tł'ık'eetı̨ı̨ lanıı k'egele eyıts'ǫ sǫǫ̀mbaekwo kw'àyį̀ą weyìı dzèh-łekǫǫ dèk'ǫ̀ǫ dagıale. Eyı dzèh-łekǫǫ dèk'ǫ̀ǫ sìı Nǫ̀htsı̨ wets'ǫ dǫ degaı xàyageetı lanì hǫt'e.