John Wenazhıı 14:7 - Nǫ̀htsı̨ Nı̨htł'è

⁷ Yak'eet'ı̨į̀ hòtł'ò hadı, “Hòt'a dǫ sınìyaetıı dzęę̀ ts'ǫ̀ whaà-le t'à Nǫ̀htsı̨ wek'èaht'e eyıts'ǫ weghàsǫahdı. Ededı̨ sìı yak'e, dıı dèe, tıcho eyıts'ǫ tı xàı̨lı̨ı̨ hazǫǫ̀ yèhtsı̨ hǫt'e, eyıt'à wegha zǫ aahda,” hadı.

John Wenazhıı 14:7 ပူးပေါင်းရင်းမြစ်များ

Dànì Kèhoį̀wo 22:12

“Dǫzhìa ełaı̨hwhı-le,” yèhdı. “T'asawı̨ı̨le-le. Neza ı̨łàet'ea nets'ǫ sìı sech'à wek'ènedì-le t'à sıì Nǫ̀htsı̨ k'èanet'e nǫǫ̀!” yak'eet'ı̨į̀ yèhdı.

Matthew 25:13

“Eyıt'à edexoahdı! Ayìı dzęę̀ k'e eyıts'ǫ ayìı sadzeè k'e hagode ha sìı wek'èahsǫ nıìle,” Zezì hadıì goxè godo.

Luke 17:18

Eyıt'à Zezì edecheekeè ts'ǫ̀ hadı, “Dıı eładı̨ gots'ǫ dǫ dànìghǫ ededı̨ zǫ Nǫ̀htsı̨ ghǫ masì nıwǫ t'à ek'èt'à naèhtła?” gòhdı.

Zezì Wecheekeèdeè 14:15

“Dànìghǫ aaht'ı̨? Goxı̨ naxıxèht'eè dǫ ats'ı̨ı̨t'e. Naxıts'ǫ̀ godı nezı̨ı̨ nèts'ı̨ı̨ɂǫ. T'asìı wet'àaɂà-le k'alaahdèe sìı wedę aahłe, Nǫ̀htsı̨ edaa sìı wets'ǫ̀ aahde. Ededı̨ sìı yak'e, dèe, tı eyıts'ǫ t'asìı hazǫǫ̀ weyìı nàdèe sìı yèhtsı̨ hǫt'e.

1 Peter 4:7

T'asìı hazǫǫ̀ welǫ agode ha nìhǫǫwo. Eyıt'à naxınì ehkw'ıì aahłe eyıts'ǫ nàowołı̨ı̨ ch'à edek'èahdì, hanì-ı̨dè nezı̨į̀ yaahtı ha dìì-le.

John Wenazhıı 11:13

Eyı sadzeè et'ıì dèè hòtł'ò nàèhdǫ t'à kǫ̀godeè gots'ǫ kǫ̀ łǫ hodàètł'ı; kǫ̀ gòlaa hoònǫ ts'ǫ ı̨łè hodàètł'ı. Dèè hòtł'ò nàèhdǫ t'à dǫ łǫ̀hdı̨-lemì ełaı̨dè. Dǫ ełaı̨dè-le sìı sıì geèhyeh t'à Nǫ̀htsı̨ yak'e whedaa ghàsǫgeedı.

John Wenazhıı 11:18

Dǫ hazǫǫ̀ xàɂaa gìch'è, eyıt'à dıì nàgı̨ı̨hkwa ha. Dǫ ełaı̨dèe sìı dıì gısınìyaetı ha nèhòı̨wo. Nakwenàoɂǫǫ negha eghàlagı̨ı̨dàa, nets'ǫ dǫ gı̨ı̨lı̨ı̨, eyıts'ǫ nets'ǫ̀ nezı̨į̀ kànegı̨ı̨ɂaa sìı nezı̨į̀ gıts'ǫ̀ eghàlaı̨da ha. Eyıts'ǫ dǫ wet'àaɂàa, dǫ wet'àaɂà-le, nek'èagı̨ı̨t'ee sìı nezı̨į̀ gıts'ǫ̀ eghàlaı̨da ha. Hanìkò amìı dıı dèè yedıhohtsı̨ı̨ sìı godıhohtsı̨ ha hǫt'e,” hagedı.

John Wenazhıı 15:4

Gots'ǫ̀ K'àowo, dǫ hazǫǫ̀ nek'èagı̨ı̨t'e ha hǫt'e eyıts'ǫ neghàsǫgeedı ha. Nı̨ zǫ degaı anet'e. Ehkw'ı eghàlaı̨dàa sìı wek'èhoedzǫǫ̀ adlà ne t'à, dǫ hazǫǫ̀ xàɂaa nets'ǫ̀ aget'ı̨ xè neghàsǫgeedı ha hǫt'e,” hagedıì gejı̨.

John Wenazhıı 16:9

Sa sıì whekǫ̀ t'à dǫ gıkwǫ̀ k'eek'ǫ̀ ts'ıhɂǫ̀ Nǫ̀htsı̨ ts'ǫ̀ nàdahogeeɂà. Ayìı t'à dǫ dagı̨ı̨ɂaa sìı Nǫ̀htsı̨ yets'ǫ̀ K'àowo hǫt'e, hanìkò ı̨łaà edek'egı̨ı̨lı̨ ha gı̨ı̨wǫ-le eyıts'ǫ Nǫ̀htsı̨ ghàsǫgeedı ha gı̨ı̨wǫ-le.

John Wenazhıı 18:10

Eyı ts'èkojıı sıì hòtł'ò daı̨ɂa t'à k'àowocho sıì geejı̨į̀ agede ha. Nıwà gots'ǫ gıghàeda ha, getse xè dıı hagedı ha: ‘Hoìla hodeè! Heè, kǫ̀godeè Babylon weghǫ enıhoòyah ne là! Kǫ̀godeè nàtsoo elı̨ ı̨lè, hanìkò ı̨łè sadzeè zǫ t'à wexè hoìla agòjà!’ gedıì getse ha.

John Wenazhıı 18:17

Hanìkò ı̨łè sadzeè zǫ t'à t'asìı dètìı hazǫǫ̀ wedıhòłı̨,’ k'aàwı hagedıì gezeh ha. “Elàcho ts'ǫ̀ k'àowo hazǫǫ̀ tı k'e ts'ǫ̀ geèlı̨ı̨ sìı, eyıts'ǫ dǫ hazǫǫ̀ elàcho yìı geèhkw'ee sìı, eyıts'ǫ elàcho k'ègedìı gı̨ı̨lı̨ı̨ sìı nıwà gots'ǫ Babylon ghàgeeda ha.

John Wenazhıı 18:19

Ehtł'è edekwì k'e ts'ǫ̀ geehdè xè getse ha, weghǫ gıdzeè nànııtìı xè hagedı ha: ‘Hoìla hodeè! Heè, kǫ̀godeè Babylon weghǫ enıhoòyah ne là! Dǫ hazǫǫ̀ tıdeè k'e elàcho t'à į̀hnǫǫ̀ t'asìı eghǫgeelee sìı eyı ts'èko wets'ǫ t'asìı t'à ahxe gehłè ı̨lè. Hanìkò ı̨łè sadzeè zǫ t'à eyı ts'èko t'asìı wı̨ı̨zìı wets'ǫ-le awììdlà!’ gedıì gezeh ha.

John Wenazhıı 19:5

Eyı daèhchı̨cho gots'ǫ dıı hats'edıì hǫt'e: “Naxı̨ hazǫǫ̀ wecheekeè yàahłı̨ı̨ sìı, naxı̨ hazǫǫ̀ wek'èaht'ee sìı, eyıts'ǫ dǫ wet'àaɂàa, wet'àaɂà-le yàahłı̨ı̨ sìı Gonǫ̀htsı̨ weghàsǫahdı,” hats'edıì hǫt'e.

John Wenazhıı 4:11

“Gots'ǫ̀ K'àowo Gonǫ̀htsı̨, t'asìı hazǫǫ̀ wheęhtsı̨ ne t'à enıìyah xè neghàsǫts'eedıı sìı nı̨ zǫ nets'ǫ̀ hats'edı ha hǫt'e eyıts'ǫ t'asìı hazǫǫ̀ ts'ǫ̀ k'àı̨wo welè. Hanì welè neewǫ t'à t'asìı hazǫǫ̀ hòèlı̨ı̨ xè geeda hǫt'e,” gedı.

John Wenazhıı 4:9

Eyıt'à eyı t'asìı dı̨ godìı sìı amìı daèhchı̨cho k'e whedaa, welǫ whìle ts'ǫ̀ wehòhɂǫǫ sìı gıghàsǫedı xè masì gıìhdı. Haget'ı̨ taàt'eè,

John Wenazhıı 8:10

Yak'eet'ı̨į̀ taı t'à whedaa sìı edets'ǫ dechı̨shì yeèhdı. Yat'a ts'ǫ whǫ̀ nechàa dechı̨-dèk'ǫ̀ǫ lanıı hodàdeèwò. Deh nechàa hazǫǫ̀ eyıts'ǫ dehtsoa hazǫǫ̀ tanı k'aɂį̀ı̨ ts'ǫ̀ k'e nàekw'o.