John Wenazhıı 14:6 - Nǫ̀htsı̨ Nı̨htł'è

⁶ Eyı tł'axǫǫ̀ yak'eet'ı̨į̀ k'achı̨ ı̨łè ı̨dòo k'et'a weehɂı̨. Godı nezı̨ı̨ welǫ whìle ts'ǫ̀ wheɂǫǫ dıı nèk'e dǫ hazǫǫ̀ gık'èezǫ ha k'eyeɂa; dǫ hazǫǫ̀ xàɂaa, yatı hazǫǫ̀ xàɂaa eyıts'ǫ dıı nèk'e hazǫǫ̀ gha adlà hǫt'e.

John Wenazhıı 14:6 ပူးပေါင်းရင်းမြစ်များ

Dànì Kèhoį̀wo 1:6

Nǫ̀htsı̨ “Dèè k'e tı eyıts'ǫ ı̨dòo yat'a tı į̀łak'aà awede,” hadı.

Matthew 10:27

Togoòtł'òo t'asìı naxıts'ǫ̀ haehsı̨ı̨ sìı dzę nı̨dè weghǫ goahde ha. Naxıdzıìhkw'ǫǫ̀ yìı ı̨hłį̀ą gots'ede nı̨dè dahmò ka gots'ǫ dǫ hazǫǫ̀ ts'ǫ̀ hòtł'ò haahdı.

Mark 16:15

Eyıts'ǫ gots'ǫ̀ hadı, “Dıı nèk'e hazǫǫ̀ ts'ǫ̀ aahde, godı nezı̨ı̨ dǫ hazǫǫ̀ ts'ǫ̀ haahdı.

Colosse 1:23

Eyıt'à Nǫ̀htsı̨ gha naxınì nàtsoò aahwhǫ nı̨dè, weghǫ naaht'è-le nı̨dè, eyıts'ǫ godı nezı̨ı̨ sìı naxıgha ehkw'ı-ahodı nı̨dè naxıxè sìghà ha hǫt'e. Eyı godı nezı̨ı̨ sìı naxıts'ǫ̀ hats'edı hǫt'e eyıts'ǫ dıı nèk'e dǫ hazǫǫ̀ eyı t'à hoghàgıts'eèhtǫ hǫt'e. Sı̨ Paul eyı godı nezı̨ı̨ zǫ gha eghàlaehda hǫt'e.

2 Thessalonıca 2:16

Nǫ̀htsı̨-Gotà goghǫneètǫǫ sìı wesǫnıwǫ t'à welǫ whìle ts'ǫ̀ ts'eeda ha edeyatıì nàtsoo goghàı̨ɂǫ, eyıts'ǫ wet'à goınì nàtsoò agǫ̀ǫ̀là. Gots'ǫ̀ K'àowo Zezì-Krı xàè ededı̨ eyıts'ǫ Nǫ̀htsı̨-Gotà

Hebrew 13:20

Nǫ̀htsı̨ wet'à ts'èwhı̨į̀ hòɂǫǫ sìı Zezì sahzǫ̀ą-k'èdìı-deè elı̨ı̨ sìı naìdà ayį̀į̀là, eyıts'ǫ wedoò t'à goxè nakenawhehtsı̨ hǫt'e.

1 Peter 1:25

hanìkò gots'ǫ̀ K'àowo weyatıì sìı welǫ whìle ts'ǫ̀ wheɂǫ,” hanì dek'eèhtł'è. Eyı yatı sìı weghànaxeètǫ hǫt'e.

John Wenazhıı 10:11

Eyı tł'axǫǫ̀ sets'ǫ̀ hats'edıì, “Sedahxà, dàgode ha sìı weghǫ dǫ gıts'ǫ̀ goı̨de. Dǫ łǫ xàɂaa, yatı łǫ xàɂaa eyıts'ǫ dıı nèk'e hazǫǫ̀ eyıts'ǫ k'àowocho łǫ gıts'ǫ̀ goı̨de,” sèts'edıì hǫt'e.

John Wenazhıı 10:7

Yak'eet'ı̨į̀ łǫ̀hdı̨ t'à whedaa sìı edets'ǫ dechı̨shì yeèhdı ha nıìkw'o nı̨dè Nǫ̀htsı̨ nàowoò dǫ gha deɂı̨į̀ wheɂǫǫ sìı hòt'a deghàà wek'ę̀ę̀ agode ha. Nakwenàoɂǫǫ Nǫ̀htsı̨ gha eghàlagı̨ı̨dà ı̨lèe sìı dànì dǫ ts'ǫ̀ gogı̨ı̨dee sìı wek'ę̀ę̀ agode ha,” yak'eet'ı̨į̀ hadı.

John Wenazhıı 13:7

Tıts'aàdìı nechàa sìı Nǫ̀htsı̨ wets'ǫ dǫ ts'ǫ̀ eghǫ xè goghǫehnè ha weghàhòt'ǫ hǫt'e. Dǫ hazǫǫ̀ xàɂaa, yatı hazǫǫ̀ xàɂaa eyıts'ǫ hazǫǫ̀ nèk'e ts'ǫ̀ k'àowo elı̨ ha weghàhòt'ǫ hǫt'e.

John Wenazhıı 3:10

Senàowoò k'èahdì eyıts'ǫ ts'èwhı̨į̀ daahɂa t'à hazǫǫ̀ dıı nèk'e dǫ xè hoìla agode ha sìı ch'à naxık'èhdì ha. Dıı nèk'e dǫ hazǫǫ̀ nàdèe sìı hoìla t'à geèdzà ha.

John Wenazhıı 5:9

Shı̨ wegòò t'à dıı hagedıì gejı̨, “Eyı enı̨htł'èyeè nı̨į̀chı gà wets'ǫdaà xàı̨hdlà ha neghàhòt'ǫ. Ełaànìgwo ı̨lè eyıts'ǫ nedoò t'à Nǫ̀htsı̨ gha dǫ nàgıneèhdì. Dǫ hazǫǫ̀ xàɂaa, yatı hazǫǫ̀ xàɂaa eyıts'ǫ dıı nèè hazǫǫ̀ gots'ǫ agı̨ı̨t'e.

John Wenazhıı 8:13

Eyı tł'axǫǫ̀ det'ǫcho yat'a k'et'a wègaat'ı̨. Hòtł'ò ezeh xè hadı, “Hoìla ha, hoìla ha, hoìla nechàa agode ha. Įłaà yak'eet'ı̨į̀ taı dechı̨shì geehdı ha t'à dıı nèk'e dǫ hazǫǫ̀ sıì gıxè hoìla agode ha!” hadıì ezeh.