John Wenazhıı 14:4 - Nǫ̀htsı̨ Nı̨htł'è

⁴ Eyı dǫ haàtłǫǫ sìı ts'èko xè hołı̨ı̨ k'ę̀ę̀ eghàlagı̨ı̨dà whìle, degaı k'ę̀ę̀ edek'ègıadì t'à. Sahzǫ̀ą edı̨į̀ k'etłoo sìı gık'èè k'edè. Dǫ gıta gots'ǫ nàgeèdìı agı̨ı̨t'e, eyıts'ǫ jìecho t'akwełǫ̀ǫ̀ dıìdìı Nǫ̀htsı̨ eyıts'ǫ Sahzǫ̀ą ghàgogį̀ı̨laa lagı̨ı̨t'e.

John Wenazhıı 14:4 ပူးပေါင်းရင်းမြစ်များ

Matthew 19:12

Dǫ mǫ̀hdaa hoget'ı̨ ha dìì, hanì gıgǫ̀hłı̨ ne t'à, dǫ mǫ̀hdaa nàgıat'a ts'ıhɂǫ̀ hoget'ı̨-le, eyıts'ǫ dǫ mǫ̀hdaa Nǫ̀htsı̨ Wenàowoò ts'ıhɂǫ̀ hoget'ı̨ ha gı̨ı̨wǫ-le. Amìı eyı yatı gìhchì ha dìì-le sìı gìhchı welè,” Zezì gòhdı.

Matthew 25:1

“Ekìıyeè k'e nı̨dè Nǫ̀htsı̨ Wenàowoò k'ę̀ę̀ dıı lagode ha: T'eekoa hoònǫ tłeèk'ǫ̀ǫ xè xàgeède gà mǫ̀ht'a dǫzhìı honìda ha sìı k'enageèhɂı̨.

Matthew 8:19

Nǫ̀htsı̨-yatıì-k'èdìı-dǫǫ̀ ı̨łè yets'àèhtła, hadı, “K'àowo, edı̨į̀ anet'ı̨ı̨ sìı nexè ahde ha dehwhǫ,” yèhdı.

John 10:27

Sesahzǫ̀ą agı̨ı̨t'ee sìı gıts'ǫ̀ gohde nı̨dè segeèhkw'ǫ, gık'èehsǫ eyıts'ǫ sek'èè k'egedè.

John 12:26

Amìı segha eghàlaeda ha nıwǫǫ sìı sek'è-eetła ha hǫt'e; edı̨į̀ whıhdaa sìı secheekeè ededı̨ sı ekǫ wheda ha. Dǫ segha eghàlaedaa sìı Setà yets'ǫ̀ nezı̨į̀ eghàlaeda ha hǫt'e.

John 13:37

Peter k'achı̨ dayeehke, “Sets'ǫ̀ K'àowo, dànìghǫ dıì nek'èehtła ha dìì? Negha ełaehwhı ha ts'atà whıhda,” yèhdı.

John 8:12

Zezì k'achı̨ dǫ ts'ǫ̀ hadı, “Dıı nèk'e dǫ hazǫǫ̀ gıgha dzęh nı̨ı̨dı̨ı̨ aht'e. Amìı sexè at'ı̨ı̨ sìı wexè togoòtł'ò ha-le, dzęh wet'à ts'eedaa wexè hòɂǫ hǫt'e,” gòhdı.

Zezì Wecheekeèdeè 20:28

Hotıì edexoahdı eyıts'ǫ Nǫ̀htsı̨ wecheekeè sı gıxoahdı, Yedàyeh Nezı̨ı̨ eyı la naxıghàı̨ɂǫ hǫt'e. Nǫ̀htsı̨ ededoò t'à edets'ǫ dǫ edaxàwhela ne t'à nezı̨į̀ gıxoahdı.

1 Corınth 16:15

Stephanas eyıts'ǫ dǫ wekǫ̀ nàgedèe sìı Achaıa nèk'e gogha t'akwełǫ̀ǫ̀ gots'ǫ̀ K'àowo ghàdegį̀ı̨laa sìı wek'èahsǫ hǫt'e. T'aats'ǫǫ̀ Nǫ̀htsı̨ wets'ǫ dǫ gha eghàlagı̨ı̨dà hǫt'e. Sèot'ı̨ı̨, dǫ hanıı sìı gık'èaht'e, eyıts'ǫ dǫ hazǫǫ̀ Nǫ̀htsı̨ gha hòtł'ò eghàlageedaa sìı gık'èaht'e.

1 Corınth 6:20

T'asìı deè t'à nàgoèdì hǫt'e. Eyıt'à naxızhį̀į̀ t'à Nǫ̀htsı̨ ts'ǫ̀ nezı̨į̀ aahda.

1 Corınth 7:28

Hanìkò hǫaht'ı̨ nı̨dè hołı̨ı̨ hòwhàahtsı̨ nıìle, eyıts'ǫ ts'èko hǫat'į̀ı̨ whìle sìı honìdza nı̨dè hołı̨ı̨ hòèhtsı̨ nıìle. Hanìkò amìı honìgedèe sìı dıı nèk'e gıxè hoìla łǫ ha hǫt'e, eyı hoìla naxıts'ǫ ha dehwhǫ nıìle.

2 Corınth 11:2

Nǫ̀htsı̨ wınì k'ę̀ę̀ hotıì naxıxoehdı hǫt'e. T'eeko wetà dǫzhìı ghàyı̨ı̨htı̨ lanì Zezì-Krı ghànaxèehtè ha dehwhǫ. T'eekogòò lanì weghànaxèehtè ha dehwhǫ.

Ephesus 1:14

Nǫ̀htsı̨, edets'ǫ dǫ hazǫǫ̀ deghàà edaxàgole gots'ǫ̀ Yedàyeh Nezı̨ı̨ godzeè yìı nàdè ayį̀į̀là. Yedàyeh Nezı̨ı̨ godzeè yìı nàdè t'à t'asìı hazǫǫ̀ Nǫ̀htsı̨ goghàyele ha dıı sìı goghàhòt'à ha wek'èts'eezǫ. Eyı ts'ıhɂǫ̀ Nǫ̀htsı̨ enıìyah wexè hòɂǫǫ sìı weghàsǫts'eedı hǫt'e.

Ephesus 5:27

Gìdaat'ı̨ xè edets'ǫ̀ agole ha nıwǫ. Tsǫ̀ wı̨ı̨zìı gık'e wheɂǫ-le xè t'asìı wı̨ı̨zìı t'à gıxoeɂa ha-le. Degaı gı̨ı̨lı̨ı̨ xè t'asìı wı̨ı̨zìı t'à dǫ gok'e nìdahoeɂà ha-le.

1 Tımothy 4:3

Hots'et'ı̨ı̨ sìı ehkw'ı nıìle gedı ha, eyıts'ǫ weghǫ shèts'ezhee mǫ̀hdaa geɂà-le agogehɂı̨ ha. Nǫ̀htsı̨ weghǫ shèts'ezhee yèhtsı̨ hǫt'e, eyıt'à dǫ gıgha ehkw'ı-ahodıı xè nàowo ehkw'ıı k'ègeezǫǫ sìı gıghǫ shèzhe xè weghǫ masì gı̨ı̨wǫ ha hǫt'e.

Hebrew 12:23

Dǫ hazǫǫ̀ Nǫ̀htsı̨ ghàgììzhaa sìı gıta dahkw'eè aahjà, eyıts'ǫ gıxè naxıızì yak'e dek'eèhtł'è hǫt'e. Nǫ̀htsı̨ dǫ hazǫǫ̀ gosınìyaehtıı sìı ghǫ nìahde hǫt'e, dǫ deghàà degaı agììdlàa sìı gıts'ǫ ı̨nì ts'ǫ̀ nìahde hǫt'e.

James 1:18

Weyatıì ehkw'ıı t'à k'achı̨ gogǫ̀hłı̨ gha gòį̀hchì hǫt'e. Hanì-ı̨dè dıı nèk'e t'asìı hazǫǫ̀ whehtsı̨ı̨ gots'ǫ sìı goxı̨ xàè wets'ǫ ts'ı̨ı̨lı̨ ha agǫ̀ǫ̀là.

1 Peter 2:9

Hanìkò naxı̨ sìı naxììchì hǫt'e, Nǫ̀htsı̨ wedahxà yahtıı aaht'e, Nǫ̀htsı̨ wets'ǫ aaht'e eyıts'ǫ dǫ degaı aaht'e. Eyı ts'ıhɂǫ̀ Nǫ̀htsı̨ ghàsǫahdı; ededı̨ sìı togoòtł'òo yìı gots'ǫ dzęh nı̨ı̨dı̨ı̨ ts'ǫ̀ naxıkayaı̨htı hǫt'e.

John Wenazhıı 17:14

Sahzǫ̀ą ts'ǫ̀ ełegegǫ ha, hanìkò Sahzǫ̀ą goghǫehnè ha. Ededı̨ sìı k'àowo hazǫǫ̀ gha K'àowo elı̨ eyıts'ǫ k'àowocho hazǫǫ̀ gha K'àowocho elı̨. Eyı Sahzǫ̀ą wecheekeè gìhchìı xè weyatıì k'ègedìı sìı wexè agı̨ı̨t'e,” yak'eet'ı̨į̀ hasèhdı.

John Wenazhıı 21:22

Eyı kǫ̀godeè gonı Nǫ̀htsı̨kǫ̀-gocho wègaat'ı̨-le, Gonǫ̀htsı̨ t'asìı wegha dìì-le sìı eyıts'ǫ Sahzǫ̀ą gogha Nǫ̀htsı̨kǫ̀-gocho lagı̨ı̨t'e t'à.

John Wenazhıı 21:23

Eyı kǫ̀godeè sìı Nǫ̀htsı̨ wets'ǫ enıìyah deè wek'e saı̨dı̨ t'à sa eyıts'ǫ adzęzah wek'e daaɂa-le kò t'asanìle. Hazǫǫ̀ ts'ǫ̀ wek'e dzęh agǫ̀ht'e eyıts'ǫ Sahzǫ̀ą sìı gogha ek'aèk'ǫ dèk'ǫ̀ǫ elı̨ lanì.

John Wenazhıı 3:4

“Hanìkò dǫ łǫ-lea kǫ̀ta Sardıs nàgedèe sìı hołı̨ı̨ t'à edegoht'ǫǫ̀ tsį̀gı̨ı̨hwho-le. Edegha hogeèhnǫ ne t'à goht'ǫ degoo t'à-aget'ı̨ xè sexè k'egedè ha.

John Wenazhıı 5:9

Shı̨ wegòò t'à dıı hagedıì gejı̨, “Eyı enı̨htł'èyeè nı̨į̀chı gà wets'ǫdaà xàı̨hdlà ha neghàhòt'ǫ. Ełaànìgwo ı̨lè eyıts'ǫ nedoò t'à Nǫ̀htsı̨ gha dǫ nàgıneèhdì. Dǫ hazǫǫ̀ xàɂaa, yatı hazǫǫ̀ xàɂaa eyıts'ǫ dıı nèè hazǫǫ̀ gots'ǫ agı̨ı̨t'e.