John Wenazhıı 14:17 - Nǫ̀htsı̨ Nı̨htł'è

¹⁷ Eyı tł'axǫǫ̀ k'achı̨ yak'eet'ı̨į̀ eyıì-le yak'e Nǫ̀htsı̨kǫ̀-gocho gots'ǫ xàèhtła. Ededı̨ sı behcho whezòo dènıı k'eɂa.

John Wenazhıı 14:17 ပူးပေါင်းရင်းမြစ်များ

John Wenazhıı 11:19

Eyı tł'axǫǫ̀ yak'e ts'ǫ Nǫ̀htsı̨kǫ̀-gocho enìxàetǫ. Nǫ̀htsı̨kǫ̀-gocho goyìı nakenahòdlı̨ı̨ gha sǫǫ̀mbaekwo-ladzè wègoèht'į̀. Hǫtsaa eezhı xè kǫ̀ naìtł'ı̨, dèè hòtł'ò nàèhdǫ xè ı̨hlı łǫ hodàètł'ı.

John Wenazhıı 14:16

Eyıt'à eyı k'oh k'e whedaa sìı edebehchoò dèè gote ayį̀į̀là t'à dèè k'e t'asìı dıìdìı hazǫǫ̀ nàgèhtsı̨.

John Wenazhıı 14:18

Sǫǫ̀mbaekwo ladà wek'e Nǫ̀htsı̨ ts'ǫ̀ t'asìı k'eek'ǫ̀ǫ sìı gots'ǫ yak'eet'ı̨į̀ eyıì-le xàèhtła. Eyı yak'eet'ı̨į̀ ladà k'e kǫ̀ dèk'ǫ̀ǫ ts'ǫ̀ k'àowo hǫt'e. Yak'eet'ı̨į̀ behcho dènıı k'eɂaa sìı ts'ǫ̀ hòtł'ò dıı hadı, “Nets'ǫ behcho dènıı t'à, dıı nèk'e ts'ı wek'e jìecho dawhelaa sìı xàąht'à gà nàąhtsį̀, hòt'a dıìdì ne t'à,” yèhdı.

John Wenazhıı 16:1

Eyı tł'axǫǫ̀ Nǫ̀htsı̨kǫ̀-gocho gots'ǫ yak'eet'ı̨į̀ łǫ̀hdı̨ ts'ǫ̀ hòtł'ò dıı hats'edıì hǫt'e, “Sǫǫ̀mbaekwo kw'àyį̀ą łǫ̀hdı̨ dıı nèk'e nałaahtł'ì. Ayìı weyìı whetł'ıı sìı eyı t'à Nǫ̀htsı̨ dǫ nàehkwa ha,” hats'edıì hǫt'e.

John Wenazhıı 16:17

Eyı tł'axǫǫ̀ yak'eet'ı̨į̀ łǫ̀hdı̨ t'à elı̨ı̨ sìı edets'ǫ kw'àyį̀ą yat'a nałayeèhtł'ı ekò Nǫ̀htsı̨kǫ̀-gocho goyìı daèhchı̨cho gots'ǫ hòtł'ò dıı hats'edıì hǫt'e, “Hòt'a enahǫ̀t'e!” hats'edıì hǫt'e.