John Wenazhıı 14:14 - Nǫ̀htsı̨ Nı̨htł'è

¹⁴ Eyı tł'axǫǫ̀ senadąą̀ k'oh degoo wègoèht'į̀, “dǫ wet'àaɂàa deè” lanıı k'oh k'e wheda. Sǫǫ̀mbaekwo kwìt'ıì wekwì k'e wheɂǫ, eyıts'ǫ behcho whezòo dènıı k'eɂa.

John Wenazhıı 14:14 ပူးပေါင်းရင်းမြစ်များ

Matthew 13:30

Nezı̨į̀ dıìdì ade ts'ǫ̀ į̀łah ełexè dehsheè aahłe. T'asìı hazǫǫ̀ nàgehtsį̀ tł'axǫǫ̀ nı̨dè secheekeè gıts'ǫ̀ dıı haehsı̨ ha: T'akwełǫ̀ǫ̀ tł'oh nezı̨-le hazǫǫ̀ nàahtsį̀ gà ełèhchıì aahłe gà wek'eahk'ǫ̀. Eyı haahłà tł'axǫǫ̀ nı̨dè t'asìı nezı̨ı̨ sìı hazǫǫ̀ nàahtsį̀ gà xehkǫ̀ goyaahwha,’ edecheekeè gòhdı,” Zezì hadıì goxè godo.

Matthew 17:5

Įłaà Peter gode ekò k'oh gımǫǫ̀ ajà. K'oh yìı gots'ǫ gots'edeè hǫt'e, “Dıı Seza weghǫneehtǫ hǫt'e, weghǫ sǫdehwhǫ hǫt'e, weàhkw'ǫ!” hats'edıì hǫt'e.

Mark 4:29

Dıìdì ts'ǫ̀et'ıì dǫ xàyet'à gà hazǫǫ̀ nàyehtsį̀,” Zezì hadıì goxè godo.

Luke 21:27

Eyı dzęę̀ k'e Dǫ-wet'àaɂàa-deè enıìyah t'à nàtso k'oh k'e nììtła ha, eyıts'ǫ dǫ hazǫǫ̀ geɂį̀ ha.

Hebrew 2:9

Nǫ̀htsı̨ sìı Zezì whaà-lea gots'ǫ̀ yak'eet'ı̨į̀ k'aɂį̀ elı̨į̀ ayį̀į̀là ı̨lè. Hanìkò daı̨ɂà xè ełaı̨wo t'à, dıì sìı Nǫ̀htsı̨ enıìyah deè elı̨į̀ ayį̀į̀là, eyıts'ǫ weghàsǫhoedıì ayį̀į̀là hǫt'e. Nǫ̀htsı̨ wesǫnıwǫ t'à dǫ hazǫǫ̀ gha ełaı̨wo hǫt'e.

John Wenazhıı 1:13

Ek'aèk'ǫchı̨į̀ wenı dǫ nàwo, “dǫ wet'àaɂàa deè” lanì wègaat'ı̨. ʔeh nedèe wekè ts'ǫ̀ haı̨hdo yìı wheda, eyıts'ǫ ɂehtł'ı̨ sǫǫ̀mbaekwo lanıı wedzıìwı te nawhet'ı.

John Wenazhıı 1:7

Įdòo k'eaht'į̀, k'oh k'e gots'ǫ̀ nììtła ha. Dǫ hazǫǫ̀ geɂį̀ ha. Dǫ behkà t'à gıghaı̨hkoo sìı ededı̨ kò geɂį̀ ha. Eyıts'ǫ dıı nèk'e dǫ hazǫǫ̀ wets'ıhɂǫ̀ geejı̨ xè getse ha. Hanì hòɂǫ welè! Amen.

John Wenazhıı 10:1

Eyı tł'axǫǫ̀ k'achı̨ yak'e gots'ǫ yak'eet'ı̨į̀ nàtsoo hodàèhtła weehɂı̨. K'oh wemoèhdo eyıts'ǫ k'àlemį̀į̀ wekwì godo nawhet'ıì wègaat'ı̨. Wınì sa lanì wek'e saı̨dı̨ eyıts'ǫ wedzaà kǫ̀ dèk'ǫ̀ǫ nàı̨ɂa lanì.

John Wenazhıı 11:17

hagedı, “Gots'ǫ̀ K'àowo eyıts'ǫ Gonǫ̀htsı̨, nı̨ sìı t'asìı negha dìì-le. Nı̨ sìı nexè hòɂǫ ı̨lè eyıts'ǫ dıì nexè hòɂǫ hǫt'e. T'asìı negha dìì-le t'à dıı nèk'e k'àhoı̨wo ha xèhoneehwho, eyıt'à masì nets'ı̨ı̨hwhǫ.

John Wenazhıı 19:12

Wedaà kǫ̀ dèk'ǫ̀ǫ lanì wègaat'ı̨ eyıts'ǫ wekwì k'e sǫǫ̀mbaekwo kwìt'ıì łǫ whela. Wıızì wek'eèhtł'è, hanìkò dǫ wı̨ı̨zìı yek'èezǫ-le; ededı̨ zǫ yek'èezǫ hǫt'e.

John Wenazhıı 20:11

Eyı tł'axǫǫ̀ daèhchı̨cho degoo eyıts'ǫ amìı yek'e whedaa sìı wègoèht'į̀. Dèè eyıts'ǫ yat'a wech'à kwı̨geèhdeè lagejà, gıgha gòɂǫ-le t'à.

John Wenazhıı 6:2

Hǫtsaa senadąą̀ tłı̨cho degoo wègoèht'į̀! Eyı tłı̨cho t'à-at'ı̨ı̨ sìı ı̨htį̀ daetı̨. Ededı̨ sìı sǫǫ̀mbaekwo kwìt'ıì weghǫ̀t'ǫ eyıts'ǫ eghǫǫ-dǫǫ̀ hoehnè ha nàhǫhoehwho lanì natłı̨yeèhchì.