John Wenazhıı 13:4 - Nǫ̀htsı̨ Nı̨htł'è

⁴ Tıts'aàdìı nechàa edetł'axǫǫ̀ eghàlaedaà ayį̀į̀là t'à dǫ hazǫǫ̀ tıts'aàdìıcho dek'oo ts'ǫ̀ yagehtı. Eyıts'ǫ dǫ hazǫǫ̀ tıts'aàdìı nechàa sı ts'ǫ̀ yagehtı, hagedı, “Amìı dıı tıts'aàdìı nechàa xèht'e? Dǫ wı̨ı̨zìı yedaèt'è gǫ̀hłı̨-le!” gedı.

John Wenazhıı 13:4 ပူးပေါင်းရင်းမြစ်များ

2 Corınth 4:4

Wehłı̨ı̨ dıı nèè gha k'àowo elı̨ı̨ sìı dǫ gıgha ehkw'ı-ahodı-le sìı gınì t'à gıgha xègaat'ı̨-le agǫ̀ǫ̀là. Eyıt'à Zezì-Krı wegodıì nezı̨ı̨ ts'ıhɂǫ̀ dǫ xè dzęh hòɂǫǫ sìı gıgha wègaat'ı̨ ha dìì, eyıts'ǫ Zezì-Krı enıìyah wehòhɂǫ xè hotıì Nǫ̀htsı̨ xèht'eè wègaat'ı̨ı̨ sìı, gınıedì ha dìì hǫt'e.

2 Thessalonıca 2:4

Eyı dǫ wejıı sìı t'asìı hazǫǫ̀ dǫ Nǫ̀htsı̨ gìt'ı̨ı̨ sìı eyıts'ǫ t'asìı hazǫǫ̀ ts'ǫ̀ yagehtıı sìı k'èch'a k'ehoɂa xè gınahk'e ehłı̨ hadı ha. Eyıt'à Nǫ̀htsı̨kǫ̀-gocho goyìı wheda gà Nǫ̀htsı̨ aht'e edèhdı ha.

John Wenazhıı 12:3

Eyı tł'axǫǫ̀ k'achı̨ t'asìı enıìyah yak'e wègoèht'į̀: tıts'aàdìıcho dek'oo wekwì łǫ̀hdı̨ wek'e whela eyıts'ǫ sǫǫ̀mbaekwo kwìt'ıì łǫ̀hdı̨ wekwì k'e whela wègoèht'į̀.

John Wenazhıı 12:4

Edetsè t'à whǫ̀ tanı k'aɂį̀ yat'a whelaa sìı dıı nèk'e ts'ǫ̀ hodàyeèhde. Eyı tıts'aàdìıcho dek'oo sìı ts'èko webebìa gòhłè ha nıìkw'oo yenadąą̀ nàwo, eyı bebìa wegǫ̀hłı̨ ts'ǫ̀et'ıì yeɂà ha nıwǫ t'à.

John Wenazhıı 13:11

Eyı tł'axǫǫ̀ k'achı̨ tıts'aàdìı nechàa eyıì-le dèè goyìı gots'ǫ xàèhtła wègaat'ı̨. Wedè nàke sìı sahzǫ̀ą-edè lanıı wek'e whela, hanìkò tıts'aàdìıcho dek'oo lanì gode.

John Wenazhıı 13:15

Eyı tıts'aàdìı nechàa dıı nèk'e gots'ǫ xàèhtłaa sìı eyı kwe t'à wek'ę̀ę̀ wègaat'ı̨ hòèlı̨ı̨ sìı yek'e ehsò t'à godeè ayele ha weghàhòt'ǫ. Eyıts'ǫ amìı yets'ǫ̀ yahtı-le sìı hazǫǫ̀ ełaàgòhde ha weghàhòt'ǫ.

John Wenazhıı 13:2

Eyı tıts'aàdìı nechàa tıcho yìı ts'ǫ xàèhtłaa sìı nǫ̀da “leopard” lanì wègaat'ı̨, eyıts'ǫ wekè sahkè lanì eyıts'ǫ wewà goìjìıcho wewà lanì wègaat'ı̨. Eyı tıts'aàdìıcho dek'oo sìı tıts'aàdìı nechàa nàtsoò ayį̀į̀là xè edetł'axǫǫ̀ k'àowocho elı̨į̀ ayį̀į̀là.

John Wenazhıı 17:14

Sahzǫ̀ą ts'ǫ̀ ełegegǫ ha, hanìkò Sahzǫ̀ą goghǫehnè ha. Ededı̨ sìı k'àowo hazǫǫ̀ gha K'àowo elı̨ eyıts'ǫ k'àowocho hazǫǫ̀ gha K'àowocho elı̨. Eyı Sahzǫ̀ą wecheekeè gìhchìı xè weyatıì k'ègedìı sìı wexè agı̨ı̨t'e,” yak'eet'ı̨į̀ hasèhdı.

John Wenazhıı 18:18

Eyı ts'èko wek'eek'ǫ̀ gıghàeda nı̨dè dıı hagedı ha, ‘Eyı kǫ̀godeè wexèht'eè gòı̨lè whìle,’ hagedı ha.

John Wenazhıı 9:20

Dıı nèk'e dǫ ełaàgı̨ı̨dè-le sìı edılà t'à ayìı gèhtsı̨ı̨ sìı ghǫ edek'egı̨ı̨lı̨-le. Įnìłı̨ı̨ ts'ǫ̀ yagehtı ghǫ naget'è-le. Sǫǫ̀mbaekwo t'à t'asìı hòèlı̨ı̨, sǫǫ̀mba degoo, satsǫ̀ dekwoo, kwe, eyıts'ǫ dechı̨ t'à nǫ̀htsı̨ą hòèlı̨ı̨ sìı ts'ǫ̀ yagehtı. Edegha nǫ̀htsı̨ą gehtsı̨ı̨ sìı k'egeet'į̀-le, egeèhkw'ǫ-le xè k'egedè-le kò ı̨łaà gots'ǫ̀ yagehtı.