John Wenazhıı 13:3 - Nǫ̀htsı̨ Nı̨htł'è

³ Tıts'aàdìı nechàa wekwì łǫ̀hdı̨ ts'ǫ ı̨łè k'e wekaà nechàa wheɂǫ. Eyı wekaà yet'à ełaàwı ha ı̨lè, hanìkò k'aàt'ıì anajà. Dıı nèk'e ts'ǫ dǫ hazǫǫ̀ eyı tıts'aàdìı nechàa weghǫ sıì gıgha enıìyah t'à gık'èède.

John Wenazhıı 13:3 ပူးပေါင်းရင်းမြစ်များ

Luke 2:1

Ekìıyeè k'e k'àowodeè Augustus Rome nèk'e dèe-ts'ǫ̀-k'àowo elı̨ ı̨lè. Eyı k'àowo sìı dǫ hazǫǫ̀ nagıhtà gha nàowo whehtsı̨.

John 12:19

Eyıt'à Pharısee gı̨ı̨lı̨ı̨ sìı ełets'ǫ̀ hagedı, “Weghàahda, dǫ hazǫǫ̀ gıts'ǫ̀ łeèhza! Hagot'ı̨ nı̨dè goxè nezı̨į̀ agode ha agot'ı̨ nıìle,” gedı.

Zezì Wecheekeèdeè 8:13

Sımon ededı̨ sı wegha ehkw'ı-ahodı t'à wek'ètaìdzǫ. Phılıp edı̨į̀ k'edaa sìı yek'èè k'eda. Enıìyah deè wedaà nàhòwo t'à sıì wegha enıìyah dìì.

John Wenazhıı 13:12

Tıts'aàdìı nechàa wekwì łǫ̀hdı̨ sìı wedahxà k'àowo elı̨. Dıı nèk'e dǫ hazǫǫ̀ tıts'aàdìı wekwì łǫ̀hdı̨, ı̨łè wekaà nechàa naıjìı sìı ts'ǫ̀ yagehtıì agǫ̀ǫ̀là.

John Wenazhıı 13:14

Tıts'aàdìı wekwì łǫ̀hdı̨ wedahxà hanì enıìyah deè hòèhtsı̨ t'à dıı nèk'e dǫ goghǫyaàɂǫ. Weyatıì k'e tıts'aàdìı nechàa behcho t'à gego hanìkò xàı̨dàa sìı kwe t'à wek'ę̀ę̀ wègaat'ı̨ı̨ nàı̨hɂaà agı̨į̀là. Eyıt'à tıts'aàdìı wekwì łǫ̀hdı̨ ghàsǫgeedıì agǫ̀ǫ̀là.

John Wenazhıı 17:10

Eyıts'ǫ eyı wekwì łǫ̀hdı̨ sìı k'àowocho łǫ̀hdı̨ gha hǫt'e. Sı̨làı sìı ełaı̨dè, ı̨łè eda eyıts'ǫ ı̨łè ı̨łaà k'àowocho ìhłè-le. K'àowocho whelı̨ nı̨dè whaà-lea gots'ǫ̀ zǫ k'àowo elı̨ ha hǫt'e.

John Wenazhıı 17:11

Eyı tıts'aàdìı nechàa eda ı̨lè hanìkò dıì ełaı̨woo sìı eyı k'àowocho ek'èdı̨ t'à whedaa elı̨ hǫt'e. K'àowocho łǫ̀hdı̨ gota gots'ǫ hǫt'e, hanìkò wedıhołè ha hǫt'e.

John Wenazhıı 17:13

Hazǫǫ̀ gınì ı̨łè zǫ lagı̨ı̨t'e ha, gıdahxà tıts'aàdìı nechàa k'àowo elı̨į̀ agele ha.

John Wenazhıı 17:17

K'àowocho haget'ı̨ı̨ sìı Nǫ̀htsı̨ hanì goınì whehtsı̨ t'à gık'ę̀ę̀ eghàlageedaà aget'ı̨. Eyı tıts'aàdìı nechàa sìı edetł'axǫǫ̀ k'àowo elı̨į̀ agele ha. Nǫ̀htsı̨ weyatıì k'ę̀ę̀ agode gots'ǫ̀ haget'ı̨ ha hǫt'e.

John Wenazhıı 17:6

Eyı ts'èko sìı Nǫ̀htsı̨ wets'ǫ dǫ godoò edǫ t'à yeèhde wègaat'ı̨. Nǫ̀htsı̨ wets'ǫ dǫ Zezì gıgha ehkw'ı adı t'à dagı̨ı̨ɂa hǫt'e. Eyı ts'èko weehɂı̨ ekò sıì segha enıìyah dìì.

John Wenazhıı 17:8

Eyı tıts'aàdìı nechàa weneeɂı̨ı̨ sìı eda ı̨lè, hanìkò dıì ełaı̨wo hǫt'e. Nǫǫde-ı̨dè dǫ ełaı̨dèe k'è gòɂǫǫ gots'ǫ xàetła ha, eyı tł'axǫǫ̀ dèè wedıhołè ha. Dıı nèk'e dǫ łǫ eyı tıts'aàdìı nechàa ghàgeeda nı̨dè gıgha enıìyah dìì ha ne, eyı tıts'aàdìı nechàa sìı eda ı̨lè, dıì ełaı̨wo hǫt'e, hanìkò k'achı̨ naìdà ha hǫt'e. Welǫ whìle ts'ǫ̀ ts'eedaa enı̨htł'è k'e gıızì dek'eèhtł'è-le sìı agı̨ı̨t'e. Eyı enı̨htł'è sìı dèè hòèlı̨ gots'ǫ hǫt'e.