John Wenazhıı 13:1 - Nǫ̀htsı̨ Nı̨htł'è

¹ Tıts'aàdìıcho dek'oo tabàa nàwo wègaat'ı̨. Eyıts'ǫ tıts'aàdìı nechàa eyıì-le tıcho yìı gots'ǫ xàèhtła wègaat'ı̨. Wekwì łǫ̀hdı̨ eyıts'ǫ wedè hoònǫ gǫ̀hłı̨. Sǫǫ̀mbaekwo kwìt'ıì hoònǫ wedè k'e whela eyıts'ǫ wekwì łǫ̀hdı̨ k'e gıızì dek'eèhtł'è. Eyı gıızì łǫ̀hdı̨ sìı Nǫ̀htsı̨ k'èch'a yatı dek'eèhtł'è hǫt'e.

John Wenazhıı 13:1 ပူးပေါင်းရင်းမြစ်များ

John Wenazhıı 11:7

Hòt'a dǫ ts'ǫ̀ gogede ghǫnagı̨ı̨t'e nı̨dè tıts'aàdìı nechàa dèè goyìı gots'ǫ xàetła ha eyıts'ǫ gok'aàwo xè goghǫehnè ha, eyıts'ǫ ełaàgòhde ha.

John Wenazhıı 12:3

Eyı tł'axǫǫ̀ k'achı̨ t'asìı enıìyah yak'e wègoèht'į̀: tıts'aàdìıcho dek'oo wekwì łǫ̀hdı̨ wek'e whela eyıts'ǫ sǫǫ̀mbaekwo kwìt'ıì łǫ̀hdı̨ wekwì k'e whela wègoèht'į̀.

John Wenazhıı 13:11

Eyı tł'axǫǫ̀ k'achı̨ tıts'aàdìı nechàa eyıì-le dèè goyìı gots'ǫ xàèhtła wègaat'ı̨. Wedè nàke sìı sahzǫ̀ą-edè lanıı wek'e whela, hanìkò tıts'aàdìıcho dek'oo lanì gode.

John Wenazhıı 13:14

Tıts'aàdìı wekwì łǫ̀hdı̨ wedahxà hanì enıìyah deè hòèhtsı̨ t'à dıı nèk'e dǫ goghǫyaàɂǫ. Weyatıì k'e tıts'aàdìı nechàa behcho t'à gego hanìkò xàı̨dàa sìı kwe t'à wek'ę̀ę̀ wègaat'ı̨ı̨ nàı̨hɂaà agı̨į̀là. Eyıt'à tıts'aàdìı wekwì łǫ̀hdı̨ ghàsǫgeedıì agǫ̀ǫ̀là.

John Wenazhıı 13:15

Eyı tıts'aàdìı nechàa dıı nèk'e gots'ǫ xàèhtłaa sìı eyı kwe t'à wek'ę̀ę̀ wègaat'ı̨ hòèlı̨ı̨ sìı yek'e ehsò t'à godeè ayele ha weghàhòt'ǫ. Eyıts'ǫ amìı yets'ǫ̀ yahtı-le sìı hazǫǫ̀ ełaàgòhde ha weghàhòt'ǫ.

John Wenazhıı 15:2

Tıdeè lanıı, eja wek'e saı̨de xè weta kǫ̀ dèk'ǫ̀ǫ lanıı wègoèht'į̀. Amìı eyı tıts'aàdìı nechàa “ek'ètaekw'eènǫ-daats'ǫ̀-ek'ètaènǫ-daats'ǫ̀-ek'ètaı” (666) wìyeh eyıts'ǫ kwe wek'ę̀ę̀ wègaat'ı̨ı̨ ghǫgeèhnǫǫ sìı eyı tıdeè lanıı gà nàgeèhza, Nǫ̀htsı̨ tł'ık'eetı̨ı̨ goghàyı̨ı̨laa sìı dagıale.

John Wenazhıı 16:13

Eyı tł'axǫǫ̀ ı̨nìłı̨ı̨ taı ts'alı lanì gìgoèht'į̀. Tıts'aàdìıcho dek'oo wewà yìı gots'ǫ ı̨łè xàèhtła eyıts'ǫ ı̨łè tıts'aàdìı nechàa wewà yìı gots'ǫ xàèhtła eyıts'ǫ ı̨łè nakwenàoɂǫǫ ehkw'ı gode-le wewà yìı gots'ǫ xàèhtła.

John Wenazhıı 17:16

Eyı tıts'aàdìı nechàa eyıts'ǫ edè hoònǫ weneeɂı̨ı̨ sìı eyı ts'èkojıı dzagı̨ı̨hwhǫ ha. Wekwǫ̀ǫyaà-geleè xè goht'ǫ dę whedaà agele ha. Wekwǫ̀ geɂà xè kǫ̀ t'à gık'eehk'ǫ̀ ha.

John Wenazhıı 17:3

Eyı tł'axǫǫ̀ Yedàyeh Nezı̨ı̨ wedahxà yak'eet'ı̨į̀ ekìı-ka nèk'e ts'ǫ̀ naseèhtı̨. Ekǫ ts'èko tıts'aàdìı nechàa k'e wheda wègaat'ı̨. Eyı tıts'aàdìı nechàa sìı wek'aàtsı̨į̀ dek'o-dezǫ hǫt'e, Nǫ̀htsı̨ k'èch'a wıızìłı̨ı̨ łǫ gǫ̀hłı̨ı̨ sìı hazǫǫ̀ wedzıìwı k'e aatł'è, eyıts'ǫ wekwì łǫ̀hdı̨ gǫ̀hłı̨ xè edè hoònǫ wek'e whela.

John Wenazhıı 17:5

Wets'abeè k'e wıızì dek'eèhtł'è, eyı wıızì sìı wenıts'eedì ha gogha dezhì. Wek'e dıı hanì dek'eèhtł'è: “Babylon kǫ̀godeè hǫt'e, ts'èkojıı hazǫǫ̀ gha gomǫ elı̨ hǫt'e eyıts'ǫ dıı nèk'e dǫ hazǫǫ̀ yenàowojıı k'ę̀ę̀ geeda,” hanì dek'eèhtł'è.

John Wenazhıı 19:19

Eyı tł'axǫǫ̀ tıts'aàdìı nechàa eyıts'ǫ dıı nèk'e gots'ǫ k'àowocho hazǫǫ̀ gıts'ǫ eghǫǫ-dǫǫ̀ xè łą̀ą nègı̨ı̨de gìgoèht'į̀. Amìı eyı tłı̨cho degoo k'e whedaa sìı wets'ǫ eghǫǫ-dǫǫ̀ xè gots'ǫ̀ ełegegǫ.