John Wenazhıı 12:6 - Nǫ̀htsı̨ Nı̨htł'è

⁶ Eyı ts'èko ekìı-ka nèk'e ts'ǫ̀ kwı̨èhsa. Edı̨į̀ Nǫ̀htsı̨ yedasınìhòı̨ɂǫǫ sìı ekǫ ts'ǫ̀ ajà, ekǫ ı̨łè-lemì-daats'ǫ̀-nàkeakw'eènǫ-daats'ǫ̀-ek'ètaènǫ (1,260) dzęę̀ gots'ǫ̀ wek'èhodì ha.

John Wenazhıı 12:6 ပူးပေါင်းရင်းမြစ်များ

Matthew 4:11

Eyı tł'axǫǫ̀ wehłı̨ı̨ yets'ǫǫ̀ nàèhtła. Ekòet'ıì yak'eet'ı̨į̀ Zezì gà nègı̨ı̨de xè yeghǫ shètı̨ gıghàı̨dì.

John Wenazhıı 12:14

Eyı ts'èko sìı det'ǫcho nechàa wı̨ts'ǫǫ̀ nàke weghǫ̀zha, yet'à ekìı-ka nèk'e wedasıìgòdlàa sìı ts'ǫ̀ naat'a ha. Ekǫ taı xo daats'ǫ̀ tanı haı̨wa ts'ǫ̀ wek'èhodì ha eyıts'ǫ ekǫ gòocho dayeechı ha-le.

John Wenazhıı 12:4

Edetsè t'à whǫ̀ tanı k'aɂį̀ yat'a whelaa sìı dıı nèk'e ts'ǫ̀ hodàyeèhde. Eyı tıts'aàdìıcho dek'oo sìı ts'èko webebìa gòhłè ha nıìkw'oo yenadąą̀ nàwo, eyı bebìa wegǫ̀hłı̨ ts'ǫ̀et'ıì yeɂà ha nıwǫ t'à.

John Wenazhıı 13:5

Eyı tıts'aàdìı nechàa sìı xàdahodì xè Nǫ̀htsı̨ k'èch'a gode ha weghàhòt'ǫ. Eyıts'ǫ dı̨ènǫ-daats'ǫ̀-nàke sa gots'ǫ̀ k'àowo elı̨ ha weghàhòt'ǫ.

John Wenazhıı 17:3

Eyı tł'axǫǫ̀ Yedàyeh Nezı̨ı̨ wedahxà yak'eet'ı̨į̀ ekìı-ka nèk'e ts'ǫ̀ naseèhtı̨. Ekǫ ts'èko tıts'aàdìı nechàa k'e wheda wègaat'ı̨. Eyı tıts'aàdìı nechàa sìı wek'aàtsı̨į̀ dek'o-dezǫ hǫt'e, Nǫ̀htsı̨ k'èch'a wıızìłı̨ı̨ łǫ gǫ̀hłı̨ı̨ sìı hazǫǫ̀ wedzıìwı k'e aatł'è, eyıts'ǫ wekwì łǫ̀hdı̨ gǫ̀hłı̨ xè edè hoònǫ wek'e whela.