John Wenazhıı 12:4 - Nǫ̀htsı̨ Nı̨htł'è

⁴ Edetsè t'à whǫ̀ tanı k'aɂį̀ yat'a whelaa sìı dıı nèk'e ts'ǫ̀ hodàyeèhde. Eyı tıts'aàdìıcho dek'oo sìı ts'èko webebìa gòhłè ha nıìkw'oo yenadąą̀ nàwo, eyı bebìa wegǫ̀hłı̨ ts'ǫ̀et'ıì yeɂà ha nıwǫ t'à.

John Wenazhıı 12:4 ပူးပေါင်းရင်းမြစ်များ

John 8:44

Wehłı̨ı̨ sìı naxıtà hǫt'e, naxıtà wınì k'ę̀ę̀ eghàlaahda ha dahwhǫ. Kèhoį̀wo gots'ǫ wehłı̨ı̨ eweèt'ı̨ı̨ elı̨ hǫt'e. Nàowo ehkw'ıı wets'ǫ̀-èlı̨-le t'à ehkw'ı eghàlaeda-le. Hots'ìı zǫ t'à gode, eyı weyatıì hǫt'e, eyıts'ǫ hots'ets'ìı nàowoò hazǫǫ̀ yèhtsı̨ hǫt'e.

1 Peter 5:8

Nàowołı̨ı̨ ch'à edek'èahdì eyıts'ǫ hotıì kexoahdı. Wehłı̨ı̨ naxıdzaı̨hwhǫǫ sìı, goìjìıcho ı̨ghǫǫ lanì dǫ godzıìhɂà ha gotak'etło hǫt'e.

John Wenazhıı 12:7

Yak'e ełegegǫ xèhǫǫ̀wo. Mıchael edets'ǫ yak'eet'ı̨į̀ xè eyı tıts'aàdìıcho dek'oo ts'ǫ̀ ełegegǫ eyıts'ǫ eyı tıts'aàdìıcho dek'oo wets'ǫ yak'eet'ı̨łı̨ı̨ xè gots'ǫ̀ ek'èt'à ełegegǫ.

John Wenazhıı 12:9

Eyı tıts'aàdìıcho dek'oo sìı ı̨nę̀ę whaà gots'ǫ gòocho hǫt'e. Eyı sìı wehłı̨ı̨ hanì-le-ı̨dè “Satan” wìyeh hǫt'e. Ededı̨ sìı dıı nèk'e dǫ hazǫǫ̀ ekǫ-le ts'ǫ̀ goèhɂa. Wets'ǫ yak'eet'ı̨łı̨ı̨ xè dıı nèk'e ts'ǫ̀ gogeèhde.

John Wenazhıı 13:2

Eyı tıts'aàdìı nechàa tıcho yìı ts'ǫ xàèhtłaa sìı nǫ̀da “leopard” lanì wègaat'ı̨, eyıts'ǫ wekè sahkè lanì eyıts'ǫ wewà goìjìıcho wewà lanì wègaat'ı̨. Eyı tıts'aàdìıcho dek'oo sìı tıts'aàdìı nechàa nàtsoò ayį̀į̀là xè edetł'axǫǫ̀ k'àowocho elı̨į̀ ayį̀į̀là.

John Wenazhıı 13:4

Tıts'aàdìı nechàa edetł'axǫǫ̀ eghàlaedaà ayį̀į̀là t'à dǫ hazǫǫ̀ tıts'aàdìıcho dek'oo ts'ǫ̀ yagehtı. Eyıts'ǫ dǫ hazǫǫ̀ tıts'aàdìı nechàa sı ts'ǫ̀ yagehtı, hagedı, “Amìı dıı tıts'aàdìı nechàa xèht'e? Dǫ wı̨ı̨zìı yedaèt'è gǫ̀hłı̨-le!” gedı.

John Wenazhıı 16:13

Eyı tł'axǫǫ̀ ı̨nìłı̨ı̨ taı ts'alı lanì gìgoèht'į̀. Tıts'aàdìıcho dek'oo wewà yìı gots'ǫ ı̨łè xàèhtła eyıts'ǫ ı̨łè tıts'aàdìı nechàa wewà yìı gots'ǫ xàèhtła eyıts'ǫ ı̨łè nakwenàoɂǫǫ ehkw'ı gode-le wewà yìı gots'ǫ xàèhtła.

John Wenazhıı 17:18

Ts'èkojıı weneeɂı̨ı̨ sìı kǫ̀godeè Babylon hǫt'e, eyı kǫ̀godeè sìı dıı nèk'e k'àowocho hazǫǫ̀ ts'ǫ̀ k'àowo hǫt'e,” yak'eet'ı̨į̀ sets'ǫ̀ hadı.

John Wenazhıı 20:2

Eyı yak'eet'ı̨į̀ tıts'aàdìıcho dek'oo daachì. Eyı tıts'aàdìıcho sìı ı̨nę̀ę whaà gots'ǫ gòocho hǫt'e eyıts'ǫ wehłı̨ı̨ hǫt'e. Įłè-lemì xo gots'ǫ̀ wek'èhodì ha t'à yak'eet'ı̨į̀ dayeèzà.

John Wenazhıı 8:10

Yak'eet'ı̨į̀ taı t'à whedaa sìı edets'ǫ dechı̨shì yeèhdı. Yat'a ts'ǫ whǫ̀ nechàa dechı̨-dèk'ǫ̀ǫ lanıı hodàdeèwò. Deh nechàa hazǫǫ̀ eyıts'ǫ dehtsoa hazǫǫ̀ tanı k'aɂį̀ı̨ ts'ǫ̀ k'e nàekw'o.

John Wenazhıı 8:11

Eyı whǫ̀ “Nàèdıłı̨ı̨” wìyeh hǫt'e. Tı hazǫǫ̀ gǫ̀hłı̨ı̨ sìı tanı k'aɂį̀ı̨ ts'ǫ̀ tı nàèdıłı̨ı̨ whelı̨ t'à dǫ łǫ ełaı̨dè.

John Wenazhıı 8:12

Yak'eet'ı̨į̀ dı̨ t'à whedaa sìı edets'ǫ dechı̨shì yeèhdı. Sadeè, adzęzah, eyıts'ǫ whǫ̀ hazǫǫ̀ tanı k'aɂį̀ı̨ ts'ǫ̀ gıxèɂeèhdı t'à tanı k'aɂį̀ı̨ ts'ǫ̀ gıxè togoòtł'ò agòjà. Dzę eyıts'ǫ to dı̨ sadzeè haı̨wa ts'ǫ̀ togoòtł'ò agòjà.

John Wenazhıı 8:7

Yak'eet'ı̨į̀ t'akwełǫ̀ǫ̀ whedaa sìı edets'ǫ dechı̨shì yeèhdı ekò, kǫ̀, ı̨lı eyıts'ǫ edoò ełeta dèè k'e ts'ǫ̀ hodàètł'ı. Dèè tanı k'aɂį̀ı̨ ts'ǫ̀ wek'enık'ǫ, wexètłǫ ts'ı k'enık'ǫ eyıts'ǫ tł'oh hazǫǫ̀ wek'enık'ǫ.

John Wenazhıı 8:8

Yak'eet'ı̨į̀ nàke t'à whedaa sìı edets'ǫ dechı̨shì yeèhdı ekò shìh nechàa dèk'ǫ̀ǫ xè tį̀ts'eèhk'a wègoèht'į̀. Tıcho tanı k'aɂį̀ı̨ ts'ǫ̀ edoò whelı̨.

John Wenazhıı 8:9

Tı yìı t'asìı nàdèe sìı hazǫǫ̀ tanı k'aɂį̀ı̨ ts'ǫ̀ ełaàgı̨ı̨dè eyıts'ǫ wexètłǫ elàcho wedıhòłı̨.

John Wenazhıı 9:10

Nàèdıłı̨ı̨-k'àle wetsè lanì gıtsè k'oòts'oo sìı t'à sı̨làı sa ts'ǫ̀ dǫ dagı̨ı̨hɂa ha.

John Wenazhıı 9:19

Tłı̨cho sìı edewà eyıts'ǫ edetsè t'à dǫ ełaàgehde; gıtsè gòocho lanì eyıts'ǫ edekwì t'à dǫ tsį̀gehde.