John Wenazhıı 12:17 - Nǫ̀htsı̨ Nı̨htł'è

¹⁷ Tıts'aàdìıcho dek'oo eyı ts'èko ghǫ sıì ìch'è t'à weza hazǫǫ̀ ts'ǫ̀ ajà; weza hazǫǫ̀ Nǫ̀htsı̨ nàowoò k'èagı̨ı̨t'e eyıts'ǫ Zezì wegodıì k'ègedì. Eyı tıts'aàdìıcho dek'oo eyıts'ǫ ts'èko weza ełexè ełegıagǫ.

John Wenazhıı 12:17 ပူးပေါင်းရင်းမြစ်များ

Dànì Kèhoį̀wo 3:15

“Nı̨ eyıts'ǫ ts'èko ełek'èch'a aaht'eè anaxehłe ha, ts'èko weza eyıts'ǫ nı̨ neza ełets'ǫ̀ xànègı̨ı̨ɂa ha. Ts'èko weza sìı nekwì k'ètsǫètà ha, eyıts'ǫ nı̨ wekehtà nàı̨ht'ı ha,” Nǫ̀htsı̨ gòocho ts'ǫ̀ hadı.

Matthew 28:20

Eyıts'ǫ yatı hazǫǫ̀ naxıghàıhɂǫǫ sìı gık'į̀ı̨t'e ha hoghàgıahtǫ. Nǫǫde dzęę̀ agode ts'ǫ̀ t'aats'ǫǫ̀ naxıxè aht'e ha hǫt'e,” gòhdı.

John 8:44

Wehłı̨ı̨ sìı naxıtà hǫt'e, naxıtà wınì k'ę̀ę̀ eghàlaahda ha dahwhǫ. Kèhoį̀wo gots'ǫ wehłı̨ı̨ eweèt'ı̨ı̨ elı̨ hǫt'e. Nàowo ehkw'ıı wets'ǫ̀-èlı̨-le t'à ehkw'ı eghàlaeda-le. Hots'ìı zǫ t'à gode, eyı weyatıì hǫt'e, eyıts'ǫ hots'ets'ìı nàowoò hazǫǫ̀ yèhtsı̨ hǫt'e.

1 Corınth 2:1

Sèot'ı̨ı̨, t'akwełǫ̀ǫ̀ naxıts'ǫ̀ nèehtła ekò yatı wèdaat'ı̨ı̨ t'à naxıts'ǫ̀ goıhde nıìle. Eyıts'ǫ Nǫ̀htsı̨ wegodıì naxıts'ǫ̀ nèehɂǫ ekò dıı nèk'e gots'ǫ dǫ gogı̨ı̨zǫǫ gık'ę̀ę̀ k'ehoehɂa-le ı̨lè.

1 Peter 5:8

Nàowołı̨ı̨ ch'à edek'èahdì eyıts'ǫ hotıì kexoahdı. Wehłı̨ı̨ naxıdzaı̨hwhǫǫ sìı, goìjìıcho ı̨ghǫǫ lanì dǫ godzıìhɂà ha gotak'etło hǫt'e.

1 John 2:3

Wenàowoò k'èats'ı̨ı̨t'e nı̨dè Nǫ̀htsı̨ wek'èts'eezǫǫ̀ ats'ejà hǫt'e.

1 John 5:10

Amìı, Nǫ̀htsı̨ Weza ehkw'ı adı nıwǫǫ sìı Nǫ̀htsı̨ Edeza ghǫ dàdıı sìı ededzeè yìı yek'èdì hǫt'e. Amìı wegha ehkw'ı-ahodı-le sìı Nǫ̀htsı̨ hots'ì adı nıwǫ, Nǫ̀htsı̨ Edeza ghǫ dàdıı sìı wegha ehkw'ı-ahodı-le t'à.

1 John 5:2

Dıı hanì Nǫ̀htsı̨ weza gıghǫnets'eètǫǫ sìı wek'èts'eezǫ hǫt'e: Nǫ̀htsı̨ weghǫnets'eètǫ xè wenàowoò k'èats'ı̨ı̨t'e.

John Wenazhıı 1:2

John t'asìı hazǫǫ̀ yaɂı̨ı̨ sìı yeghǫ goı̨de. Nǫ̀htsı̨ weyatıì eyıts'ǫ Zezì wegodıì ghǫ goı̨de.

John Wenazhıı 1:9

Sı̨ sìı nèot'ı̨ John aht'e. Naxıxèht'eè Zezì wedahxà ts'èwhı̨į̀ daehɂa, eyıts'ǫ naxıxèht'eè Nǫ̀htsı̨ wenàowoò k'ę̀ę̀ ehda. Nǫ̀htsı̨ weyatıì eyıts'ǫ Zezì wegodıì t'à gohde ts'ıhɂǫ̀ dıı dzęę̀ k'e dı Patmos gòyeh k'e whıhda hǫt'e.

John Wenazhıı 11:7

Hòt'a dǫ ts'ǫ̀ gogede ghǫnagı̨ı̨t'e nı̨dè tıts'aàdìı nechàa dèè goyìı gots'ǫ xàetła ha eyıts'ǫ gok'aàwo xè goghǫehnè ha, eyıts'ǫ ełaàgòhde ha.

John Wenazhıı 12:16

Hanìkò dèè whàgoets'è gà eyı tıts'aàdìıcho dek'oo wewà gots'ǫ tı xàetł'ıı sìı nałayeèhdò t'à ts'èko ts'àı̨dì.

John Wenazhıı 13:7

Tıts'aàdìı nechàa sìı Nǫ̀htsı̨ wets'ǫ dǫ ts'ǫ̀ eghǫ xè goghǫehnè ha weghàhòt'ǫ hǫt'e. Dǫ hazǫǫ̀ xàɂaa, yatı hazǫǫ̀ xàɂaa eyıts'ǫ hazǫǫ̀ nèk'e ts'ǫ̀ k'àowo elı̨ ha weghàhòt'ǫ hǫt'e.

John Wenazhıı 14:12

Hanì hòɂǫ ha t'à Nǫ̀htsı̨ wets'ǫ dǫ degaı sìı ts'èwhı̨į̀ nageèhɂı̨ ha hǫt'e. Nǫ̀htsı̨ wenàowoò k'èagııt'è eyıts'ǫ Zezì ts'ǫ̀ edınì nàtsoò agııle.

John Wenazhıı 17:14

Sahzǫ̀ą ts'ǫ̀ ełegegǫ ha, hanìkò Sahzǫ̀ą goghǫehnè ha. Ededı̨ sìı k'àowo hazǫǫ̀ gha K'àowo elı̨ eyıts'ǫ k'àowocho hazǫǫ̀ gha K'àowocho elı̨. Eyı Sahzǫ̀ą wecheekeè gìhchìı xè weyatıì k'ègedìı sìı wexè agı̨ı̨t'e,” yak'eet'ı̨į̀ hasèhdı.

John Wenazhıı 17:6

Eyı ts'èko sìı Nǫ̀htsı̨ wets'ǫ dǫ godoò edǫ t'à yeèhde wègaat'ı̨. Nǫ̀htsı̨ wets'ǫ dǫ Zezì gıgha ehkw'ı adı t'à dagı̨ı̨ɂa hǫt'e. Eyı ts'èko weehɂı̨ ekò sıì segha enıìyah dìì.

John Wenazhıı 18:20

‘Naxı̨ yak'e dahkw'ee sìı eyı ts'èko wets'ǫ̀ dànàhòwo ts'ıhɂǫ̀ naxınà welè. Naxı̨ hazǫǫ̀ Nǫ̀htsı̨ wets'ǫ dǫ aahłı̨, wecheekeèdeè eyıts'ǫ nakwenàoɂǫǫ aahłı̨ı̨ sìı naxınà welè! Eyı ts'èkojıı dànì naxıts'ǫ̀ eghàlaı̨dà k'èxa Nǫ̀htsı̨ yesınìyaehtı hǫt'e,’ ” hats'edıì hǫt'e.

John Wenazhıı 19:10

Yak'eet'ı̨į̀ hadı t'à wekè gà nàgòhge xè weghàsǫehdı ha là, yak'eet'ı̨į̀ sets'ǫ̀ hadı, “Hawı̨ı̨de-le! Nı̨ eyıts'ǫ nèot'ı̨ Zezì wegodıì ehkw'ı adı gı̨ı̨wǫǫ sìı naxıxèht'eè Nǫ̀htsı̨ wecheekeè aht'e. Nǫ̀htsı̨ weghàsǫedı! Nǫ̀htsı̨ wets'ǫ nakwenàoɂǫǫ hazǫǫ̀ sìı Zezì wegodıì zǫ t'à gogede hǫt'e,” sets'ǫ̀ hadı.

John Wenazhıı 19:19

Eyı tł'axǫǫ̀ tıts'aàdìı nechàa eyıts'ǫ dıı nèk'e gots'ǫ k'àowocho hazǫǫ̀ gıts'ǫ eghǫǫ-dǫǫ̀ xè łą̀ą nègı̨ı̨de gìgoèht'į̀. Amìı eyı tłı̨cho degoo k'e whedaa sìı wets'ǫ eghǫǫ-dǫǫ̀ xè gots'ǫ̀ ełegegǫ.

John Wenazhıı 20:4

Eyı tł'axǫǫ̀ daèhchı̨cho łǫ wègoèht'į̀, dǫ sınìyagehtı ha gıghàhòt'ǫǫ sìı gık'e dèhkw'e. Eyıts'ǫ dǫ łǫ gıdą̀ązhį̀ı̨ senadąą̀ wègoèht'į̀. Zezì wegodıì eyıts'ǫ Nǫ̀htsı̨ weyatıì t'à gogede k'èxa gıkwì k'egı̨ı̨hkàa sìı agı̨ı̨t'e. Tıts'aàdìı nechàa eyıts'ǫ kwe wek'ę̀ę̀ hòèlı̨ ts'ǫ̀ nàgògı̨ı̨hgè-le eyıts'ǫ gıts'abeè eyıts'ǫ gılà k'e tıts'aàdìı nechàa wıızì dek'eèhtł'è-le agı̨ı̨t'e. Eyı dǫ hazǫǫ̀ nagìdà, eyıts'ǫ ı̨łè-lemì xo gots'ǫ̀ Chrıst wexè k'aodèe gı̨ı̨lı̨.

John Wenazhıı 22:14

“Amìı edeɂeè nedèe k'enagı̨ı̨htsoo sìı gıxè sìghà hǫt'e. Hanì-ı̨dè eyı ts'ı wet'à ts'eedaa wejìecho ghǫ shègezhee gıghàhòt'à ha eyıts'ǫ kǫ̀godeè wèdaat'ı̨ı̨ sìı goyageedèe gıghàhòt'à ha.

John Wenazhıı 6:9

Sahzǫ̀ą enı̨htł'èyeè wedaàdzeh sı̨làı t'à wheɂǫǫ sìı nàyı̨ı̨zhì. Kwe-ladà wek'e Nǫ̀htsı̨ ts'ǫ̀ t'asìı k'eek'ǫ̀ǫ sìı wetł'a dǫ gıdą̀ązhį̀ı̨ wègoèht'į̀. Nǫ̀htsı̨ weyatıì k'ę̀ę̀ geeda ts'ıhɂǫ̀ ełaàgogį̀ı̨hdèe agı̨ı̨t'e.