John Wenazhıı 12:12 - Nǫ̀htsı̨ Nı̨htł'è

¹² Eyıt'à naxı̨ hazǫǫ̀ yak'e nàahdèe sìı sıì naxınà welè! Hanìkò wehłı̨ı̨ dıı nèk'e ts'ǫ̀ ajà ne t'à, dèè eyıts'ǫ tıcho xè hoìla hòɂǫ ha! Whaà-lea gots'ǫ̀ zǫ wegha hòɂǫ t'à sıì ìch'è hǫt'e,” ts'edıì hǫt'e.

John Wenazhıı 12:12 ပူးပေါင်းရင်းမြစ်များ

Luke 15:10

Ehkw'ı anaxèehsı̨, eyı xèht'eè hołı̨ı̨-hohtsı̨ı̨-dǫǫ̀ ı̨łè edek'enadlı̨ nı̨dè Nǫ̀htsı̨ weyak'eet'ı̨į̀ gınà t'à sìgoèt'ı̨ ha hǫt'e,” Zezì gòhdı.

Luke 2:14

“Nǫ̀htsı̨ ı̨dòo yak'e whedaa sìı weghàsǫts'eedı. Dıı nèk'e dǫ hazǫǫ̀ Nǫ̀htsı̨ goghǫ sǫnıwǫǫ sìı gıxè ts'èwhı̨į̀ hòɂǫ welè,” yak'eet'ı̨į̀ hagedıì gejı̨.

Hebrew 10:37

Whaà-le-t'ıì, “Amìı nììtła ha sìı hotıì nììtła ha hǫt'e, eyıts'ǫ whaà wewhìle ha nıìle.

2 Peter 3:8

Seàgı̨ą, dıı t'asìı ı̨łè wenaahdì-le sǫ̀ǫ̀: Nǫ̀htsı̨ wegha ı̨łè dzęę̀ sìı ı̨łè-lemì xo lanì hǫt'e, eyıts'ǫ ı̨łè-lemì xo sìı wegha dzę ı̨łè lanì hǫt'e.

John Wenazhıı 10:6

Nǫ̀htsı̨ welǫ whìle ts'ǫ̀ edaa sìı yak'e eyıts'ǫ t'asìı hazǫǫ̀ yeyìı nàdèe whehtsı̨. Eyıts'ǫ dıı dèè eyıts'ǫ t'asìı hazǫǫ̀ yek'e nàdèe whehtsı̨. Eyıts'ǫ tıcho eyıts'ǫ t'asìı hazǫǫ̀ yeyìı nàdèe whehtsı̨ı̨ sìı ededı̨ yıızì dahxà dıı hadıì yatı nàtsoo whıhtsı̨: “Hòt'a Nǫ̀htsı̨ naèhɂı̨ ha nıìle!

John Wenazhıı 11:10

Eyı dǫ nàke ełaàgı̨ı̨dèe t'à dıı nèk'e dǫ hazǫǫ̀ gınà ha. Eyı gha dzędeè hogehtsı̨ xè t'asìı ełeghàgele ha, eyı nakwenàoɂǫǫ nàke sìı dıı nèk'e dǫ dagogį̀ı̨hɂa ı̨lèe t'à.

John Wenazhıı 11:14

Hoìla nàke wetehoòwo, wek'è hoìla taı agode ha sìı wets'ǫ̀ hawe.

John Wenazhıı 12:9

Eyı tıts'aàdìıcho dek'oo sìı ı̨nę̀ę whaà gots'ǫ gòocho hǫt'e. Eyı sìı wehłı̨ı̨ hanì-le-ı̨dè “Satan” wìyeh hǫt'e. Ededı̨ sìı dıı nèk'e dǫ hazǫǫ̀ ekǫ-le ts'ǫ̀ goèhɂa. Wets'ǫ yak'eet'ı̨łı̨ı̨ xè dıı nèk'e ts'ǫ̀ gogeèhde.

John Wenazhıı 13:6

Nǫ̀htsı̨ ededı̨, Nǫ̀htsı̨ nàdèe k'è, eyıts'ǫ hazǫǫ̀ yak'e nàgedèe sìı k'èch'a xàyaı̨htı.

John Wenazhıı 18:20

‘Naxı̨ yak'e dahkw'ee sìı eyı ts'èko wets'ǫ̀ dànàhòwo ts'ıhɂǫ̀ naxınà welè. Naxı̨ hazǫǫ̀ Nǫ̀htsı̨ wets'ǫ dǫ aahłı̨, wecheekeèdeè eyıts'ǫ nakwenàoɂǫǫ aahłı̨ı̨ sìı naxınà welè! Eyı ts'èkojıı dànì naxıts'ǫ̀ eghàlaı̨dà k'èxa Nǫ̀htsı̨ yesınìyaehtı hǫt'e,’ ” hats'edıì hǫt'e.

John Wenazhıı 8:13

Eyı tł'axǫǫ̀ det'ǫcho yat'a k'et'a wègaat'ı̨. Hòtł'ò ezeh xè hadı, “Hoìla ha, hoìla ha, hoìla nechàa agode ha. Įłaà yak'eet'ı̨į̀ taı dechı̨shì geehdı ha t'à dıı nèk'e dǫ hazǫǫ̀ sıì gıxè hoìla agode ha!” hadıì ezeh.

John Wenazhıı 9:12

T'akwełǫ̀ǫ̀ hoìla wetehoòwo, hanìkò ı̨łaà hoìla nàke xèhoìwı ha.