John Wenazhıı 11:8 - Nǫ̀htsı̨ Nı̨htł'è

⁸ Kǫ̀godeè wenı tı̨lı k'e gıweè whela ha. Eyı kǫ̀godeè wıızì sìı Sodom-lanì eyıts'ǫ Egypt-lanì wìyeh hǫt'e, ekǫ gıts'ǫ̀ K'àowo dechı̨et'aa k'e wedıìtsò ı̨lè.

John Wenazhıı 11:8 ပူးပေါင်းရင်းမြစ်များ

Dànì Kèhoį̀wo 13:13

Dǫzhìı kǫ̀ta Sodom nàgedèe sìı hołı̨ı̨ nàowoò k'ę̀ę̀ geeda, gots'ǫ̀ K'àowo k'èch'a hołı̨ı̨ hogehtsı̨.

Dànì Kèhoį̀wo 19:24

Eyı tł'axǫǫ̀ gots'ǫ̀ K'àowo yat'a gots'ǫ kwe dèk'ǫ̀ǫ kǫ̀godeè Sodom eyıts'ǫ Gomorah k'e hodàetł'ì ayį̀į̀là.

Matthew 10:15

Ehkw'ı anaxèehsı̨, gosınìyaetıı dzęę̀ k'e nı̨dè eyı kǫ̀ta gots'ǫ dǫ dagı̨ı̨ɂa ha. Kǫ̀ta Sodom eyıts'ǫ kǫ̀ta Gomorah dǫ nàı̨dè ı̨lèe sìı nahk'e dagı̨ı̨ɂa ha.

Zezì Wecheekeèdeè 9:4

Saul dèè k'e nàakw'o eyıts'ǫ wets'ǫ̀ hats'edıì hǫt'e, “Saul, Saul, dànìghǫ dasenèehɂa?”

Hebrew 13:12

Eyı xèht'eè xàè ededoò t'à dǫ degaı agole gha Zezì ededı̨ sı kǫ̀godeè gomǫ̀ht'a daı̨ɂà xè ełaı̨wo.

Hebrew 6:6

Nǫ̀htsı̨ ts'ǫǫ̀ ek'èt'à anagejà nı̨dè k'achı̨ edehołı̨į̀ k'egı̨ı̨lı̨į̀ agedle ha dìì hǫt'e. Nǫ̀htsı̨ Weza k'achı̨ dechı̨et'aa k'e wedıìtsò agehɂı̨ lanì, eyıts'ǫ k'achı̨ dǫ gıghàedlò agehɂı̨ t'à edets'ǫ̀ hoìla eghàlageeda hǫt'e.

2 Peter 2:6

Eyıts'ǫ Sodom got'ı̨į̀ eyıts'ǫ Gomorah got'ı̨į̀ gots'ǫ̀ hoìla eghàlaı̨dà; łèbè gı̨ı̨lı̨ ts'ǫ̀ gok'enı̨hk'ǫ. Eyı hanì gots'ǫ̀ eghàlaı̨dàa sìı weghàà dǫ Nǫ̀htsı̨ k'èch'a hogehtsı̨ı̨ sìı dànì ı̨daà Nǫ̀htsı̨ gots'ǫ̀ eghàlaeda ha wek'èhoedzǫǫ̀ ayį̀į̀là hǫt'e.

Jude 1:7

Eyı xèht'eè kǫ̀ta Sodom eyıts'ǫ kǫ̀ta Gomorah eyıts'ǫ gımǫǫ̀ kǫ̀ta yàgòlaa sìı ekǫ gots'ǫ dǫ hołı̨ı̨ hazǫǫ̀ xàɂaa k'ę̀ę̀ ełek'alagedè ı̨lè. Gıgodıì ghàà dǫ hołı̨ı̨ hohtsı̨ı̨ sìı wets'ǫ̀ dàgode ha wek'èts'eezǫ. Dǫ hanıı sìı welǫ whìle ts'ǫ̀ kǫ̀ nàtsoo t'à dagı̨ı̨ɂa ha hǫt'e.

John Wenazhıı 11:13

Eyı sadzeè et'ıì dèè hòtł'ò nàèhdǫ t'à kǫ̀godeè gots'ǫ kǫ̀ łǫ hodàètł'ı; kǫ̀ gòlaa hoònǫ ts'ǫ ı̨łè hodàètł'ı. Dèè hòtł'ò nàèhdǫ t'à dǫ łǫ̀hdı̨-lemì ełaı̨dè. Dǫ ełaı̨dè-le sìı sıì geèhyeh t'à Nǫ̀htsı̨ yak'e whedaa ghàsǫgeedı.

John Wenazhıı 11:9

Taı dzęę̀ daats'ǫ̀ tanı haı̨wa gots'ǫ̀ dıı nèk'e ts'ǫ dǫ hazǫǫ̀ xàɂaa eyıts'ǫ yatı hazǫǫ̀ xàɂaa gots'ǫ dǫ eyı nakwenàoɂǫǫ nàke gıweè whelaa ghàgeeda ha, hanìkò gokw'ǫǫ̀ nègııle ha gı̨ı̨wǫ-le.

John Wenazhıı 14:20

Kǫ̀godeè gomǫ̀ht'a tǫhcho yìı jìecho tàtsǫgeèhɂe. Eyı tǫhcho yìı gots'ǫ jìechotì edoò lanì xàı̨lı̨. Sı̨làı gokè haàtagǫǫhwha ts'ǫ̀ ajà eyıts'ǫ, nàkeakw'eènǫ-chı̨ haı̨wa ts'ǫ̀ edoò nı̨ı̨lı̨.

John Wenazhıı 14:8

Eyı tł'axǫǫ̀ k'achı̨ yak'eet'ı̨į̀ ı̨łè wègoèht'į̀, hadı, “Kǫ̀godeè nàgoı̨tł'ı! Kǫ̀godeè Babylon hazǫǫ̀ nàgoı̨tł'ı, eyı kǫ̀godeè sìı dıı nèk'e dǫ hazǫǫ̀ edehołı̨į̀ k'ę̀ę̀ eghàlagı̨ı̨dà agǫ̀ǫ̀là,” hadı.

John Wenazhıı 16:19

Kǫ̀godeè Babylon taı ts'ǫ̀ łats'ıgoı̨dla eyıts'ǫ dıı nèk'e kǫ̀godeè hazǫǫ̀ nàgoı̨tł'ı. Nǫ̀htsı̨ sìı Babylon got'ı̨į̀ gıhołı̨į̀ yenadì t'à eyı k'èxa nàgoı̨hkwa. Nǫ̀htsı̨ gots'ǫ̀ wek'èch'a t'à hòtł'ò dagı̨ı̨ɂa ha goghàhòı̨ɂǫ.

John Wenazhıı 17:1

Yak'eet'ı̨į̀ łǫ̀hdı̨ kw'àyį̀ą łǫ̀hdı̨ k'egelee sìı ı̨łè segà nììtła, hadı, “Sek'èè ı̨ı̨tła. Ts'èkojıı tı łǫ k'e whedaa sìı dànì daı̨ɂaà awedle ha sìı weghàı̨daà anehłe ha.

John Wenazhıı 17:18

Ts'èkojıı weneeɂı̨ı̨ sìı kǫ̀godeè Babylon hǫt'e, eyı kǫ̀godeè sìı dıı nèk'e k'àowocho hazǫǫ̀ ts'ǫ̀ k'àowo hǫt'e,” yak'eet'ı̨į̀ sets'ǫ̀ hadı.

John Wenazhıı 17:5

Wets'abeè k'e wıızì dek'eèhtł'è, eyı wıızì sìı wenıts'eedì ha gogha dezhì. Wek'e dıı hanì dek'eèhtł'è: “Babylon kǫ̀godeè hǫt'e, ts'èkojıı hazǫǫ̀ gha gomǫ elı̨ hǫt'e eyıts'ǫ dıı nèk'e dǫ hazǫǫ̀ yenàowojıı k'ę̀ę̀ geeda,” hanì dek'eèhtł'è.

John Wenazhıı 18:10

Eyı ts'èkojıı sıì hòtł'ò daı̨ɂa t'à k'àowocho sıì geejı̨į̀ agede ha. Nıwà gots'ǫ gıghàeda ha, getse xè dıı hagedı ha: ‘Hoìla hodeè! Heè, kǫ̀godeè Babylon weghǫ enıhoòyah ne là! Kǫ̀godeè nàtsoo elı̨ ı̨lè, hanìkò ı̨łè sadzeè zǫ t'à wexè hoìla agòjà!’ gedıì getse ha.

John Wenazhıı 18:18

Eyı ts'èko wek'eek'ǫ̀ gıghàeda nı̨dè dıı hagedı ha, ‘Eyı kǫ̀godeè wexèht'eè gòı̨lè whìle,’ hagedı ha.

John Wenazhıı 18:2

Hòtł'ò ezeh xè hadı: “Kǫ̀godeè nàı̨tł'ı! Kǫ̀godeè Babylon hodàètł'ı. Eyı kǫ̀godeè gòlaa sìı ı̨nìłı̨ı̨ nàdè ajà. Įnìłı̨ı̨ łǫ ekǫ aget'ı̨, t'asìı wejıı k'edèe sìı hazǫǫ̀ ekǫ aget'ı̨.

John Wenazhıı 18:21

Eyı tł'axǫǫ̀ yak'eet'ı̨į̀ nàtsoo kwe nechàa behchı̨kè laı̨hcho neyıìchı gà teyį̀ı̨hk'ah, hadı, “Kǫ̀godeè Babylon weghǫ enıìyah sìı dànì hodàètł'ı eyı lanì hodàgoetł'ì ha. K'achı̨ wenagot'a ha nıìle.

John Wenazhıı 18:24

Eyı kǫ̀godeè sìı nakwenàoɂǫǫ, Nǫ̀htsı̨ wets'ǫ dǫ eyıts'ǫ dǫ hazǫǫ̀ ełaàgı̨ı̨dèe sìı gıdoò goyìı wègaat'ı̨ hǫt'e,” yak'eet'ı̨į̀ hadı.