John Wenazhıı 11:18 - Nǫ̀htsı̨ Nı̨htł'è

¹⁸ Dǫ hazǫǫ̀ xàɂaa gìch'è, eyıt'à dıì nàgı̨ı̨hkwa ha. Dǫ ełaı̨dèe sìı dıì gısınìyaetı ha nèhòı̨wo. Nakwenàoɂǫǫ negha eghàlagı̨ı̨dàa, nets'ǫ dǫ gı̨ı̨lı̨ı̨, eyıts'ǫ nets'ǫ̀ nezı̨į̀ kànegı̨ı̨ɂaa sìı nezı̨į̀ gıts'ǫ̀ eghàlaı̨da ha. Eyıts'ǫ dǫ wet'àaɂàa, dǫ wet'àaɂà-le, nek'èagı̨ı̨t'ee sìı nezı̨į̀ gıts'ǫ̀ eghàlaı̨da ha. Hanìkò amìı dıı dèè yedıhohtsı̨ı̨ sìı godıhohtsı̨ ha hǫt'e,” hagedı.

John Wenazhıı 11:18 ပူးပေါင်းရင်းမြစ်များ

Matthew 5:12

Dànì aahda k'èxa yak'e t'asìı nezı̨ı̨ edegha daahnǫǫ sìı naxıdawheɂǫ t'à sıì naxınà hǫt'e. Eyı xèht'eè gıcho nakwenàoɂǫǫ dagogį̀ı̨hɂa ı̨lè.

Luke 1:50

Dǫ hazǫǫ̀ ełetł'axǫǫ̀-edèe gots'ǫ dǫ gık'èı̨t'ee sìı gots'ǫ̀ wedzeè eteèɂı̨ hǫt'e.

Hebrew 9:27

Dǫ ı̨łàà zǫ ełaàwı ha hǫt'e, eyı tł'axǫǫ̀-ı̨dè Nǫ̀htsı̨ nadąą̀ wesınìyaetı ha.

John Wenazhıı 10:7

Yak'eet'ı̨į̀ łǫ̀hdı̨ t'à whedaa sìı edets'ǫ dechı̨shì yeèhdı ha nıìkw'o nı̨dè Nǫ̀htsı̨ nàowoò dǫ gha deɂı̨į̀ wheɂǫǫ sìı hòt'a deghàà wek'ę̀ę̀ agode ha. Nakwenàoɂǫǫ Nǫ̀htsı̨ gha eghàlagı̨ı̨dà ı̨lèe sìı dànì dǫ ts'ǫ̀ gogı̨ı̨dee sìı wek'ę̀ę̀ agode ha,” yak'eet'ı̨į̀ hadı.

John Wenazhıı 11:2

Hanìkò Nǫ̀htsı̨kǫ̀-gocho gomǫ̀ht'a kwekwı̨į̀ nechàa weyìı kwekwı̨į̀ nechà-lea nawheɂaa wege gòɂǫǫ sìı wexèɂį̀hdzà-le, eyı sìı dǫ eładı̨ı̨ gıgha ne t'à. Dı̨ènǫ-daats'ǫ̀-nàke sa gots'ǫ̀ kǫ̀godeè degaı sìı wedıhogehtsı̨ ha.

John Wenazhıı 13:10

Amìı wedaànìı̨tǫ wegha hòɂǫǫ sìı wedaànìı̨tǫ ha hǫt'e. Amìı behcho t'à ełaàwı wegha hòɂǫǫ sìı behcho t'à ełaàwı ha hǫt'e. Eyıt'à Nǫ̀htsı̨ wets'ǫ dǫ ts'èwhı̨į̀ dagı̨ı̨ɂa xè edınì nàtsoò agı̨ı̨hwhǫ ha hǫt'e.

John Wenazhıı 13:16

Dǫ hazǫǫ̀ nàgòts'ehnèe gılà k'e hanì-le-ı̨dè gıts'abeè k'e t'asìı dek'eèhtł'è ha agǫ̀ǫ̀là. Dǫ wet'àaɂàa, dǫ wet'àaɂà-le, dǫ ahxee, dǫ-teèt'ı̨ı̨, dǫ edets'ǫ̀ k'agedèe eyıts'ǫ dǫ edets'ǫ̀ k'agedè-le, hazǫǫ̀ t'asìı gık'e dek'eèhtł'è ha agǫ̀ǫ̀là.

John Wenazhıı 14:10

Nǫ̀htsı̨ hòtł'ò nàyeehkwa ha. Nǫ̀htsı̨ sıì wets'ǫ̀ wek'èch'a t'à hòtł'ò daı̨ɂa yeghàhòɂà ha. Sahzǫ̀ą eyıts'ǫ yak'eet'ı̨į̀ gınadąą̀ kwe dèk'ǫ̀ǫ t'à daı̨ɂaà awedle ha hǫt'e.

John Wenazhıı 15:1

K'achı̨ yak'e enıìyah deè nàhòwo wègoèht'į̀: yak'eet'ı̨į̀ łǫ̀hdı̨ hoìla łǫ̀hdı̨ wet'à nǫǫde dǫ dagı̨ı̨ɂaà agedle ha sìı dagıale. Eyı wet'à Nǫ̀htsı̨ dǫ nàgoehkwa ghǫ nǫǫt'e ha t'à nǫǫde hǫt'e.

John Wenazhıı 15:7

T'asìı dı̨ godìı gots'ǫ ı̨łè sǫǫ̀mbaekwo kw'àyį̀ą łǫ̀hdı̨ yak'eet'ı̨į̀ łǫ̀hdı̨ goghàyı̨ı̨wa. Nǫ̀htsı̨ welǫ whìle ts'ǫ̀ edaa sìı eyı kw'àyį̀ą łǫ̀hdı̨ weyìı dǫ ts'ǫ̀ wek'èch'a dagoòɂǫ whetł'ı.

John Wenazhıı 18:6

Dànì dǫ ts'ǫ̀ eghàlaı̨dàa sìı hanì wets'ǫ̀ eghàlaahda. Dànì eghàlaı̨dà k'èxa nàke laàtłǫǫ wets'ǫ̀ eghǫlaahda. Welıbò gots'ǫ nàekeè wegha deyaahtł'ì.

John Wenazhıı 19:15

Eyı dǫ gık'èè gıadèe sìı behcho dènıı wewà gots'ǫ xàı̨ɂa. Yet'à dıı nèk'e dǫ hazǫǫ̀ ghǫehnè ha. “Eyıts'ǫ satsǫ̀-geh t'à dǫ hazǫǫ̀ ts'ǫ̀ K'àowo elı̨ ha.” Nǫ̀htsı̨ t'asìı wegha dìì-le sìı wek'èch'a t'à, tǫhcho yìı t'asìı whelaa sìı tàtsǫyeèhɂe ha.

John Wenazhıı 19:18

K'àowocho gıkwǫ̀, eghǫǫ-dǫǫ̀ gha k'aodèe gıkwǫ̀, dǫ wet'àaɂàa gıkwǫ̀, tłı̨cho eyıts'ǫ dǫ gık'eèhkw'ee sìı gıkwǫ̀ ghǫ shèahzhe ha. Dǫ edets'ǫ̀ k'agedèe eyıts'ǫ dǫ edets'ǫ̀ k'agedè-le gıkwǫ̀ eyıts'ǫ dǫ wet'àaɂàa eyıts'ǫ dǫ wet'àaɂà-le gıkwǫ̀, dǫkwǫ̀ hazǫǫ̀ ghǫ shèahzhe ha,” yak'eet'ı̨į̀ gòhdı.

John Wenazhıı 19:5

Eyı daèhchı̨cho gots'ǫ dıı hats'edıì hǫt'e: “Naxı̨ hazǫǫ̀ wecheekeè yàahłı̨ı̨ sìı, naxı̨ hazǫǫ̀ wek'èaht'ee sìı, eyıts'ǫ dǫ wet'àaɂàa, wet'àaɂà-le yàahłı̨ı̨ sìı Gonǫ̀htsı̨ weghàsǫahdı,” hats'edıì hǫt'e.

John Wenazhıı 20:12

Eyıts'ǫ dǫ ełaı̨dèe sìı gìgoèht'į̀. Dǫ wet'àaɂàa eyıts'ǫ dǫ wet'àaɂà-le hazǫǫ̀ eyı daèhchı̨cho degoo gà nàgeèhza. Enı̨htł'ècho mǫ̀hdaa ts'ǫdaà xàaza wègaat'ı̨, eyıts'ǫ k'achı̨ enı̨htł'è ı̨łè wets'ǫdaà xàatǫ. Eyı enı̨htł'è wek'e dǫ welǫ whìle ts'ǫ̀ geeda gha gıızì dek'eèhtł'è. T'akwełǫ̀ǫ̀ enı̨htł'è whelaa wek'e ayìı dek'eèhtł'èe sìı eyı weghàà dǫ ełaı̨dèe sìı gısınìyaetı hǫt'e.

John Wenazhıı 20:15

Amìı eyı enı̨htł'è wek'e dǫ welǫ whìle ts'ǫ̀ geeda gha gıızì dek'eèhtł'è-le sìı kwe dèk'ǫ̀ǫ ta ts'ǫ̀ gogeèhde hǫt'e.

John Wenazhıı 22:12

“Kexoahdı, hòt'a whaà-le-t'ıì jǫ ts'ǫ̀ ahde ha! Ayìı dǫ ghàehłe ha sìı edexè k'ehłe. Dǫ dànì eghàlagı̨ı̨dà k'èxa t'asìı gıghàehłe ha.