John Wenazhıı 11:10 - Nǫ̀htsı̨ Nı̨htł'è

¹⁰ Eyı dǫ nàke ełaàgı̨ı̨dèe t'à dıı nèk'e dǫ hazǫǫ̀ gınà ha. Eyı gha dzędeè hogehtsı̨ xè t'asìı ełeghàgele ha, eyı nakwenàoɂǫǫ nàke sìı dıı nèk'e dǫ dagogį̀ı̨hɂa ı̨lèe t'à.

John Wenazhıı 11:10 ပူးပေါင်းရင်းမြစ်များ

Matthew 10:22

Sı̨ sets'ıhɂǫ̀ dǫ hazǫǫ̀ naxıdzagı̨ı̨hwhǫ ha, hanìkò amìı nǫǫde dzęę̀ ts'ǫ̀ Nǫ̀htsı̨ ts'ǫ̀ wınì nàtsoò adìhwhǫǫ sìı edaxàeda ha.

John 16:20

Ehkw'ı anaxèehsı̨, dıı nèk'e dǫ gıgha sìgoèt'ı̨, hanìkò naxı̨ hòtł'ò aahtse ha hǫt'e. Sıì naxıdzeè nànııtì ha, hanìkò naxınì ładı̨į̀ ade ha. Naxıdzeè nànııtì ı̨lèe sìı wet'à naxınà agode ha.

John 7:7

Dıı nèk'e dǫ hazǫǫ̀ naxıdzagı̨ı̨hwhǫ ha dìì, hanìkò sı̨ nàowołı̨ı̨ k'ę̀ę̀ eghàlageeda gèehsı̨ t'à, sedzagı̨ı̨hwhǫ.

Zezì Wecheekeèdeè 5:33

Peter hadıì goı̨de k'aodèe gıìkw'o ekò sıì gınì-le t'à ełaàgogìhde ha gı̨ı̨wǫ.

1 Corınth 13:6

Dǫ ghǫnets'eètǫ nı̨dè nàowołı̨ı̨ ghǫ goınà nıìle, hanìkò nàowo ehkw'ıı sìı ghǫ goınà hǫt'e.

John Wenazhıı 12:13

Eyı tıts'aàdìıcho dek'oo dıı nèk'e ts'ǫ̀ hodàweèhdo yek'èhoèhzà t'à ts'èko dǫzhìa nìı̨htı̨ı̨ sìı yedeèzhì.

John Wenazhıı 13:14

Tıts'aàdìı wekwì łǫ̀hdı̨ wedahxà hanì enıìyah deè hòèhtsı̨ t'à dıı nèk'e dǫ goghǫyaàɂǫ. Weyatıì k'e tıts'aàdìı nechàa behcho t'à gego hanìkò xàı̨dàa sìı kwe t'à wek'ę̀ę̀ wègaat'ı̨ı̨ nàı̨hɂaà agı̨į̀là. Eyıt'à tıts'aàdìı wekwì łǫ̀hdı̨ ghàsǫgeedıì agǫ̀ǫ̀là.

John Wenazhıı 13:8

Dıı nèk'e dǫ hazǫǫ̀ tıts'aàdìı nechàa ts'ǫ̀ yagehtı ha. Sahzǫ̀ą ełaàwìgwo wenı̨htł'è k'e gıızì dek'eèhtł'è-le agı̨ı̨t'e. Dıı dèè hòèlı̨ gots'ǫ amìı welǫ whìle ts'ǫ̀ geeda ha sìı eyı enı̨htł'è yìı gıızì dek'eèhtł'è.

John Wenazhıı 16:10

Yak'eet'ı̨į̀ sı̨làı t'à whedaa sìı edets'ǫ kw'àyį̀ą tıts'aàdìı nechàa wedaèhchı̨cho k'e nałayeèhtł'ı. Tıts'aàdìı nechàa wenèk'e hǫtsaa gıxè togoòtł'ò agòjà. Dǫ sıì dagı̨ı̨ɂà t'à edewalıì k'ètsǫgìɂà

John Wenazhıı 3:10

Senàowoò k'èahdì eyıts'ǫ ts'èwhı̨į̀ daahɂa t'à hazǫǫ̀ dıı nèk'e dǫ xè hoìla agode ha sìı ch'à naxık'èhdì ha. Dıı nèk'e dǫ hazǫǫ̀ nàdèe sìı hoìla t'à geèdzà ha.