John Wenazhıı 10:5 - Nǫ̀htsı̨ Nı̨htł'è

⁵ Eyı tł'axǫǫ̀ yak'eet'ı̨į̀ tıcho eyıts'ǫ dèè k'e nàwo weehɂı̨ ı̨lèe sìı nàgòts'ehnèe ts'ǫ edılà ı̨dòo yak'e ts'ǫ̀ ayį̀į̀là.

John Wenazhıı 10:5 ပူးပေါင်းရင်းမြစ်များ

Dànì Kèhoį̀wo 14:22

Hanìkò Abram eyı k'àowocho ts'ǫ̀ hadı, “Nǫ̀htsı̨ Enıìyah Deè, yak'e eyıts'ǫ dèè whehtsı̨ı̨ sìı wets'ǫ̀ dadeehtso t'à yatı nàtsoo whıhtsı̨ hǫt'e.

Zezì Wecheekeèdeè 14:15

“Dànìghǫ aaht'ı̨? Goxı̨ naxıxèht'eè dǫ ats'ı̨ı̨t'e. Naxıts'ǫ̀ godı nezı̨ı̨ nèts'ı̨ı̨ɂǫ. T'asìı wet'àaɂà-le k'alaahdèe sìı wedę aahłe, Nǫ̀htsı̨ edaa sìı wets'ǫ̀ aahde. Ededı̨ sìı yak'e, dèe, tı eyıts'ǫ t'asìı hazǫǫ̀ weyìı nàdèe sìı yèhtsı̨ hǫt'e.

Zezì Wecheekeèdeè 17:23

Naxıkǫ̀ta k'ehda ekò wets'ǫ̀ yaahtı łǫ nàwheɂaa sìı hotıì gıghàıhdà hǫt'e. Nǫ̀htsı̨ wek'èhoahsǫ-le gha kwe-ladà wheɂǫ wek'e dıı hanì dek'eèhtł'è wek'eyaehtı: ‘Nǫ̀htsı̨ wek'èts'eezǫ-le wegha gòɂǫ,’ dek'eèhtł'è. Eyı nǫ̀htsı̨ wek'èahsǫ-le kò wets'ǫ̀ yaahtıı sìı dıì weghǫ naxıts'ǫ̀ gohde ha.

Rome 1:20

Nǫ̀htsı̨ dǫ ts'ǫ̀ wègaat'ı̨-le kò, t'asìı wegha dìì-le elı̨ı̨ eyıts'ǫ Nǫ̀htsı̨ elı̨ı̨ sìı dıı nèè hòèlı̨ gots'ǫ dǫ gınıedì hǫt'e. T'asìı hazǫǫ̀ whehtsı̨ gıghàeda weghàà welǫ whìle ts'ǫ̀ t'asìı wegha dìì-le elı̨ı̨ sìı deghàà gınıedì hǫt'e. Eyıt'à “Wek'èts'eezǫ nıìle,” gedı ha dìì.

Hebrew 6:13

Nǫ̀htsı̨ Abraham xè yatı whehtsı̨ ekò Nǫ̀htsı̨ wenahk'e gǫ̀hłı̨-le t'à ededı̨ edet'à yatı nàtsoo whehtsı̨ ı̨lè.

John Wenazhıı 1:18

Sı̨ sìı ehda hǫt'e. Ełaıhwho ı̨lè hanìkò dıì welǫ whìle ts'ǫ̀ ehda hǫt'e. Dǫ ełaı̨dèe nèk'e gha ladlì k'èhdì.

John Wenazhıı 10:2

Eyı yak'eet'ı̨į̀ enı̨htł'èyeè nechà-lea dayeɂa; eyı enı̨htł'èyeè wek'eyats'ehtı ha welatł'aà wheɂǫ. Nàgots'ehnèe ts'ǫ edekè t'à tıcho k'e nàèht'è eyıts'ǫ gots'ı̨hts'ǫ ts'ǫ edekè t'à dèè k'e nàèht'è.

John Wenazhıı 14:7

Yak'eet'ı̨į̀ hòtł'ò hadı, “Hòt'a dǫ sınìyaetıı dzęę̀ ts'ǫ̀ whaà-le t'à Nǫ̀htsı̨ wek'èaht'e eyıts'ǫ weghàsǫahdı. Ededı̨ sìı yak'e, dıı dèe, tıcho eyıts'ǫ tı xàı̨lı̨ı̨ hazǫǫ̀ yèhtsı̨ hǫt'e, eyıt'à wegha zǫ aahda,” hadı.

John Wenazhıı 16:17

Eyı tł'axǫǫ̀ yak'eet'ı̨į̀ łǫ̀hdı̨ t'à elı̨ı̨ sìı edets'ǫ kw'àyį̀ą yat'a nałayeèhtł'ı ekò Nǫ̀htsı̨kǫ̀-gocho goyìı daèhchı̨cho gots'ǫ hòtł'ò dıı hats'edıì hǫt'e, “Hòt'a enahǫ̀t'e!” hats'edıì hǫt'e.

John Wenazhıı 4:11

“Gots'ǫ̀ K'àowo Gonǫ̀htsı̨, t'asìı hazǫǫ̀ wheęhtsı̨ ne t'à enıìyah xè neghàsǫts'eedıı sìı nı̨ zǫ nets'ǫ̀ hats'edı ha hǫt'e eyıts'ǫ t'asìı hazǫǫ̀ ts'ǫ̀ k'àı̨wo welè. Hanì welè neewǫ t'à t'asìı hazǫǫ̀ hòèlı̨ı̨ xè geeda hǫt'e,” gedı.

John Wenazhıı 4:9

Eyıt'à eyı t'asìı dı̨ godìı sìı amìı daèhchı̨cho k'e whedaa, welǫ whìle ts'ǫ̀ wehòhɂǫǫ sìı gıghàsǫedı xè masì gıìhdı. Haget'ı̨ taàt'eè,