John Wenazhıı 1:2 - Nǫ̀htsı̨ Nı̨htł'è

² John t'asìı hazǫǫ̀ yaɂı̨ı̨ sìı yeghǫ goı̨de. Nǫ̀htsı̨ weyatıì eyıts'ǫ Zezì wegodıì ghǫ goı̨de.

John Wenazhıı 1:2 ပူးပေါင်းရင်းမြစ်များ

John 1:32

Eyıts'ǫ John-Baptıst yeghǫ dıı hadı, “Yak'e gots'ǫ Yedàyeh Nezı̨ı̨ k'àba degoo lanıı Zezì k'e daàhtła gà yek'e dawheda weehɂı̨.

John 12:17

Zezì, Lazarus kwe-yìı wekw'ǫǫ̀ whetǫǫ gots'ǫ “xàı̨tłe,” yèhdı t'à naìdà ayį̀į̀là ekò dǫ łǫ Zezì xè aget'ı̨ ı̨lè, eyıt'à eyı godıì t'à dǫ xè gogedo.

John 19:35

Dǫ wedaà hanàhòwoo sìı ehkw'ı yeghǫ goı̨de hǫt'e. Ehkw'ı yeghǫ goı̨de yek'èezǫ, hanì-ı̨dè naxı̨ sı wet'à naxıgha ehkw'ı-ahodı ha.

John 21:24

Eyı wecheekeè sìı eyı hazǫǫ̀ hagòjàa sìı yeghǫ goı̨de hǫt'e, eyıts'ǫ dek'enèyı̨ı̨tł'è hǫt'e. Yeghǫ ehkw'ı goı̨de wek'èts'eezǫ hǫt'e.

John 3:11

Ehkw'ı anèehsı̨, t'asìı k'èts'eezǫ eyıts'ǫ t'asìı wets'aɂı̨ı̨ sìı weghàà gots'ede hǫt'e, hanìkò naxı̨ dǫ xàɂaa yàahłı̨ı̨ sìı ehkw'ı ats'edı goahwhǫ-le.

Zezì Wecheekeèdeè 22:15

Ayìı neeɂı̨ı̨ eyıts'ǫ ayìı ı̨į̀kw'oo sìı wet'à dǫ hazǫǫ̀ ts'ǫ̀ goı̨de ha.

Zezì Wecheekeèdeè 26:16

‘Nıį̀tła. Segha eghàlaı̨da ha nìhchìı t'à, nenazhıı sègoèht'į̀ anèhłà, segha eghàlaı̨da ha nìhchì t'à. Dànì nets'ǫ̀ sègoèt'į̀ı̨ sìı wet'à dǫ xè goı̨do ha eyıts'ǫ ayìı dànèehsı̨ı̨ sìı weghàlaı̨da ha.

Zezì Wecheekeèdeè 4:20

Ayìı ghàts'ı̨ı̨dàa eyıts'ǫ ayìı weghǫ ts'ıìkw'oo sìı weghǫ gots'ede-le ha dìì,” gedı.

1 Corınth 1:6

Dànì Zezì-Krı weghǫ naxıts'ǫ̀ gots'ı̨ı̨dee sìı naxıgha ehkw'ı-ahodıì aahjà eyıts'ǫ wek'ę̀ę̀ aahdaà aahjà.

1 Corınth 2:1

Sèot'ı̨ı̨, t'akwełǫ̀ǫ̀ naxıts'ǫ̀ nèehtła ekò yatı wèdaat'ı̨ı̨ t'à naxıts'ǫ̀ goıhde nıìle. Eyıts'ǫ Nǫ̀htsı̨ wegodıì naxıts'ǫ̀ nèehɂǫ ekò dıı nèk'e gots'ǫ dǫ gogı̨ı̨zǫǫ gık'ę̀ę̀ k'ehoehɂa-le ı̨lè.

1 John 1:1

Ededı̨ kèhǫǫ̀wo gots'ǫ wehòhɂǫǫ sìı wets'eèhkw'ǫ ı̨lè, xàè godaà t'à wets'aɂı̨ xè weghàts'ı̨ı̨dà ı̨lè eyıts'ǫ goılà t'à dawets'aachì ı̨lè. Eyı Yatı wet'à ts'eedaa elı̨ı̨ sìı weghǫ gots'edeè ats'edı.

1 John 4:14

Nǫ̀htsı̨-Gotà, Weza dǫ Edaxàgolee elı̨ ha dıı nèk'e ts'ǫ̀ ayį̀į̀làa sìı wets'aɂı̨ t'à weghǫ gots'ede hǫt'e.

3 John 1:12

Dǫ hazǫǫ̀ Demetrıus ghǫ nezı̨į̀ agedı hǫt'e, eyıts'ǫ nàowo ehkw'ıı k'ę̀ę̀ eda hǫt'e. Goxı̨ sı weghǫ nezı̨į̀ ats'edı, weghǫ ehkw'ı gots'ede wek'èı̨zǫ hǫt'e.

John Wenazhıı 1:11

dıı hats'edıì hǫt'e: “Nenazhıı dàgot'ı̨ı̨ sìı enı̨htł'è k'e dek'enìı̨tł'è gà kǫ̀ta łǫ̀hdı̨ Nǫ̀htsı̨ wecheekeè nàgedèe sìı gıts'ǫ̀ anele. Dıı kǫ̀ta łǫ̀hdı̨ hǫt'e: Ephesus, Smyrna, Pergamum, Thıyatıra, Sardıs, Phıladelphıa eyıts'ǫ Laodısıya,” hats'edıì hǫt'e.

John Wenazhıı 1:19

“Eyıt'à ayìı ghàı̨daa sìı dek'enìı̨tł'è. Dıì dàgode ha eyıts'ǫ ı̨daà dàgode ha sìı dek'enìı̨tł'è.

John Wenazhıı 1:9

Sı̨ sìı nèot'ı̨ John aht'e. Naxıxèht'eè Zezì wedahxà ts'èwhı̨į̀ daehɂa, eyıts'ǫ naxıxèht'eè Nǫ̀htsı̨ wenàowoò k'ę̀ę̀ ehda. Nǫ̀htsı̨ weyatıì eyıts'ǫ Zezì wegodıì t'à gohde ts'ıhɂǫ̀ dıı dzęę̀ k'e dı Patmos gòyeh k'e whıhda hǫt'e.

John Wenazhıı 12:11

Gòet'ı̨ Sahzǫ̀ą wedoò t'à eyıts'ǫ edeyatıì sı t'à gıghǫèhnǫ hǫt'e. Eyı gha ełaàgııde kò gıgha t'asanìle hǫt'e.

John Wenazhıı 12:17

Tıts'aàdìıcho dek'oo eyı ts'èko ghǫ sıì ìch'è t'à weza hazǫǫ̀ ts'ǫ̀ ajà; weza hazǫǫ̀ Nǫ̀htsı̨ nàowoò k'èagı̨ı̨t'e eyıts'ǫ Zezì wegodıì k'ègedì. Eyı tıts'aàdìıcho dek'oo eyıts'ǫ ts'èko weza ełexè ełegıagǫ.

John Wenazhıı 20:4

Eyı tł'axǫǫ̀ daèhchı̨cho łǫ wègoèht'į̀, dǫ sınìyagehtı ha gıghàhòt'ǫǫ sìı gık'e dèhkw'e. Eyıts'ǫ dǫ łǫ gıdą̀ązhį̀ı̨ senadąą̀ wègoèht'į̀. Zezì wegodıì eyıts'ǫ Nǫ̀htsı̨ weyatıì t'à gogede k'èxa gıkwì k'egı̨ı̨hkàa sìı agı̨ı̨t'e. Tıts'aàdìı nechàa eyıts'ǫ kwe wek'ę̀ę̀ hòèlı̨ ts'ǫ̀ nàgògı̨ı̨hgè-le eyıts'ǫ gıts'abeè eyıts'ǫ gılà k'e tıts'aàdìı nechàa wıızì dek'eèhtł'è-le agı̨ı̨t'e. Eyı dǫ hazǫǫ̀ nagìdà, eyıts'ǫ ı̨łè-lemì xo gots'ǫ̀ Chrıst wexè k'aodèe gı̨ı̨lı̨.

John Wenazhıı 22:21

Zezì, gots'ǫ̀ K'àowo, wesǫnıwǫǫ sìı Nǫ̀htsı̨ wets'ǫ dǫ hazǫǫ̀ gıxè welè. Amen.

John Wenazhıı 6:9

Sahzǫ̀ą enı̨htł'èyeè wedaàdzeh sı̨làı t'à wheɂǫǫ sìı nàyı̨ı̨zhì. Kwe-ladà wek'e Nǫ̀htsı̨ ts'ǫ̀ t'asìı k'eek'ǫ̀ǫ sìı wetł'a dǫ gıdą̀ązhį̀ı̨ wègoèht'į̀. Nǫ̀htsı̨ weyatıì k'ę̀ę̀ geeda ts'ıhɂǫ̀ ełaàgogį̀ı̨hdèe agı̨ı̨t'e.