John Wenazhıı 1:18 - Nǫ̀htsı̨ Nı̨htł'è

¹⁸ Sı̨ sìı ehda hǫt'e. Ełaıhwho ı̨lè hanìkò dıì welǫ whìle ts'ǫ̀ ehda hǫt'e. Dǫ ełaı̨dèe nèk'e gha ladlì k'èhdì.

John Wenazhıı 1:18 ပူးပေါင်းရင်းမြစ်များ

Matthew 11:23

Ekò Capernaum got'ı̨į̀, asį̀į̀ ı̨dòo yak'e ts'ǫ̀ danaxıìtè ha? Į̀le, ı̨zhıì wehłı̨kǫ̀ ts'ǫ̀ anaxedle ha. Enıìyah naxıdaà hòwhıhtsı̨ı̨ sìı Sodom got'ı̨į̀ gınadąą̀ hanàhòwo nı̨dè dıı dzęę̀ ts'ǫ̀ gıkǫ̀ta gòɂǫ ha ı̨lè.

Matthew 16:19

Nǫ̀htsı̨ Wenàowoò k'ę̀ę̀ hòɂǫǫ gha ladlì neghàehłe ha. Dıı nèk'e ayìı wedaàneedoo sìı yak'e sı wedaàdo ha eyıts'ǫ dıı nèk'e ayìı wets'ǫdaà xàneetǫǫ sìı yak'e sı wets'ǫdaà xàetį̀ ha hǫt'e,” yèhdı.

Luke 24:5

Ts'èko sıì geèhyeh t'à dèè ts'ǫ̀ nàgògı̨ı̨hgè, hanìkò dǫ gots'ǫ̀ hagedı, “Dànìghǫ dǫ ełaı̨dèe ta dǫ edaa kak'eaht'į̀?

John 11:25

Zezì yets'ǫ̀ hadı, “Sı̨ set'à dǫ naìdà xè eda hǫt'e. Amìı ehkw'ı adı sı̨ı̨hwhǫǫ sìı, ełaàwı kò, eda ha.

John 14:19

Hòt'a whaà-le-t'ıì dıı nèk'e dǫ hazǫǫ̀ k'achı̨ segeɂį̀ ha-le, hanìkò naxı̨ seahɂį̀ ha. Sı̨ ehda t'à naxı̨ sı aahda ha.

Rome 6:9

Zezì-Krı ełaı̨wo gots'ǫ naìdà wek'èts'eezǫ hǫt'e, k'achı̨ ełaàwı hǫı̨lı̨ ha nıìle. Ełaàts'ewıı sìı k'achı̨ yets'ǫ̀ k'àhowo hǫı̨lı̨ ha nıìle.

2 Corınth 13:4

Nàtso-le k'ę̀ę̀ dechı̨et'aa k'e wedıìtsò t'ıį̀t'e, hanìkò dıì Nǫ̀htsı̨ dahxà nàtso eda hǫt'e. Eyı lanì goxı̨ sı wexè nàts'etso-le lats'ı̨ı̨t'e, hanìkò Nǫ̀htsı̨ dahxà naxıgha eghàlats'eeda gha nàts'etsoò ts'eeda hǫt'e.

Galatıa 2:20

Zezì-Krı wexè dechı̨et'aa k'e ełaıhwho hǫt'e, eyıt'à sı̨ xàè ehda nıìle, hanìkò Zezì-Krı ededı̨ sedzeè yìı eda hǫt'e. T'aı̨waà sezhį̀į̀ t'à ehda gots'ǫ̀ Nǫ̀htsı̨ Weza segha ehkw'ı-ahodı t'à ehda hǫt'e. Ededı̨ sìı seghǫneètǫ t'à segha ełaı̨wo hǫt'e.

Colosse 3:3

Ełaahdèe lanì ı̨lè, eyıt'à dıì aahdaa sìı Zezì-Krı wexè Nǫ̀htsı̨ nezı̨į̀ naxık'èdì.

Hebrew 1:3

Nǫ̀htsı̨ Weza sìı dànì Nǫ̀htsı̨ wexè saı̨dı̨ı̨ sìı yexèht'eè wexè saı̨dı̨ hǫt'e. Nǫ̀htsı̨ dànì wègaat'ı̨ı̨ sìı Weza hotıì yexèht'eè wègaat'ı̨ hǫt'e, weyatıì nàtso t'à t'asìı hazǫǫ̀ edaà ayį̀į̀hwhǫ. Dǫ gha ełaı̨wo t'à gıhołı̨į̀ gıghǫ nahoazha ayį̀į̀là tł'axǫǫ̀, ı̨dòo yak'e Nǫ̀htsı̨ t'asìı wegha dìì-le sìı gà nàgòts'ehnèe wheda.

Hebrew 12:2

Zezì zǫ wedaànıts'ııdè, ededı̨ sìı Nǫ̀htsı̨ gogha ehkw'ı-ahodıı yexèhoį̀hwho hǫt'e, eyıts'ǫ ededı̨ nǫǫde ts'ǫ̀ deghàà gogha ehkw'ı-ahodıì agole ha hǫt'e. Ededı̨ ı̨daà nı̨dè wınà agode ha yek'èezǫ t'à dechı̨et'aa k'e dàı̨ɂàa sìı yeghǫ į̀į̀zhawhelı̨-le. Eyı tł'axǫǫ̀ Nǫ̀htsı̨ t'asìı hazǫǫ̀ gha K'àowocho elı̨ı̨ sìı yegà nàgòts'ehnèe wheda.

Hebrew 7:16

Eyı dǫ Moses wenàowoò k'ę̀ę̀ wecho yahtıı gı̨ı̨lè t'à yahtıı wehòèlı̨ nıìle, hanìkò welǫ whìle ts'ǫ̀ nàtsoò wehòhɂǫǫ dahxà yahtıı whelı̨ hǫt'e.

Hebrew 7:25

Eyıt'à Zezì ededı̨ wet'ǫ̀ǫ̀ amìı Nǫ̀htsı̨ ts'ǫ̀ at'ı̨ı̨ sìı deghàà edaxàgole ha wegha dìì-le hǫt'e. T'aats'ǫǫ̀ eda t'à dǫ gha Nǫ̀htsı̨ ts'ǫ̀ yahtı ha dìì-le hǫt'e.

John Wenazhıı 10:6

Nǫ̀htsı̨ welǫ whìle ts'ǫ̀ edaa sìı yak'e eyıts'ǫ t'asìı hazǫǫ̀ yeyìı nàdèe whehtsı̨. Eyıts'ǫ dıı dèè eyıts'ǫ t'asìı hazǫǫ̀ yek'e nàdèe whehtsı̨. Eyıts'ǫ tıcho eyıts'ǫ t'asìı hazǫǫ̀ yeyìı nàdèe whehtsı̨ı̨ sìı ededı̨ yıızì dahxà dıı hadıì yatı nàtsoo whıhtsı̨: “Hòt'a Nǫ̀htsı̨ naèhɂı̨ ha nıìle!

John Wenazhıı 15:7

T'asìı dı̨ godìı gots'ǫ ı̨łè sǫǫ̀mbaekwo kw'àyį̀ą łǫ̀hdı̨ yak'eet'ı̨į̀ łǫ̀hdı̨ goghàyı̨ı̨wa. Nǫ̀htsı̨ welǫ whìle ts'ǫ̀ edaa sìı eyı kw'àyį̀ą łǫ̀hdı̨ weyìı dǫ ts'ǫ̀ wek'èch'a dagoòɂǫ whetł'ı.

John Wenazhıı 2:8

“Kǫ̀ta Smyrna Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Dıı yatı sìı amìı t'akwełǫ̀ǫ̀ elı̨ı̨ eyıts'ǫ nǫǫde elı̨ı̨ sìı weyatıì hǫt'e. Ełaı̨wo ı̨lè eyıts'ǫ k'achı̨ naìdà hǫt'e.

John Wenazhıı 20:13

Tıcho yìı ts'ǫ eyıts'ǫ dǫ ełaı̨dèe k'èhodìı gots'ǫ dǫ hazǫǫ̀ ełaı̨dèe sìı xàgı̨ı̨de. Dǫ hazǫǫ̀ ayìı hogèhtsı̨ı̨ sìı weghàà gısınìyaetı hǫt'e.

John Wenazhıı 20:14

Eyı tł'axǫǫ̀ ełaàts'edee eyıts'ǫ dǫ ełaı̨dèe k'èhodìı k'è gòɂǫǫ sìı kwe dèk'ǫ̀ǫ ta ts'ǫ̀ gogeèhde. Eyı kwe dèk'ǫ̀ǫ whehtǫǫ sìı nàekeè t'à ełaàts'ewı gha hǫt'e.

John Wenazhıı 3:7

“Kǫ̀ta Phıladelphıa Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ degaı xè ehkw'ı elı̨ı̨ sìı dıı weyatıì hǫt'e. Ededı̨ sìı k'àowocho Davıd weladlì k'èdìı elı̨ hǫt'e. Ayìı ts'ǫdaà xàedee sìı dǫ wı̨ı̨zìı yedaede ha dìì hǫt'e, eyıts'ǫ ayìı yedaedee sìı dǫ wı̨ı̨zìı yets'ǫdaà xàede ha dìì hǫt'e.

John Wenazhıı 4:9

Eyıt'à eyı t'asìı dı̨ godìı sìı amìı daèhchı̨cho k'e whedaa, welǫ whìle ts'ǫ̀ wehòhɂǫǫ sìı gıghàsǫedı xè masì gıìhdı. Haget'ı̨ taàt'eè,

John Wenazhıı 5:14

T'asìı dı̨ godìı sìı “Amen,” gedı, eyıts'ǫ ǫhdah naènǫ-daats'ǫ̀-dı̨ nàgògı̨ı̨hgè gà eyı daèhchı̨cho k'e whedaa eyıts'ǫ eyı sahzǫ̀ą sı ghàsǫgeedı.

John Wenazhıı 6:8

Hǫtsaa senadąą̀ tłı̨cho dıìgà lanıı wègoèht'į̀! Eyı tłı̨cho t'à-at'ı̨ı̨ sìı “ełaàgòhde” wìyeh eyıts'ǫ yek'èè etłee sìı “dǫ ełaı̨dèe nèk'e” wìyeh. Dıı nèk'e tanı eyıts'ǫ k'achı̨ tanı ts'ǫ̀ dǫ nàdèe sìı ełaàgogìhde ha gıghàhòt'ǫ. Mǫ̀hdaa behcho t'à ełaàgogìhde ha, mǫ̀hdaa bò whìle t'à, mǫ̀hdaa tàda nàtsoo t'à eyıts'ǫ mǫ̀hdaa tıts'aàdìı wets'àhoejı̨ı̨ t'à ełaàgogìhde ha.

John Wenazhıı 9:1

Yak'eet'ı̨į̀ sı̨làı t'à whedaa sìı wets'ǫ dechı̨shì yeèhdı ekò yat'a ts'ǫ dıı nèk'e ts'ǫ̀ whǫ̀ hodàdeèwò wègaat'ı̨. Eyı whǫ̀ sìı ı̨zhıì dèè goyìı gǫǫ̀ɂàa yets'ǫdaà xàede ha ladlì weghǫ̀t'ǫ.