John Wenazhıı 1:17 - Nǫ̀htsı̨ Nı̨htł'è

¹⁷ Weehɂı̨ ekò wekè gà nàehkw'o, dǫ ełaı̨wo lahjà. Nàgòts'ehnèe ts'ǫ edılà sek'e ayı̨į̀là, hadı, “Dı̨ı̨jı̨-le. Sı̨ sìı yatı t'akwełǫ̀ǫ̀ wheɂǫǫ eyıts'ǫ yatı nǫǫde wheɂǫǫ aht'e.

John Wenazhıı 1:17 ပူးပေါင်းရင်းမြစ်များ

Dànì Kèhoį̀wo 15:1

Eyı hagòjà tł'axǫǫ̀ Abram wenazhıı xègoèht'į̀ Nǫ̀htsı̨ yets'ǫ̀ hadı, “Abram, dı̨ı̨jı̨-le. Nexoehdı ha, eyıts'ǫ t'asìı nezı̨ı̨ łǫ neghàehłe ha,” gots'ǫ̀ K'àowo yèhdı.

Matthew 14:27

Ekòet'ıì Zezì gots'ǫ̀ hadı, “Naxıdzeè nàtsoò aahłe. Sı̨ aht'ı̨. Dahjı̨-le,” gòhdı.

Matthew 28:4

Eghǫǫ-dǫǫ̀, Zezì wekw'ǫǫ̀ xogııhdı ı̨lèe sìı, sıì geèhyeh t'à gıts'ehłı̨ xè dǫ ełaı̨dè lagejà.

Matthew 28:5

Yak'eet'ı̨į̀ ts'èko gots'ǫ̀ hadı, “Dahjı̨-le. Zezì dechı̨et'aa k'e ełaı̨woo sìı wekak'eaht'į̀ aaht'ı̨ wek'èehsǫ.

John 13:23

Wecheekeè ı̨łè, Zezì yeghǫneètǫǫ sìı yegà ladà k'e shètı̨.

John 21:20

Peter ets'aèhtła ekò k'eet'į̀, wecheekeè ı̨łè Zezì yeghǫneètǫǫ sìı gok'èè naetłe yaɂı̨. (Eyı wecheekeè sìı nǫǫde ełexè shègıazhe ekò Zezì k'e dètsǫhtı̨ı̨ sìı hayèhdı ı̨lè, “K'àowo, amìı k'aodèe tł'aànehtè ha?” yèhdı ı̨lè.)

John Wenazhıı 1:11

dıı hats'edıì hǫt'e: “Nenazhıı dàgot'ı̨ı̨ sìı enı̨htł'è k'e dek'enìı̨tł'è gà kǫ̀ta łǫ̀hdı̨ Nǫ̀htsı̨ wecheekeè nàgedèe sìı gıts'ǫ̀ anele. Dıı kǫ̀ta łǫ̀hdı̨ hǫt'e: Ephesus, Smyrna, Pergamum, Thıyatıra, Sardıs, Phıladelphıa eyıts'ǫ Laodısıya,” hats'edıì hǫt'e.

John Wenazhıı 1:4

John, Asıa nèk'e kǫ̀ta łǫ̀hdı̨ yàgòlaa Nǫ̀htsı̨ wecheekeè nàgedèe sìı dıı godı gots'ǫ̀ ı̨ı̨tł'è: Nǫ̀htsı̨ whaà gots'ǫ wehòhɂǫ, dıì wehòhɂǫ, eyıts'ǫ welǫ whìle ts'ǫ̀ wehòhɂǫ ha sìı, eyıts'ǫ ı̨nì degaı łǫ̀hdı̨ Nǫ̀htsı̨ wenadąą̀ nàgeèhza sìı naxıxè sǫgı̨ı̨wǫ welè eyıts'ǫ naxıxè sìghà hòɂǫǫ̀ agııle.

John Wenazhıı 1:8

Gots'ǫ̀ K'àowo Nǫ̀htsı̨ dıı hadı hǫt'e: “Yatı t'akwełǫ̀ǫ̀ wheɂǫǫ aht'e eyıts'ǫ yatı nǫǫde wheɂǫǫ aht'e. Whaà gots'ǫ sehòhɂǫ, dıì sehòhɂǫ, eyıts'ǫ welǫ whìle ts'ǫ̀ sehòhɂǫ ha. T'asìı wı̨ı̨zìı segha dìì gǫ̀hłı̨ nıìle,” gots'ǫ̀ hadı.

John Wenazhıı 2:8

“Kǫ̀ta Smyrna Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Dıı yatı sìı amìı t'akwełǫ̀ǫ̀ elı̨ı̨ eyıts'ǫ nǫǫde elı̨ı̨ sìı weyatıì hǫt'e. Ełaı̨wo ı̨lè eyıts'ǫ k'achı̨ naìdà hǫt'e.

John Wenazhıı 22:13

Yatı t'akwełǫ̀ǫ̀ aht'e eyıts'ǫ yatı nǫǫde aht'e; kèhǫǫ̀wo gots'ǫ sehòhɂǫǫ eyıts'ǫ welǫ ts'ǫ̀ sehòhɂǫǫ aht'e.