John Wenazhıı 1:16 - Nǫ̀htsı̨ Nı̨htł'è

¹⁶ Nàgòts'ehnèe ts'ǫ edılà t'à whǫ̀ łǫ̀hdı̨ dayele, eyıts'ǫ wewà gots'ǫ behcho wek'à į̀ła-ts'ǫ̀ dènıı xàı̨ɂa. Wınì sadeè nàtsoo lanì wègaat'ı̨.

John Wenazhıı 1:16 ပူးပေါင်းရင်းမြစ်များ

Matthew 17:2

Ekǫ gıdaà eładı̨į̀ wègoèht'į̀. Wınì sadeè lanì wek'e saı̨dı̨ eyıts'ǫ wegoht'ǫǫ̀ degoo xè wek'e saı̨de.

Zezì Wecheekeèdeè 26:13

Dzętanı ekìıyeè tı̨lı k'e naehtłe là yak'e gots'ǫ semǫǫ̀ dzęh agòjà. Dzęh sadeè nahk'e nàtsoo sek'e hodàı̨dı̨ı̨ eyıts'ǫ dǫ sexè aget'ı̨ı̨ sìı gık'e ajà.

Ephesus 6:17

Eghǫǫ-dǫǫ̀ wets'ǫ satsǫ̀-ts'ah wheahɂǫ lanì, Nǫ̀htsı̨ edaxànaxeehtèe sìı naxıgha ehkw'ı-ahodı welì, eyıts'ǫ Yedàyeh Nezı̨ı̨ wets'ǫ behcho, Nǫ̀htsı̨ weyatıì hǫt'e sìı, wet'à aaht'ı̨.

Hebrew 4:12

Nǫ̀htsı̨ weyatıì sìı eda xè wek'ę̀ę̀ k'ehokw'o hǫt'e. Weyatıì sìı behcho į̀ła-ts'ǫ̀ wek'à dènı nahk'e dènı hǫt'e. Gokwǫ̀ weɂǫ̀ǫ̀ ts'ǫ̀ tàgoehwhe hǫt'e, godą̀ązhį̀ı̨ eyıts'ǫ gots'ǫ ı̨nì į̀łak'aà ayehɂı̨, gokw'ǫǫ̀ eghagoèhzǫ eyıts'ǫ hazǫǫ̀ godzazıì į̀łak'aà ayehɂį̀ xè godzeè yìı dàts'ı̨ı̨wǫǫ sìı yesınìyaehtı.

John Wenazhıı 1:20

Whǫ̀ łǫ̀hdı̨ nàgòts'ehnèe selatł'aà whelaa eyıts'ǫ ek'aèk'ǫchı̨į̀ łǫ̀hdı̨ sǫǫ̀mbaekwo t'à hòèlı̨ı̨ sìı dıı awèts'edı hǫt'e: Whǫ̀ łǫ̀hdı̨ sìı kǫ̀ta łǫ̀hdı̨ Nǫ̀htsı̨ wecheekeè nàgedèe sìı gıyak'eet'ı̨į̀ gha hǫt'e, eyıts'ǫ ek'aèk'ǫchı̨į̀ łǫ̀hdı̨ sìı kǫ̀ta łǫ̀hdı̨ Nǫ̀htsı̨ wecheekeè nàgedèe sìı gha hǫt'e.

John Wenazhıı 10:1

Eyı tł'axǫǫ̀ k'achı̨ yak'e gots'ǫ yak'eet'ı̨į̀ nàtsoo hodàèhtła weehɂı̨. K'oh wemoèhdo eyıts'ǫ k'àlemį̀į̀ wekwì godo nawhet'ıì wègaat'ı̨. Wınì sa lanì wek'e saı̨dı̨ eyıts'ǫ wedzaà kǫ̀ dèk'ǫ̀ǫ nàı̨ɂa lanì.

John Wenazhıı 12:1

T'asìı enıìyah yak'e wègoèht'į̀: ts'èko ɂeh yìı wheda lanì sadeè t'à nàhtł'ı̨. Adzęzah weketł'a wheɂǫ eyıts'ǫ sǫǫ̀mbaekwo kwìt'ıì whǫ̀ hoònǫ-daats'ǫ̀-nàke wek'e whela wekwì k'e wheɂǫ.

John Wenazhıı 19:15

Eyı dǫ gık'èè gıadèe sìı behcho dènıı wewà gots'ǫ xàı̨ɂa. Yet'à dıı nèk'e dǫ hazǫǫ̀ ghǫehnè ha. “Eyıts'ǫ satsǫ̀-geh t'à dǫ hazǫǫ̀ ts'ǫ̀ K'àowo elı̨ ha.” Nǫ̀htsı̨ t'asìı wegha dìì-le sìı wek'èch'a t'à, tǫhcho yìı t'asìı whelaa sìı tàtsǫyeèhɂe ha.

John Wenazhıı 19:21

Eyı tłı̨cho degoo k'e whedaa sìı wewà gots'ǫ behcho xàı̨ɂaa t'à k'àowocho eyıts'ǫ gıts'ǫ eghǫǫ-dǫǫ̀ hazǫǫ̀ ełaàgòı̨hdè. Yat'a k'edèe sìı dǫweè k'enį̀ı̨laa ts'ǫ̀ hodàgı̨ı̨de gà gıbò dagoòɂǫ ts'ǫ̀ dǫkwǫ̀ ghǫ shègıazhe.

John Wenazhıı 2:1

“Kǫ̀ta Ephesus Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ nàgòts'ehnèe whǫ̀ łǫ̀hdı̨ welatł'aà whela xè ek'aèk'ǫchı̨į̀ łǫ̀hdı̨ ta k'etłoo sìı dıı weyatıì hǫt'e:

John Wenazhıı 2:12

“Kǫ̀ta Pergamum Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ behcho wek'à į̀ła-ts'ǫ̀ dènıı wets'ǫ sìı eyı weyatıì hǫt'e.

John Wenazhıı 2:16

Eyıt'à edek'eahłı̨! Edek'eahłı̨-le nı̨dè whaà-le-t'ıì naxıts'ǫ̀ ehtła gà behcho sewà xàı̨ɂa t'à nàgeehtł'ì ha.

John Wenazhıı 3:1

“Kǫ̀ta Sardıs Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ Nǫ̀htsı̨ wets'ǫ ı̨nì degaı łǫ̀hdı̨ eyıts'ǫ whǫ̀ łǫ̀hdı̨ welatł'aà whelaa sìı dıı weyatıì hǫt'e: Dànì aahdaa sìı wek'èehsǫ, dǫ nezı̨į̀ aahda naxegı̨ı̨hwhǫ hanìkò dǫ ełaı̨dèe laaht'e.