John Wenazhıı 1:11 - Nǫ̀htsı̨ Nı̨htł'è

¹¹ dıı hats'edıì hǫt'e: “Nenazhıı dàgot'ı̨ı̨ sìı enı̨htł'è k'e dek'enìı̨tł'è gà kǫ̀ta łǫ̀hdı̨ Nǫ̀htsı̨ wecheekeè nàgedèe sìı gıts'ǫ̀ anele. Dıı kǫ̀ta łǫ̀hdı̨ hǫt'e: Ephesus, Smyrna, Pergamum, Thıyatıra, Sardıs, Phıladelphıa eyıts'ǫ Laodısıya,” hats'edıì hǫt'e.

John Wenazhıı 1:11 ပူးပေါင်းရင်းမြစ်များ

Zezì Wecheekeèdeè 16:14

Ts'èko ı̨łè eyı goèhkw'ǫǫ sìı Lydıa wìyeh. Eyı ts'èko kǫ̀godeè Thıyatıra gots'ǫ ɂehtł'ı̨-dek'oo weghǫ nàedìı dǫǫ̀ elı̨ eyıts'ǫ Nǫ̀htsı̨-ghàtsį̀edıı-dǫǫ̀ elı̨. Eyı ts'èko sìı Paul dàdıı yeèhkw'ǫ t'à gots'ǫ̀ K'àowo wegha ehkw'ı-ahodı ayį̀į̀là.

Zezì Wecheekeèdeè 18:24

Ekìıyeè k'e Israel got'ı̨į̀ Apollos wìyeh, Alexandrıa gots'ǫ dǫ, kǫ̀ta Ephesus nììtła. Dǫ t'asìı k'èezǫǫ deè elı̨ eyıts'ǫ Nǫ̀htsı̨ Nı̨htł'è sı deghàà yek'èezǫ.

Zezì Wecheekeèdeè 20:17

Kǫ̀ta Mıletus nììtła ekò Ephesus gots'ǫ Nǫ̀htsı̨ wecheekeè gha k'aodèe gı̨ı̨lı̨ı̨ sìı gokàehɂà.

1 Corınth 15:32

Kǫ̀ta Ephesus ekǫ tıts'aàdìı wets'àhoejı̨ı̨ lanıı gık'aıhwho hǫt'e. Ekìı dǫ nàowoò zǫ gha aht'ı̨ nı̨dè t'asìı wı̨ı̨zìı dehnǫ nıìle. Dǫ ełaı̨dèe naìdà-le nı̨dè, “Satsǫ ełaàts'ede ha t'à dıì shèts'ıızhe xè ts'ııdǫ̀,” dehsı̨ ha ı̨lè.

1 Corınth 16:8

Dıì sìı dzędeè Pentecost gots'ǫ̀ kǫ̀ta Ephesus whıhda ha dehwhǫ,

Ephesus 1:1

Sı̨ Paul, Nǫ̀htsı̨ wedahxà Zezì-Krı wecheekeèdeè aht'e. Dıı enı̨htł'è kǫ̀ta Ephesus Nǫ̀htsı̨ wets'ǫ dǫ nàgedèe eyıts'ǫ Zezì-Krı ghǫ t'aats'ǫǫ̀ gınì nàtsoo sìı gıts'ǫ̀ eehtł'è hǫt'e.

Colosse 2:1

Naxıgha, kǫ̀ta Laodısıya dǫ nàgedèe sìı gıgha eyıts'ǫ dǫ xàè segıaɂı̨-le sìı gıgha daıhɂa. Dàı̨hcho ts'ǫ̀ naxıgha daıhɂaa sìı wek'èahsǫ ha dehwhǫ.

1 Tımothy 1:3

Macedonıa nèk'e nawhıhtła ekò kǫ̀ta Ephesus wheęda nèehsı̨ ı̨lè. Įłaà ekǫ wheęda ha dehwhǫ. Hanì-ı̨dè dǫ mǫ̀hdaa nàowo ekǫ-le t'à dǫ hoghàgogeehtǫǫ sìı haget'ı̨ ha-le gìı̨dı.

John Wenazhıı 1:17

Weehɂı̨ ekò wekè gà nàehkw'o, dǫ ełaı̨wo lahjà. Nàgòts'ehnèe ts'ǫ edılà sek'e ayı̨į̀là, hadı, “Dı̨ı̨jı̨-le. Sı̨ sìı yatı t'akwełǫ̀ǫ̀ wheɂǫǫ eyıts'ǫ yatı nǫǫde wheɂǫǫ aht'e.

John Wenazhıı 1:19

“Eyıt'à ayìı ghàı̨daa sìı dek'enìı̨tł'è. Dıì dàgode ha eyıts'ǫ ı̨daà dàgode ha sìı dek'enìı̨tł'è.

John Wenazhıı 1:2

John t'asìı hazǫǫ̀ yaɂı̨ı̨ sìı yeghǫ goı̨de. Nǫ̀htsı̨ weyatıì eyıts'ǫ Zezì wegodıì ghǫ goı̨de.

John Wenazhıı 1:20

Whǫ̀ łǫ̀hdı̨ nàgòts'ehnèe selatł'aà whelaa eyıts'ǫ ek'aèk'ǫchı̨į̀ łǫ̀hdı̨ sǫǫ̀mbaekwo t'à hòèlı̨ı̨ sìı dıı awèts'edı hǫt'e: Whǫ̀ łǫ̀hdı̨ sìı kǫ̀ta łǫ̀hdı̨ Nǫ̀htsı̨ wecheekeè nàgedèe sìı gıyak'eet'ı̨į̀ gha hǫt'e, eyıts'ǫ ek'aèk'ǫchı̨į̀ łǫ̀hdı̨ sìı kǫ̀ta łǫ̀hdı̨ Nǫ̀htsı̨ wecheekeè nàgedèe sìı gha hǫt'e.

John Wenazhıı 1:4

John, Asıa nèk'e kǫ̀ta łǫ̀hdı̨ yàgòlaa Nǫ̀htsı̨ wecheekeè nàgedèe sìı dıı godı gots'ǫ̀ ı̨ı̨tł'è: Nǫ̀htsı̨ whaà gots'ǫ wehòhɂǫ, dıì wehòhɂǫ, eyıts'ǫ welǫ whìle ts'ǫ̀ wehòhɂǫ ha sìı, eyıts'ǫ ı̨nì degaı łǫ̀hdı̨ Nǫ̀htsı̨ wenadąą̀ nàgeèhza sìı naxıxè sǫgı̨ı̨wǫ welè eyıts'ǫ naxıxè sìghà hòɂǫǫ̀ agııle.

John Wenazhıı 1:8

Gots'ǫ̀ K'àowo Nǫ̀htsı̨ dıı hadı hǫt'e: “Yatı t'akwełǫ̀ǫ̀ wheɂǫǫ aht'e eyıts'ǫ yatı nǫǫde wheɂǫǫ aht'e. Whaà gots'ǫ sehòhɂǫ, dıì sehòhɂǫ, eyıts'ǫ welǫ whìle ts'ǫ̀ sehòhɂǫ ha. T'asìı wı̨ı̨zìı segha dìì gǫ̀hłı̨ nıìle,” gots'ǫ̀ hadı.

John Wenazhıı 10:4

Eezhıı łǫ̀hdı̨ goı̨de kò ayìı dàgedıı sìı dek'enèehtł'è ha dehwhǫ ı̨lè, hanìkò yak'e gots'ǫ sets'ǫ̀ hats'edıì hǫt'e, “Eyı eezhıı łǫ̀hdı̨ dàgedıı sìı dǫ wı̨ı̨zìı ts'ǫ̀ haı̨dı-le eyıts'ǫ dek'enìı̨tł'è-le,” hasèts'edıì hǫt'e.

John Wenazhıı 14:13

Eyı tł'axǫǫ̀ yak'e gots'ǫ dıı hats'edıì hǫt'e: “Dıı dek'enìı̨tł'è: Jǫ gots'ǫ ı̨daà amìı gots'ǫ̀ K'àowo gıgha ehkw'ı adıı xè ełaàgedee sìı gıxè sìghà hǫt'e,” hats'edıì hǫt'e. Yedàyeh Nezı̨ı̨ hadı, “Hęɂę, hòtł'ò eghàlagı̨ı̨dà k'èxa k'èhogeèɂa ha eyıts'ǫ ayìı dàgı̨ı̨laa sìı t'aats'ǫǫ̀ gıxè whela ha,” hadı.

John Wenazhıı 19:9

Eyı tł'axǫǫ̀ yak'eet'ı̨į̀ sets'ǫ̀ hadı, “Dıı dek'enìı̨tł'è: ‘Amìı eyı sahzǫ̀ą honìdza wets'ǫ nàsı̨ nàgedè ha gıxayaetıı sìı gıxè sìghà hǫt'e,’ ” sets'ǫ̀ hadı. K'achı̨ sets'ǫ̀ hadı, “Dıı sìı xàè Nǫ̀htsı̨ weyatıì hǫt'e,” hadı.

John Wenazhıı 2:1

“Kǫ̀ta Ephesus Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ nàgòts'ehnèe whǫ̀ łǫ̀hdı̨ welatł'aà whela xè ek'aèk'ǫchı̨į̀ łǫ̀hdı̨ ta k'etłoo sìı dıı weyatıì hǫt'e:

John Wenazhıı 2:12

“Kǫ̀ta Pergamum Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ behcho wek'à į̀ła-ts'ǫ̀ dènıı wets'ǫ sìı eyı weyatıì hǫt'e.

John Wenazhıı 2:18

“Kǫ̀ta Thıyatıra Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Dıı yatı sìı Nǫ̀htsı̨ Weza weyatıì hǫt'e. Ededı̨ sìı wedaà kǫ̀ dèk'ǫ̀ǫ lanì eyıts'ǫ wekè satsǫ̀ dekwoo wek'e saı̨dı̨ lanì hǫt'e.

John Wenazhıı 2:24

Nǫ̀htsı̨ wecheekeè eyıì-le kǫ̀ta Thıyatıra nàgedèe sìı gıts'ǫ̀ yatı nèehɂà ha. Eyı ts'èko wek'ę̀ę̀ eghàlaahda-le eyıts'ǫ wehłı̨ı̨ wenàowoò weghàdeahtǫ-le. Dǫ mǫ̀hdaa eyı nàowo gıgha wet'àaɂà t'à dǫ gıghàdeetǫ ha gı̨ı̨wǫ. Naxı̨ eyı nàowo dahwhǫ-le sìı dıı yatı naxıghàehɂǫ, (weɂǫ̀ǫ̀ t'asìı naxıgha dezhìı sìı ts'ǫ̀ naxeehɂa ha-le):

John Wenazhıı 2:8

“Kǫ̀ta Smyrna Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Dıı yatı sìı amìı t'akwełǫ̀ǫ̀ elı̨ı̨ eyıts'ǫ nǫǫde elı̨ı̨ sìı weyatıì hǫt'e. Ełaı̨wo ı̨lè eyıts'ǫ k'achı̨ naìdà hǫt'e.

John Wenazhıı 21:5

Eyı daèhchı̨cho k'e whedaa sìı hadı, “T'asìı hazǫǫ̀ wegòò ahłe ha!” eyıts'ǫ sets'ǫ̀ hadı, “Eyı hazǫǫ̀ dek'enìı̨tł'è, dıı yatı sìı hotıì ehkw'ı hǫt'e eyıts'ǫ weghàà aahda ha hǫt'e.”

John Wenazhıı 22:10

Eyıts'ǫ hasèhdı, “Eyı enı̨htł'è k'e ayìı dek'eèhtł'èe sìı hòt'a whaà-le-t'ıì wek'ę̀ę̀ agode ha ne t'à dǫ ch'à wek'èı̨dì-le.

John Wenazhıı 22:16

“Sı̨ sìı Zezì aht'e. Nǫ̀htsı̨ wecheekeè dıı godı gıts'ǫ̀ anele gha sets'ǫ yak'eet'ı̨į̀ nets'ǫ̀ wııhɂà hǫt'e. K'àowocho Davıd wets'ıhɂǫ̀ǫ-dǫǫ̀ aht'e eyıts'ǫ Dzę Wegòò sìyeh,” Zezì hadı.

John Wenazhıı 3:1

“Kǫ̀ta Sardıs Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ Nǫ̀htsı̨ wets'ǫ ı̨nì degaı łǫ̀hdı̨ eyıts'ǫ whǫ̀ łǫ̀hdı̨ welatł'aà whelaa sìı dıı weyatıì hǫt'e: Dànì aahdaa sìı wek'èehsǫ, dǫ nezı̨į̀ aahda naxegı̨ı̨hwhǫ hanìkò dǫ ełaı̨dèe laaht'e.

John Wenazhıı 3:14

“Kǫ̀ta Laodısıya Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ ‘Amen’ wìyeh, t'aats'ǫǫ̀ ehkw'ı gode eyıts'ǫ Nǫ̀htsı̨ t'asìı hazǫǫ̀ whehtsı̨ ts'ǫ̀ K'àowo elı̨ı̨ sìı dıı weyatıì hǫt'e.

John Wenazhıı 3:4

“Hanìkò dǫ łǫ-lea kǫ̀ta Sardıs nàgedèe sìı hołı̨ı̨ t'à edegoht'ǫǫ̀ tsį̀gı̨ı̨hwho-le. Edegha hogeèhnǫ ne t'à goht'ǫ degoo t'à-aget'ı̨ xè sexè k'egedè ha.

John Wenazhıı 3:7

“Kǫ̀ta Phıladelphıa Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ degaı xè ehkw'ı elı̨ı̨ sìı dıı weyatıì hǫt'e. Ededı̨ sìı k'àowocho Davıd weladlì k'èdìı elı̨ hǫt'e. Ayìı ts'ǫdaà xàedee sìı dǫ wı̨ı̨zìı yedaede ha dìì hǫt'e, eyıts'ǫ ayìı yedaedee sìı dǫ wı̨ı̨zìı yets'ǫdaà xàede ha dìì hǫt'e.