John Wenazhıı 1:1 - Nǫ̀htsı̨ Nı̨htł'è

¹ Zezì-Krı edecheekeè ayìı ghàgı̨ı̨dà agǫ̀ǫ̀làa sìı dıı enı̨htł'è k'e dek'eèhtł'è hǫt'e. Nǫ̀htsı̨-Gotà ı̨daà dàgode ha sìı wegodıì Zezì ghàı̨ɂǫ hǫt'e. Zezì wecheekeè dıı godıì gık'èezǫ ha t'à, edeyak'eet'ı̨į̀ John ts'ǫ̀ ayį̀į̀là.

John Wenazhıı 1:1 ပူးပေါင်းရင်းမြစ်များ

John 12:49

Sı̨ ededahxà gohde nıìle, Setà sı̨ı̨hɂàa sìı ayìı dàehsı̨ ha sìı sets'ǫ̀ hadı, eyıts'ǫ dànì gohde ha sìı sets'ǫ̀ hadı.

John 15:15

Jǫ gots'ǫ ı̨daà segha eghàlaedaa-dǫǫ̀ naxèehsı̨ ha-le, k'àowo sìı dǫ yegha eghàlaedaa sìı t'asìı hazǫǫ̀ yedaadı nıìle t'à. Setà t'asìı hazǫǫ̀ sets'ǫ̀ hadıı sìı naxıts'ǫ̀ haehsı̨ t'à seàgı̨ą naxèehsı̨ hǫt'e.

John 17:8

Yatı seghàneeɂǫǫ sìı gıghàehɂǫ xè gıgha ehkw'ı-ahodı. Nets'ǫ aht'ı̨ hotıì sek'ègeezǫ, eyıts'ǫ nı̨ seneehɂàa sìı gıgha ehkw'ı-ahodı.

John 3:32

Ayìı ghàı̨dàa eyıts'ǫ ayìı eèhkw'ǫǫ sìı yeghǫ gode, hanìkò dǫ wı̨ı̨zìı ehkw'ı adı yı̨ı̨hwhǫ-le.

John 8:26

T'asìı łǫ ghǫ naxısınìyahtı ha dìì-le, hanìkò amìı sı̨ı̨hɂàa sìı weyatıì ehkw'ı hǫt'e. Dàsèhdıı sìı dǫ hazǫǫ̀ ts'ǫ̀ haehsı̨ hǫt'e,” Zezì gòhdı.

Galatıa 1:12

Eyı godı nezı̨ı̨ sìı dǫ wı̨ı̨zìı seghàyı̨ı̨ɂǫ nıìle, eyıts'ǫ dǫ wı̨ı̨zìı yeghǫ hoghàseèhtǫ nıìle. Zezì-Krı ededı̨ godı nezı̨ı̨ seghàı̨ɂǫ t'à, wenıehdì asį̀į̀là.

Ephesus 3:3

Eyı t'asìı deɂı̨į̀ wheɂǫ t'à wenıts'eedì-le sìı Nǫ̀htsı̨ wek'èehsǫǫ̀ asį̀į̀là. Eyı weghǫ hòt'a yatı łǫ-lea t'à naxıts'ǫ̀ ııhtł'è ı̨lè.

Tıtus 1:1

Sı̨ Paul Nǫ̀htsı̨-Gotà wegha eghàlaehda eyıts'ǫ Zezì-Krı wecheekeèdeè aht'e. Nǫ̀htsı̨-Gotà dǫ gòį̀hchìı sìı gıgha ehkw'ı-ahodı agehłe gha eyıts'ǫ nàowo ehkw'ıı wet'à Nǫ̀htsı̨ wek'ę̀ę̀ ts'eeda ha sìı gık'èhoezǫǫ̀ agehłe gha Zezì-Krı dǫ ts'ǫ̀ sı̨ı̨hɂà hǫt'e.

John Wenazhıı 1:19

“Eyıt'à ayìı ghàı̨daa sìı dek'enìı̨tł'è. Dıì dàgode ha eyıts'ǫ ı̨daà dàgode ha sìı dek'enìı̨tł'è.

John Wenazhıı 1:9

Sı̨ sìı nèot'ı̨ John aht'e. Naxıxèht'eè Zezì wedahxà ts'èwhı̨į̀ daehɂa, eyıts'ǫ naxıxèht'eè Nǫ̀htsı̨ wenàowoò k'ę̀ę̀ ehda. Nǫ̀htsı̨ weyatıì eyıts'ǫ Zezì wegodıì t'à gohde ts'ıhɂǫ̀ dıı dzęę̀ k'e dı Patmos gòyeh k'e whıhda hǫt'e.

John Wenazhıı 17:1

Yak'eet'ı̨į̀ łǫ̀hdı̨ kw'àyį̀ą łǫ̀hdı̨ k'egelee sìı ı̨łè segà nììtła, hadı, “Sek'èè ı̨ı̨tła. Ts'èkojıı tı łǫ k'e whedaa sìı dànì daı̨ɂaà awedle ha sìı weghàı̨daà anehłe ha.

John Wenazhıı 19:10

Yak'eet'ı̨į̀ hadı t'à wekè gà nàgòhge xè weghàsǫehdı ha là, yak'eet'ı̨į̀ sets'ǫ̀ hadı, “Hawı̨ı̨de-le! Nı̨ eyıts'ǫ nèot'ı̨ Zezì wegodıì ehkw'ı adı gı̨ı̨wǫǫ sìı naxıxèht'eè Nǫ̀htsı̨ wecheekeè aht'e. Nǫ̀htsı̨ weghàsǫedı! Nǫ̀htsı̨ wets'ǫ nakwenàoɂǫǫ hazǫǫ̀ sìı Zezì wegodıì zǫ t'à gogede hǫt'e,” sets'ǫ̀ hadı.

John Wenazhıı 19:9

Eyı tł'axǫǫ̀ yak'eet'ı̨į̀ sets'ǫ̀ hadı, “Dıı dek'enìı̨tł'è: ‘Amìı eyı sahzǫ̀ą honìdza wets'ǫ nàsı̨ nàgedè ha gıxayaetıı sìı gıxè sìghà hǫt'e,’ ” sets'ǫ̀ hadı. K'achı̨ sets'ǫ̀ hadı, “Dıı sìı xàè Nǫ̀htsı̨ weyatıì hǫt'e,” hadı.

John Wenazhıı 21:2

Yak'e gots'ǫ Kǫ̀godeè Degaı ı̨zhıì ajà wègaat'ı̨. Kǫ̀godeè wegòò Jerusalem, Nǫ̀htsı̨ gots'ǫ ı̨zhıì ajà. Ts'èko dǫzhìı xè honìda ha goht'ǫ wèdaat'ı̨ı̨ yìı wheda lanì eyı kǫ̀godeè wèdaat'ı̨.

John Wenazhıı 21:9

Yak'eet'ı̨į̀ łǫ̀hdı̨ kw'àyį̀ą yìı wet'à hoìla dagoòɂǫ dagıale ı̨lèe sìı k'achı̨ geehɂı̨. Yak'eet'ı̨į̀ ı̨łè sets'ǫ̀ ajà, hasèhdı, “Sek'èı̨tła. Eyı ts'èko sahzǫ̀ą xè honìda ha sìı weghàı̨daà anehłe ha,” sèhdı.

John Wenazhıı 22:1

Eyı tł'axǫǫ̀ yak'eet'ı̨į̀ deh nıɂàa ts'ǫ tı wet'à ts'eedaa sìı weghàehdaà asį̀į̀là. Eyı tı sìı eja lanì wenı̨ı̨dàà xègaat'ı̨ eyıts'ǫ Nǫ̀htsı̨ wedaèhchı̨cho gots'ǫ eyıts'ǫ Sahzǫ̀ą sı gots'ǫ tı nı̨ı̨lı̨ hǫt'e.

John Wenazhıı 22:16

“Sı̨ sìı Zezì aht'e. Nǫ̀htsı̨ wecheekeè dıı godı gıts'ǫ̀ anele gha sets'ǫ yak'eet'ı̨į̀ nets'ǫ̀ wııhɂà hǫt'e. K'àowocho Davıd wets'ıhɂǫ̀ǫ-dǫǫ̀ aht'e eyıts'ǫ Dzę Wegòò sìyeh,” Zezì hadı.

John Wenazhıı 22:6

Yak'eet'ı̨į̀ sets'ǫ̀ hadı, “Dıı yatı sìı hotıì ehkw'ı hǫt'e, eyıts'ǫ weghàà aahda ha hǫt'e. Nǫ̀htsı̨ sìı gots'ǫ̀ K'àowo hǫt'e, ededı̨ zǫ wedahxà nakwenàoɂǫǫ gogede hǫt'e. Whaà-le-t'ıì dàgode ha sìı wecheekeè gık'èezǫ ha nıwǫ t'à edeyak'eet'ı̨į̀ nets'ǫ̀ yı̨ı̨hɂà hǫt'e,” sèhdı.

John Wenazhıı 22:8

Sı̨ sìı John aht'e; eyı weehɂı̨ xè weèhkw'ǫ hǫt'e. T'asìı hazǫǫ̀ weehɂı̨ xè weèhkw'ǫ tł'axǫǫ̀ yak'eet'ı̨į̀ eyı hazǫǫ̀ weghàehdaà asį̀į̀làa sìı weghàsǫehdı ha wekè gà nàgòıhgè.

John Wenazhıı 22:9

Hanìkò sets'ǫ̀ hadı, “Hawı̨ı̨de-le! Nı̨ eyıts'ǫ nèot'ı̨ nakwenàoɂǫǫ gı̨ı̨lı̨ı̨ eyıts'ǫ dǫ hazǫǫ̀ dıı enı̨htł'è weyatıì gıgha ehkw'ı-ahodıı sìı naxıxèht'eè Nǫ̀htsı̨ gha eghàlaehda aht'e. Eyıt'à Nǫ̀htsı̨ zǫ weghàsǫı̨dı!” hasèhdı.

John Wenazhıı 4:1

Eyı tł'axǫǫ̀ ı̨dòo k'eeht'į̀ là senadąą̀ yak'e enìı̨tǫ enìxàı̨ke. Amìı t'akwełǫ̀ǫ̀ sets'ǫ̀ gode ı̨lèe sìı dechı̨shì dedı lanì k'achı̨ sets'ǫ̀ gode, hadı, “Įdaà dàgode ha sìı weghàı̨daà anehłe ha t'à, jǫ ts'ǫ̀ dekı̨į̀tła,” sèhdı.

John Wenazhıı 5:7

Eyı sahzǫ̀ą amìı daèhchı̨cho k'e whedaa sìı ts'ǫ̀ ehtła gà eyı enı̨htł'èyeè nàgòts'ehnèe ts'ǫ dayeɂaa sìı neyıìchì.