John 9:7 - Nǫ̀htsı̨ Nı̨htł'è

⁷ Zezì eyı dǫ ts'ǫ̀ hadı, “Sıloam tıa whehtǫǫ ekǫ nàątła gà nedaà k'enaı̨htse,” yèhdı. (“Sıloam” gedı nı̨dè “wets'ı̨ı̨hɂà” gedıì-agedı.) Eyıt'à eyı dǫ ekǫ nàhtła gà ededaà k'enaı̨htso. Edekǫ̀ ts'ǫ̀ naetłe ekò wegha xègoèht'į̀ ajà.

John 9:7 ပူးပေါင်းရင်းမြစ်များ

Matthew 11:5

Dǫ gıdaà goìlee sìı k'egeet'į̀, k'egedè-le sìı k'egedè, gıkwǫ̀ tàda t'à eyagı̨ı̨lı̨ı̨ sìı k'aàt'ıì agejà, gıdzıì goìlee sìı egeèhkw'ǫǫ̀ agejà, ełaàgı̨ı̨dèe sìı nagìdà eyıts'ǫ dǫ-teèt'ı̨ı̨ sìı godı nezı̨ı̨ egıìkw'o.

Luke 13:4

Eyıts'ǫ ı̨nę̀ę dàgòjàa sìı ghǫ nànıahdè. Sıloam gòyeh ekǫ dǫ hoònǫ-daats'ǫ̀-ek'èdı̨ gık'e kǫ̀ nechàa nàı̨tł'ı ı̨lè. Eyı dǫ ełaàgı̨ı̨dèe sìı Jerusalem got'ı̨į̀ hazǫǫ̀ gonahk'e hołı̨ı̨ hogèhtsı̨ t'à gıxè hagòjà dahwhǫ nì?

Luke 2:32

Dǫ hazǫǫ̀ Israel got'ı̨į̀ gı̨ı̨lı̨-le sìı gogha dzęh nı̨ı̨dı̨ı̨ elı̨ t'à gıgha xègaat'ı̨ ha eyıts'ǫ wets'ıhɂǫ̀ Israel got'ı̨į̀, nets'ǫ dǫ agı̨ı̨t'ee sìı, gıxè enıìyah hòɂǫ ha,” Sımeyon hadıì xàyaı̨htı.

John 10:36

Setà edegha dǫ į̀hchìı eyıts'ǫ dıı nèk'e ts'ǫ̀ ayį̀į̀làa sìı, dànì yıızı ha dahwhǫ? Eyıt'à ‘Nǫ̀htsı̨ Weza aht'e,’ dehsı̨ nı̨dè dànìghǫ Nǫ̀htsı̨ k'èch'a gohde sèahdı?

John 11:37

Hanìkò dǫ mǫ̀hdaa hagedı, “Dǫ gıdaà goìlee k'egeet'į̀ agǫ̀ǫ̀là, sǫnaà? Lazarus ełaàwı-le ayele ha ı̨lè,” gedı.

John 9:11

Gots'ǫ̀ hadı, “Dǫ Zezì gıìhdı, ehtł'è edewazeè ta ayį̀į̀là gà sedaà k'e ayį̀į̀là. Sıloam tıa whehtǫ ekǫ edek'enaı̨htse sèhdı. Ekǫ sedaà k'enaıhtso là segha xègoèht'į̀ agòjà,” gòhdı.

John 9:39

Zezì hadı, “Dıı nèk'e dǫ gısınìyaetı ha jǫ ts'ǫ̀ ahjà. Dǫ gıdaà goìlee sìı k'egeet'į̀ agede ha, eyıts'ǫ dǫ gıgha xègaat'ı̨ı̨ sìı gıdaà goìle agode ha,” gòhdı.

Rome 8:3

Moses wenàowoò gots'àdı ha dìì, goınìłı̨ı̨ ts'ıhɂǫ̀ gogha nàtso-le ajà t'à. Hanìkò Nǫ̀htsı̨ gots'àı̨dì hǫt'e. Xàè Edeza goxèht'eè hołı̨ı̨-hohtsı̨ı̨-dǫǫ̀ k'ę̀ę̀ wègaat'ı̨ı̨ sìı gohołı̨į̀ k'èxa ełaàwı ha gots'ǫ̀ ayį̀į̀là. Hanì hołı̨ı̨-hogehtsı̨ı̨-dǫǫ̀ gıhołı̨į̀ yesınìyaı̨htı hǫt'e.

Galatıa 4:4

Hanìkò Nǫ̀htsı̨ wegha deghàà nèhòkw'o ekò Edeza gots'ǫ̀ ayį̀į̀là, ts'èko ts'ǫ dǫ elı̨, eyıts'ǫ Moses wenàowoò tł'a wheda ı̨lè.