John 9:41 - Nǫ̀htsı̨ Nı̨htł'è

⁴¹ Zezì hadı, “Naxıdaà goìle nı̨dè naxıhołı̨į̀ whìle ha ı̨lè, hanìkò gogha xègaat'ı̨ dahdı t'à naxıhołı̨į̀ ı̨łaà naxık'e whela hǫt'e,” gòhdı.

John 9:41 ပူးပေါင်းရင်းမြစ်များ

Luke 12:47

“Eyı dǫ, wets'ǫ k'àowo dànıwǫ yek'èezǫ kò yınì k'ę̀ę̀ eghàlaeda-le xè yegha ts'atà wheda-le nı̨dè hòtł'ò nàweekwa ha hǫt'e.

Luke 18:14

“Ehkw'ı anaxèehsı̨, eyı sǫǫ̀mba-nàhtsį̀ı̨-dǫǫ̀ edekǫ̀ ts'ǫ̀ naèhtła kwe Nǫ̀htsı̨ nadąą̀ ehkw'ı awììdlà hǫt'e. Ekò Pharısee wexè hagòjà-le. Dǫ wet'àaɂàa edeewǫǫ sìı į̀į̀zhaelı̨į̀ awedle ha, eyıts'ǫ dǫ k'èeweèt'ı̨ lanì edaa sìı wet'àaɂà awedle ha,” Zezì gòhdı.

Hebrew 10:26

Nàowo ehkw'ıı wek'èts'eezǫǫ̀ agòìdlà kò k'èdaà hołı̨ı̨ hots'ehtsı̨ ha ts'ı̨ı̨wǫ nı̨dè, gohołı̨į̀ k'èxa t'asìı Nǫ̀htsı̨ ghàts'eɂà ha sìı gǫ̀hłı̨-le agode ha,

James 4:17

Amìı ehkw'ı eghàlaeda ha yek'èezǫ kò yek'ę̀ę̀ eghàlaeda-le nı̨dè hołı̨ı̨ hoehtsı̨ hǫt'e.