John 9:39 - Nǫ̀htsı̨ Nı̨htł'è

³⁹ Zezì hadı, “Dıı nèk'e dǫ gısınìyaetı ha jǫ ts'ǫ̀ ahjà. Dǫ gıdaà goìlee sìı k'egeet'į̀ agede ha, eyıts'ǫ dǫ gıgha xègaat'ı̨ı̨ sìı gıdaà goìle agode ha,” gòhdı.

John 9:39 ပူးပေါင်းရင်းမြစ်များ

Matthew 11:5

Dǫ gıdaà goìlee sìı k'egeet'į̀, k'egedè-le sìı k'egedè, gıkwǫ̀ tàda t'à eyagı̨ı̨lı̨ı̨ sìı k'aàt'ıì agejà, gıdzıì goìlee sìı egeèhkw'ǫǫ̀ agejà, ełaàgı̨ı̨dèe sìı nagìdà eyıts'ǫ dǫ-teèt'ı̨ı̨ sìı godı nezı̨ı̨ egıìkw'o.

Matthew 15:14

Gıts'ǫnıahɂà-le. K'enaxegehɂı̨ ha gı̨ı̨wǫ, hanìkò gıdaà goìlee lagı̨ı̨t'e. Dǫ gıdaà goìlee sìı k'ełegeehɂı̨ nı̨dè į̀łah dèè yìı gǫǫ̀ɂàa goyìı geetł'ì ha,” Zezì hagòhdı.

Matthew 6:23

Ekò naxıdaà nezı̨-le nı̨dè naxızhį̀į̀ hazǫǫ̀ gha togoòtł'ò ha hǫt'e. Naxıdzeè yìı togoòtł'ò nı̨dè sıì naxıxè togoòtł'ò agǫ̀ht'e.

Luke 1:79

Dǫ togoòtł'òo nàgedèe sìı eyıts'ǫ ełaàgede ha sìı gık'e dzęh lagode ha. Edı̨į̀ ts'èwhı̨į̀ goòɂàa sìı ts'ǫ̀ agole ha,” Zecharıah hadıì xàyaı̨tı.

Luke 13:30

Hęɂę, dǫ nǫǫde gı̨ı̨lı̨ı̨ sìı t'akwe geèhkw'e ha, eyıts'ǫ dǫ t'akwe gı̨ı̨lı̨ı̨ sìı nǫǫde geèhkw'e ha,” Zezì gòhdı.

Luke 2:34

Sımeyon gok'eèyaı̨htı tł'axǫǫ̀ wemǫ Mary ts'ǫ̀ hadı, “Dıı chekoa wet'à Israel got'ı̨į̀ łǫ gıdıhołè ha eyıts'ǫ dǫ łǫ edaxàgole gha, dıı chekoa wììchı hǫt'e. Dǫ nadąą̀ t'asìı enıìyah elı̨ ha, hanìkò dǫ gık'èch'a agedı ha.

Luke 4:18

“Gots'ǫ̀ K'àowo wets'ǫ Yedàyeh Nezı̨ı̨ sek'e ajà, dǫ etegeèt'ı̨ı̨ sìı godı nezı̨ı̨ gıts'ǫ̀ nèehɂà ha sį̀į̀hchì hǫt'e. Dǫ gıdanìı̨laa sìı dànì xàgeedè agede ha, dǫ gıdaà goìlee sìı dànì k'egeet'į̀ agede ha, eyıts'ǫ dǫ gıxè hoìlaa sìı dànì edaxàgeedè ha ghǫ gıts'ǫ̀ gohde ha. Nǫ̀htsı̨ dǫ ts'ǫ̀ sǫnıwǫǫ sìı dǫ ts'ǫ̀ haehsı̨ ha sı̨ı̨hɂà hǫt'e,” hanì dek'eèhtł'èe sìı yek'eyaı̨htı.

Luke 7:21

Nègı̨ı̨de ekìıyeè k'e Zezì dǫ łǫ tàda gıts'ǫǫ eyıts'ǫ ı̨nìłı̨ı̨ gıts'ǫ̀-èlı̨ı̨ sìı k'aàt'ıì agǫ̀ǫ̀là, eyıts'ǫ gıdaà goìlee sìı gıdaà gǫ̀hłı̨į̀ agǫ̀ǫ̀là.

John 12:31

Hòt'a dǫ hazǫǫ̀ gısınìyaetı ha nìkw'o; hòt'a dıı nèk'e k'àowo elı̨ı̨ sìı xàwedeezhı ha.

John 12:46

Dzęh lanıı dıı nèk'e ts'ǫ̀ ahjà, amìı wegha ehkw'ı aehsı̨ı̨ sìı wexè togoòtł'òo ha nıìle.

John 3:17

Nǫ̀htsı̨ dǫ xè hoìla hòèhtsı̨ gha, edeza dıı nèk'e ts'ǫ̀ ayı̨į̀là nıìle, hanìkò ededı̨ wet'à dǫ edaxàgole gha ayı̨į̀là.

John 3:19

Dıı hanì hòɂǫ ts'ıhɂǫ̀ Nǫ̀htsı̨ dǫ sınìyaehtı hǫt'e: Dzęh dıı nèk'e ts'ǫ̀ ajà, hanìkò dǫ nàowołı̨ı̨ k'ę̀ę̀ eghàlageeda ts'ıhɂǫ̀ to gıgha denahk'e nezı̨.

John 8:12

Zezì k'achı̨ dǫ ts'ǫ̀ hadı, “Dıı nèk'e dǫ hazǫǫ̀ gıgha dzęh nı̨ı̨dı̨ı̨ aht'e. Amìı sexè at'ı̨ı̨ sìı wexè togoòtł'ò ha-le, dzęh wet'à ts'eedaa wexè hòɂǫ hǫt'e,” gòhdı.

John 8:15

Naxı̨ sìı dǫ nàowoò k'ę̀ę̀ dǫ gısınìyaahtı hǫt'e, hanìkò sı̨ sìı dǫ wı̨ı̨zìı wesınìyahtı nıìle.

John 9:25

Dǫ hadı, “Hołı̨ı̨-hohtsı̨ı̨-dǫǫ̀ elı̨, elı̨-le wek'èehsǫ-le. Dıı zǫ wek'èehsǫ: Sedaà goìle ı̨lè hanìkò dıì segha xègaat'ı̨į̀ agòjà!” gòhdı.

2 Corınth 2:16

Dǫ edaxàgeedèe sìı gıt'à eda gha t'asìı łekǫǫ łedìı lats'ı̨ı̨t'e, hanìkò dǫ gıdıhołèe sìı gıt'à ełaàde gha t'asìı wejıı łedìı lats'ı̨ı̨t'e. Amìı la hadeèzhì yeghàlaeda ha yexèht'eè?

Ephesus 5:14

Eyı dzęę̀ sìı wet'à t'asìı hazǫǫ̀ wègaat'ı̨ at'į̀ hǫt'e. Eyıt'à dıı hanì dek'eèhtł'è, “Nı̨ wheętı̨ı̨ sìı ts'enewı, naìdà anede, hanì-ı̨dè Zezì-Krı dzęh nek'e nı̨ı̨dı̨į̀ ayele ha,” dek'eèhtł'è.

2 Thessalonıca 2:10

Dǫ gıdıhołè ha sìı hołı̨ı̨ nàowoò hazǫǫ̀ xàɂaa t'à goghǫyaeɂà ha. Nàowo ehkw'ıı ghǫnegeètǫ-le xè edaxàgeeze ha gı̨ı̨wǫ-le t'à gıdıhołè ha.

1 Peter 2:9

Hanìkò naxı̨ sìı naxììchì hǫt'e, Nǫ̀htsı̨ wedahxà yahtıı aaht'e, Nǫ̀htsı̨ wets'ǫ aaht'e eyıts'ǫ dǫ degaı aaht'e. Eyı ts'ıhɂǫ̀ Nǫ̀htsı̨ ghàsǫahdı; ededı̨ sìı togoòtł'òo yìı gots'ǫ dzęh nı̨ı̨dı̨ı̨ ts'ǫ̀ naxıkayaı̨htı hǫt'e.

1 John 2:11

Ekò amìı edèot'ı̨ dzaı̨hwhǫǫ sìı wexè togoòtł'ò hǫt'e, eyıts'ǫ togoòtł'òo k'eda. Edı̨į̀ k'edaa sìı yek'èezǫ-le, togoòtł'òo t'à wegha xègaat'ı̨-le.