John 9:34 - Nǫ̀htsı̨ Nı̨htł'è

³⁴ Hadı t'à gıts'ǫ̀ hadı, “Negǫ̀hłı̨ gots'ǫ hołı̨ı̨-hohtsı̨ı̨-dǫǫ̀ anet'e, hoghàgoı̨htǫ ha neewǫ nì?” gıìhdı tł'axǫǫ̀ xàdegeèzhì.

John 9:34 ပူးပေါင်းရင်းမြစ်များ

Dànì Kèhoį̀wo 19:9

Hanìkò “Ets'èɂǫ̀ǫ̀ aąde,” gıìhdı eyıts'ǫ ełets'ǫ̀ hagedı, “Dıı dǫ jǫ ts'ǫ̀ ajà ekò xàhtǫ ı̨lè, hanìkò dıì sìı gosınìyaehtıı-dǫǫ̀ k'ę̀ę̀ k'ehoɂa ha nıwǫ! Eyı dǫ nàke gınahk'e ekǫ-le nets'ǫ̀ eghàlats'eeda ha ne,” Lot gıìhdı. K'èdaà geehchı xè enìı̨tǫ nàgeezhì ha k'ehogeɂa.

Luke 11:45

Nǫ̀htsı̨-yatıì-k'èdìı-dǫǫ̀ ı̨łè Zezì ts'ǫ̀ hadı, “K'àowo, Pharısee gı̨ı̨lı̨ı̨ sìı hanì gıghǫ goı̨de nı̨dè goxı̨ sı gok'adaı̨wo aı̨dı hǫt'e,” yèhdı.

Luke 14:11

Dǫ wet'àaɂàa edeewǫǫ sìı į̀į̀zhaelı̨į̀ awedle ha, eyıts'ǫ amìı k'èeweèt'ı̨ k'ę̀ę̀ edaa sìı wet'àaɂà awedle ha,” Zezì hadıì dǫ xè godo.

Luke 18:17

Ehkw'ı anaxèehsı̨, amìı chekoa lanì Nǫ̀htsı̨ Wenàowoò k'ę̀ę̀ hòɂǫǫ edegha yį̀į̀hchì lenǫsıı, ekǫ goyaetła ha nıìle,” Zezì gòhdı.

Luke 6:22

Dǫ-wet'àaɂàa-deè wets'ıhɂǫ̀, dǫ naxıdzagı̨ı̨hwhǫ nı̨dè, naxıdę gı̨ı̨wǫ nı̨dè naxık'adageedè nı̨dè, naxızì jıı gehtsı̨ nı̨dè, naxıxè sìghà hǫt'e.

John 6:37

Setà dǫ hazǫǫ̀ seghàı̨laa sìı sets'ǫ̀ agede ha, amìı sets'ǫ̀ at'ı̨ı̨ sìı naweehɂà hǫı̨lı̨ ha-le.

John 8:41

Naxı̨ naxıtà dànì eghàlaedaa sìı wek'ę̀ę̀ eghàlaahda hǫt'e,” Zezì gòhdı. “Tsı̨hkǫ gǫǫza ats'ı̨ı̨t'e nıìle. Nǫ̀htsı̨ ededı̨ zǫ gotà hǫt'e ne,” gıìhdı.

John 9:2

Wecheekeè dageehke, “K'àowo, amìı wehołı̨į̀ k'èxa dıı dǫ wedaà goìlee wegǫ̀hłı̨, ededı̨ hanì-le-ı̨dè wetà eyıts'ǫ wemǫ?” gıìhdı.

John 9:22

Dǫ wèot'ı̨ Israel got'ı̨į̀ gha k'aodèe ts'àgeejı̨ t'à agedı. Israel got'ı̨į̀ gha k'aodèe dıı hagedı ı̨lè, “Amìı, ‘Zezì, Chrıst hǫt'e,’ hadıı sìı ełèts'ehdèe-kǫ̀ at'ı̨ ha-le,” gedıì yatıì gèhtsı̨ ı̨lè.

John 9:35

Ełègehdèe-kǫ̀ gots'ǫ xàgeèhxà Zezì yeghǫ ıìkw'o, k'achı̨ yaɂı̨ ekò hayèhdı, “Dǫ-wet'àaɂàa-deè negha ehkw'ı adı nì?” yèhdı.

John 9:40

Pharısee gı̨ı̨lı̨ı̨ mǫ̀hdaa Zezì gà nàgeèhzaa sìı hadıì gıìkw'o t'à Zezì dageehke, “Goxı̨ sı godaà goìle nı̨ı̨dıì nì-aı̨dı?” gıìhdı.

1 Corınth 5:13

Dǫ Nǫ̀htsı̨ wecheekeè agı̨ı̨t'e-le sìı Nǫ̀htsı̨ gosınìyaehtı ha hǫt'e. Dek'eèhtł'è k'ę̀ę̀: “Eyı dǫ wejıı sìı naxıta gots'ǫ xàgıahɂà,” dek'eèhtł'è.

Galatıa 2:15

“Goxı̨ gogǫ̀hłı̨ t'à Israel got'ı̨į̀ ats'ı̨ı̨t'e, ‘dǫ eładı̨ı̨ hołı̨ı̨ k'ę̀ę̀ geedaa sìı’ gıta gots'ǫ dǫ ats'ı̨ı̨t'e nıìle.

Ephesus 2:3

Goxı̨ sı hołı̨ı̨ k'ę̀ę̀ ts'eedaà ekò gıxèts'ı̨ht'e ı̨lè. Hołı̨ı̨ ghats'eewı eyıts'ǫ gonìłı̨ı̨ t'à dàts'ı̨ı̨wǫǫ sìı k'èats'ı̨ı̨t'e ı̨lè. Dǫ hazǫǫ̀ gıxèht'eè gonìłı̨ı̨ k'èxa nàgoehkwa ha gogha hòɂǫ ı̨lè.

1 Peter 5:5

Naxı̨ cheko yàahłı̨ı̨ sìı dǫzhìı ǫhdaà gık'èaht'e. Hazǫǫ̀ ełets'ǫ̀ k'èeweèt'ı̨ k'ę̀ę̀ aahda, dıı hanì dek'eèhtł'è t'à: “Nǫ̀htsı̨ dǫ xàhodìı sìı ts'ǫ̀ wınì-le hǫt'e, hanìkò amìı k'èeweèt'ı̨ı̨ elı̨ı̨ sìı ts'ǫ̀ sǫnıwǫ hǫt'e,” hanì dek'eèhtł'è.

3 John 1:10

Eyıt'à naxıts'ǫ̀ nèehtła nı̨dè dànì k'ehoɂa xè yatıjıı t'à goghǫ godee sìı ghǫ naxıts'ǫ̀ gohde ha. Hanì k'ehoɂa wegha hòt'a-le t'à, gots'ǫ dǫ ekǫ aget'ı̨ ha goı̨hwhǫ-le. Dǫ hagı̨ı̨wǫǫ sìı haget'ı̨ ha-le gòhdı xè Nǫ̀htsı̨ wecheekeè gıta gots'ǫ nagoèhɂà.

3 John 1:9

Nǫ̀htsı̨ wecheekeè ekǫ geèhkw'ee sìı gıts'ǫ̀ ııhtł'è ı̨lè, hanìkò Dıotrephes, ededı̨ k'àowo edeetsı̨ wegha nezı̨ t'à goèhkw'ǫ ha nıwǫ-le.

John Wenazhıı 13:17

Eyı tıcho yìı gots'ǫ tıts'aàdìı nechàa wekwì łǫ̀hdı̨ wıızì hanì-le-ı̨dè wets'ǫ ıtàa gık'e dek'eèhtł'è lenǫsıı dǫ wı̨ı̨zìı t'asìı nàehdì ha dìì, eyıts'ǫ t'asìı gıghǫ nàedì ha dìì.