John 9:3 - Nǫ̀htsı̨ Nı̨htł'è

³ Zezì gots'ǫ̀ hadı, “Dıı dǫ hołı̨ı̨ hòèhtsı̨ t'à ajà nıìle, eyıts'ǫ wèot'ı̨ hołı̨ı̨ hogèhtsı̨ t'à hajà nıìle. Nǫ̀htsı̨ naxıdaà eyı dǫ gha enıìyah hohtsı̨ ha nıwǫ t'à, ajà hǫt'e.

John 9:3 ပူးပေါင်းရင်းမြစ်များ

Matthew 11:5

Dǫ gıdaà goìlee sìı k'egeet'į̀, k'egedè-le sìı k'egedè, gıkwǫ̀ tàda t'à eyagı̨ı̨lı̨ı̨ sìı k'aàt'ıì agejà, gıdzıì goìlee sìı egeèhkw'ǫǫ̀ agejà, ełaàgı̨ı̨dèe sìı nagìdà eyıts'ǫ dǫ-teèt'ı̨ı̨ sìı godı nezı̨ı̨ egıìkw'o.

John 11:4

Zezì yeghǫ ıìkw'o ekò hadı, “Eyı tàda t'à ełaàwı ha nıìle, hanìkò eyı ts'ıhɂǫ̀ Nǫ̀htsı̨ weghàsǫhoedı ha eyıts'ǫ Nǫ̀htsı̨ Weza sı weghàsǫhoedı ha hǫt'e,” gòhdı.

John 11:40

Zezì yets'ǫ̀ hadı, “Negha ehkw'ı-ahodı nı̨dè Nǫ̀htsı̨ enıìyah t'à nàtsoo elı̨ı̨ sìı neɂį̀ anehłe ha, nèehsı̨ ı̨lè,” yèhdı.

Zezì Wecheekeèdeè 28:4

Eyı dı k'e dǫ nàgedèe sìı Paul wılà k'e gòo nàhǫaɂò gıaɂı̨ ekò ełets'ǫ̀ hagedı, “Eyı dǫ eweèt'ı̨ ne sǫnı. Tı t'à ełaı̨wo-le kò gonǫ̀htsı̨ ı̨łè Justıce wìyeh sìı eda ha yı̨ı̨hwhǫ-le,” gedı.

Zezì Wecheekeèdeè 4:21

K'aodèe k'èagı̨ı̨t'e-le nı̨dè hoìla agogele ha gògedı tł'axǫǫ̀ nagogeèhɂà. Dǫ hazǫǫ̀ enıìyah nàhòwo ghǫ Nǫ̀htsı̨ ghàsǫgeedı t'à, dànì hoìla agogele ha sìı k'aodèe gık'èezǫ-le.

1 John 4:16

Eyıt'à Nǫ̀htsı̨ goghǫneètǫ hotıì wek'èts'eezǫ, eyıts'ǫ gogha ehkw'ı-ahodı. Nǫ̀htsı̨ sìı ełeghǫnets'eètǫǫ elı̨ hǫt'e. Amìı ełeghǫnets'eètǫǫ k'ę̀ę̀ edaa sìı Nǫ̀htsı̨ yedzeè yìı nàdè hǫt'e, eyıts'ǫ ededı̨ sı Nǫ̀htsı̨ xè nàdè hǫt'e.

1 John 4:9

Nǫ̀htsı̨ dàı̨hcho ts'ǫ̀ goghǫneètǫǫ sìı dıı weghàà wek'èts'eezǫǫ̀ agǫ̀ǫ̀là: Weza wet'ǫ̀ǫ̀ ts'eeda ha goı̨hwhǫ t'à, Edeza ı̨łàet'ee zǫ dıı nèk'e ts'ǫ̀ ayį̀į̀là.