John 9:17 - Nǫ̀htsı̨ Nı̨htł'è

¹⁷ K'achı̨ ı̨łàà eyı dǫ dageehke, “Nı̨ nedaà k'aàt'ıì ayį̀į̀là ne t'à eyı dǫ sìı weghǫ dàı̨dı?” gıìhdı. Dǫ gots'ǫ̀ hadı, “Eyı dǫ nakwenàoɂǫǫ hǫt'e,” gòhdı.

John 9:17 ပူးပေါင်းရင်းမြစ်များ

Matthew 21:11

Dǫ Zezì k'èè k'egedèe sìı hagedı, “Dıı dǫ Zezì hǫt'e. Galılee nèk'e kǫ̀ta Nazareth gots'ǫ nakwenàoɂǫǫ hǫt'e,” gedı.

Luke 24:19

“Dàgòjà?” Zezì yèhdı. Eyıt'à gıts'ǫ̀ hadı, “Zezì, Nazareth got'ı̨į̀, wexè dànàhòwoo sìı eyı weghǫ,” gedı, “Eyı dǫ sìı nakwenàoɂǫǫ deè ı̨lè. Nǫ̀htsı̨ gha sìghà eghàlaı̨dà eyıts'ǫ dǫ hazǫǫ̀ gınadąą̀ weyatıì nàtsoo xè enıìyah deè eghàlaı̨dà.

John 4:19

Ts'èko hadı, “K'àowo, nakwenàoɂǫǫ anet'e nǫǫ̀.

John 6:14

Zezì dıı hanì dǫ gha enıìyah hòèhtsı̨ gıaɂı̨ t'à dǫ ełets'ǫ̀ hagedı, “Nakwenàoɂǫǫ deè dıı nèk'e nììtła ha ı̨lèe sìı eyı at'ı̨ sǫnı,” gedı.

John 9:15

Pharısee gı̨ı̨lı̨ı̨ sìı eyı dǫ dageehke, “Dànì nedaà k'aàt'ıì ajà?” gıìhdı. Dǫ gots'ǫ̀ hadı, “Ehtł'è sedaà k'e ayį̀į̀là, sedaà k'enaıhtso, eyıts'ǫ dıì segha xègaat'ı̨į̀ agòjà,” gòhdı.

Zezì Wecheekeèdeè 2:22

“Israel got'ı̨į̀ yàahłı̨ı̨ sìı seàhkw'ǫ: Nǫ̀htsı̨ sìı, Nazareth got'ı̨į̀ Zezì naxıts'ǫ̀ yı̨ı̨hɂà hǫt'e, enıìyah łǫ hòèhtsı̨ı̨ eyı weghàà wek'èahsǫ hǫt'e. Nǫ̀htsı̨ yet'à hanì naxıta eghàlaı̨dà, naxı̨ kò wek'èahsǫ hǫt'e.