John 8:58 - Nǫ̀htsı̨ Nı̨htł'è

⁵⁸ Zezì gots'ǫ̀ hadı, “Ehkw'ı anaxèehsı̨, Abraham wegǫ̀hłı̨ kwe gots'ǫ aht'e,” gòhdı.

John 8:58 ပူးပေါင်းရင်းမြစ်များ

John 10:25

Zezì gots'ǫ̀ hadı, “Hanaxèehsı̨ ı̨lè hanìkò naxıgha ehkw'ı aehsı̨-le. Setà wedahxà enıìyah eghàlaehdaa sìı eyı weghàà sek'èahsǫ ha ı̨lè.

John 17:24

“Setà, dǫ hazǫǫ̀ seghàneelaa sìı t'aats'ǫǫ̀ sexè agı̨ı̨t'e ha dehwhǫ, eyıts'ǫ sexè enıìyah hòɂǫ anelàa sìı geɂį̀ ha dehwhǫ. Dıı nèè hòèlı̨ kwe seghǫneètǫ t'à sexè enıìyah hòɂǫ anelà ı̨lè.

John 17:5

Setà, dıı nèè hòèlı̨ kwe nexè seghàsǫhoedı ı̨lè xèht'eè nexè seghàsǫhoedı ası̨ı̨le.

John 8:24

Naxıhołı̨į̀ xè ełaahde ha naxèehsı̨ ı̨lè. Amìı aht'e naxèehsı̨ı̨ sìı naxıgha ehkw'ı aehsı̨-le nı̨dè naxıhołı̨į̀ xè ełaahde ha hǫt'e,” Zezì gòhdı.

John 8:28

Eyıt'à Zezì gots'ǫ̀ hadı, “Dǫ-wet'àaɂàa-deè ı̨dòo dexewıìtsò awèahłà nı̨dè, amìı aht'e naxèehsı̨ı̨ sìı k'ǫǫ̀t'a wek'èahsǫ ha. Sı̨ sedahxà t'asìı ghàlaehda nıìle, Setà ayìı hoghàseèhtǫǫ sìı eyı zǫ t'à gohde hǫt'e.

John 8:34

Zezì gots'ǫ̀ hadı, “Ehkw'ı anaxèehsı̨, amìı hołı̨ı̨ hohtsı̨ı̨ sìı hołı̨ı̨ yets'ǫ̀ k'àowo hǫt'e.

John 8:51

Ehkw'ı anaxèehsı̨, amìı seyatıì k'èdìı sìı ełaàwı ha nıìle,” Zezì gòhdı.

Colosse 1:17

Ededı̨ sìı t'asìı hazǫǫ̀ hòèlı̨ kwe gots'ǫ hǫt'e, eyıts'ǫ wets'ıhɂǫ̀ t'asìı hazǫǫ̀ yàłııtǫ̀ hǫt'e.

Hebrew 13:8

Zezì-Krı ı̨nę̀ę dànì wexè gòı̨ɂàa sìı dıı dzęę̀ k'e hanì wexè hòɂǫ eyıts'ǫ welǫ whìle ts'ǫ̀ hanì wexè hòɂǫ ha hǫt'e.

John Wenazhıı 1:11

dıı hats'edıì hǫt'e: “Nenazhıı dàgot'ı̨ı̨ sìı enı̨htł'è k'e dek'enìı̨tł'è gà kǫ̀ta łǫ̀hdı̨ Nǫ̀htsı̨ wecheekeè nàgedèe sìı gıts'ǫ̀ anele. Dıı kǫ̀ta łǫ̀hdı̨ hǫt'e: Ephesus, Smyrna, Pergamum, Thıyatıra, Sardıs, Phıladelphıa eyıts'ǫ Laodısıya,” hats'edıì hǫt'e.

John Wenazhıı 1:8

Gots'ǫ̀ K'àowo Nǫ̀htsı̨ dıı hadı hǫt'e: “Yatı t'akwełǫ̀ǫ̀ wheɂǫǫ aht'e eyıts'ǫ yatı nǫǫde wheɂǫǫ aht'e. Whaà gots'ǫ sehòhɂǫ, dıì sehòhɂǫ, eyıts'ǫ welǫ whìle ts'ǫ̀ sehòhɂǫ ha. T'asìı wı̨ı̨zìı segha dìì gǫ̀hłı̨ nıìle,” gots'ǫ̀ hadı.

John Wenazhıı 2:8

“Kǫ̀ta Smyrna Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Dıı yatı sìı amìı t'akwełǫ̀ǫ̀ elı̨ı̨ eyıts'ǫ nǫǫde elı̨ı̨ sìı weyatıì hǫt'e. Ełaı̨wo ı̨lè eyıts'ǫ k'achı̨ naìdà hǫt'e.