John 8:36 - Nǫ̀htsı̨ Nı̨htł'è

³⁶ Eyıt'à Nǫ̀htsı̨ Weza sìı t'asìı naxıts'ǫ̀ k'àowo-le anaxį̀į̀là nı̨dè hòt'ałǫ̀ǫ̀ t'asìı wı̨ı̨zìı naxıts'ǫ̀ k'àowo ha nıìle.

John 8:36 ပူးပေါင်းရင်းမြစ်များ

Luke 4:18

“Gots'ǫ̀ K'àowo wets'ǫ Yedàyeh Nezı̨ı̨ sek'e ajà, dǫ etegeèt'ı̨ı̨ sìı godı nezı̨ı̨ gıts'ǫ̀ nèehɂà ha sį̀į̀hchì hǫt'e. Dǫ gıdanìı̨laa sìı dànì xàgeedè agede ha, dǫ gıdaà goìlee sìı dànì k'egeet'į̀ agede ha, eyıts'ǫ dǫ gıxè hoìlaa sìı dànì edaxàgeedè ha ghǫ gıts'ǫ̀ gohde ha. Nǫ̀htsı̨ dǫ ts'ǫ̀ sǫnıwǫǫ sìı dǫ ts'ǫ̀ haehsı̨ ha sı̨ı̨hɂà hǫt'e,” hanì dek'eèhtł'èe sìı yek'eyaı̨htı.

Rome 8:2

Zezì-Krı wedahxà Yedàyeh Nezı̨ı̨ wet'à ts'eedaa sìı hołı̨ı̨-nàowoò eyıts'ǫ ełaàts'ewıı nàowoò ch'à edaxàgohtè hǫt'e.

1 Corınth 7:22

Dǫ Nǫ̀htsı̨ yekayaı̨htı kwe wets'ǫ̀ k'àowo gǫ̀hłı̨ nı̨dè gots'ǫ̀ K'àowo Zezì gha edets'ǫ̀ k'àowo elı̨į̀ ajà hǫt'e. Eyı xèht'eè dǫ Nǫ̀htsı̨ yekayaı̨htı ekò edets'ǫ̀ k'àowo elı̨ ı̨lèe sìı Zezì-Krı yets'ǫ̀ K'àowo elı̨į̀ ajà hǫt'e.

2 Corınth 3:17

Gots'ǫ̀ K'àowo Įnì Degaı hǫt'e, eyıts'ǫ edı̨į̀ gots'ǫ̀ K'àowo wets'ǫ Įnì Degaı wehòhɂǫǫ sìı dǫ k'ahogedè agììdlà hǫt'e.

Galatıa 5:1

Zezì-Krı t'asìı wı̨ı̨zìı t'à dagoetł'ı̨ ha-le nıwǫ t'à edaxàgoı̨la hǫt'e. Eyıt'à naxınì nàtsoò aahłe, k'achı̨ dıı nek'e ts'ǫ t'asìı wı̨ı̨zìı naxıts'ǫ̀ k'àowo welè-le, eyı wet'à edegha hoìla hoahtsı̨-le.