John 8:34 - Nǫ̀htsı̨ Nı̨htł'è

³⁴ Zezì gots'ǫ̀ hadı, “Ehkw'ı anaxèehsı̨, amìı hołı̨ı̨ hohtsı̨ı̨ sìı hołı̨ı̨ yets'ǫ̀ k'àowo hǫt'e.

John 8:34 ပူးပေါင်းရင်းမြစ်များ

Matthew 5:18

Ehkw'ı anaxèehsı̨, yak'e eyıts'ǫ dıı nèk'e whìle agode gots'ǫ̀ gıyatıì nechà-lea ı̨łàet'ee kò wedę ha nıìle. T'asìı hazǫǫ̀ dek'enègı̨ı̨tł'èe sìı wek'ę̀ę̀ agode gots'ǫ̀, yatı wı̨ı̨zìı wedę adle ha-le.

John 3:3

Zezì yets'ǫ̀ hadı, “Ehkw'ı anèehsı̨, dǫ wı̨ı̨zìı k'achı̨ wegǫ̀hłı̨ lenǫsıı Nǫ̀htsı̨ Wenàowoò k'ę̀ę̀ hòɂǫ yek'èezǫ ha dìì,” yèhdı.

Zezì Wecheekeèdeè 8:23

Sıì goghǫ ts'ohoı̨dı xè hołı̨ı̨ nets'ǫ̀ k'àowo,” Peter yèhdı.

Rome 6:12

Eyıt'à naxınìłı̨ı̨ t'anıwǫ k'ę̀ę̀ aahda-le. Naxızhį̀į̀ ełaàwı ha sìı hołı̨ı̨ yets'ǫ̀ k'àowo welè-le.

Rome 6:16

Dǫ naxıts'ǫ̀ k'àhowo ha weghàdèahtè nı̨dè wek'èaht'e ha hǫt'e, wek'èhoahsǫ-le nì? Hołı̨ı̨ dahwhǫǫ sìı naxıts'ǫ̀ k'àhowo nı̨dè wet'à ełaahde ha. Hanìkò Nǫ̀htsı̨ k'èaht'e nı̨dè wet'à ehkw'ı aahda ha hǫt'e.

Rome 6:6

Įnę̀ę dǫ dàhòt'ı̨ı̨ ts'ı̨ı̨lèe sìı Zezì-Krı xè dechı̨et'aa k'e wedıìtsò hǫt'e. Hanì-ı̨dè gonìłı̨ı̨ sìı wedıhołè adle ha, eyıts'ǫ hołı̨ı̨ gots'ǫ̀ k'àhowo ha-le.

Rome 7:14

Moses wenàowoò sìı degaı-deè hǫt'e wek'èts'eezǫ, hanìkò goxı̨ sìı degaı-deè ats'ı̨ı̨t'e nıìle, hołı̨ı̨ gots'ǫ̀ k'àhowo t'à.

Rome 7:25

Nǫ̀htsı̨ masì weehwhǫ, gots'ǫ̀ K'àowo Zezì-Krı wet'ǫ̀ǫ̀ edaxàseetè ha hǫt'e! Eyıt'à sedzeè yìı Nǫ̀htsı̨ wenàowoò sets'ǫ̀ k'àhowo hǫt'e, hanìkò sınìłı̨ı̨ ts'ıhɂǫ̀ hołı̨ı̨-nàowoò sets'ǫ̀ k'àhowo hǫt'e.

Rome 8:21

Hanìkò ı̨daà nı̨dè Nǫ̀htsı̨ t'asìı hazǫǫ̀ tsį̀wı ch'à edaxàyele ha hǫt'e. Nǫ̀htsı̨ weza agı̨ı̨t'ee sìı k'achı̨ hołı̨ı̨ gots'ǫ̀ k'àowo ha-le, t'asìı hazǫǫ̀ hòèlı̨ı̨ sìı gıxè whela ha eyıts'ǫ enıìyah xè sìghà geeda ha.

Ephesus 2:2

Hołı̨ı̨ nàowoò k'ę̀ę̀ aahda ı̨lè, eyıts'ǫ dıı nèk'e hołı̨ı̨-hogehtsı̨ı̨-dǫǫ̀ gık'ę̀ę̀ aahda ı̨lè, eyıts'ǫ ı̨nìłı̨ı̨ yat'a ts'ǫ̀ k'àowo elı̨ı̨ sìı wek'èaht'e ı̨lè. Eyı ı̨nìłı̨ı̨ sìı dǫ Nǫ̀htsı̨ k'èagı̨ı̨t'e-le sìı dıì gıgha k'àowo elı̨ hǫt'e.

Tıtus 3:3

Įnę̀ę sìı goxı̨ sı gots'ı̨ı̨zǫ-le ı̨lè, ek'èats'ı̨ı̨t'e-le ı̨lè, goghǫyageeɂà eyıts'ǫ gonàowołı̨ı̨ k'ę̀ę̀ zǫ ts'eeda ı̨lè. T'aats'ǫǫ̀ hołı̨ı̨ hots'ehtsı̨ xè ełeghǫ ts'ohots'eedı ı̨lè. Dǫ dzats'ı̨ı̨hwhǫ eyıts'ǫ dǫ godzagı̨ı̨hwhǫ hanì ts'eeda ı̨lè.

2 Peter 2:19

“T'asìı naxıts'ǫ̀ k'ahowo ha nıìle,” gògedı kò ededı̨ hołı̨ı̨ nàowoò gıts'ǫ̀ k'ahowo. T'asìı dǫ daèt'èe sìı yegha k'àowo elı̨ hǫt'e.