John 8:31 - Nǫ̀htsı̨ Nı̨htł'è

³¹ Israel got'ı̨į̀ gogha ehkw'ı adıı sìı Zezì gots'ǫ̀ hadı, “Seyatıì k'èahdì nı̨dè xàè secheekeè aaht'e.

John 8:31 ပူးပေါင်းရင်းမြစ်များ

Matthew 24:13

Hanìkò amìı nǫǫde ts'ǫ̀ wegha ehkw'ı-ahodıı sìı edaxàeda ha.

John 1:47

Zezì, Nathanael naetłe yaɂı̨ ekò yets'ǫ̀ hadı, “Dıı dǫ Israel got'ı̨į̀ wedeèdlı̨ı̨ elı̨ hǫt'e, eyıts'ǫ eghǫyats'eeɂàa wı̨ı̨zìı wets'ǫ̀-èlı̨-le,” Zezì yeghǫ hadı.

John 2:2

Zezì eyıts'ǫ wecheekeè sı gokàgehɂà ı̨lè.

John 6:55

Sezhį̀į̀ sìı weghǫ shèts'etı̨ wedeèdlı̨ hǫt'e, eyıts'ǫ sedoò sìı wet'à ts'eedaa wedeèdlı̨ hǫt'e.

John 8:36

Eyıt'à Nǫ̀htsı̨ Weza sìı t'asìı naxıts'ǫ̀ k'àowo-le anaxį̀į̀là nı̨dè hòt'ałǫ̀ǫ̀ t'asìı wı̨ı̨zìı naxıts'ǫ̀ k'àowo ha nıìle.

Zezì Wecheekeèdeè 13:43

Ełegeèhdì ghǫnahǫ̀t'e ekò Israel got'ı̨į̀ łǫ eyıts'ǫ dǫ eyıì-le xàɂaa Israel got'ı̨į̀ gınàowoò k'ę̀ę̀ agejàa sìı Paul eyıts'ǫ Barnabas k'èè geède. Nǫ̀htsı̨ edesǫnıwǫǫ̀ goghàı̨ɂǫǫ sìı k'ę̀ę̀ aahda dǫ ts'ǫ̀ hagedı.

Zezì Wecheekeèdeè 14:22

Ekǫ Nǫ̀htsı̨ wecheekeè gınì nàtsoò agogele ha gots'ǫ̀ gogı̨ı̨de, hagògedı, “Hoìla łǫ gotehoowıı daats'ǫ̀ Nǫ̀htsı̨ Wenàowoò k'ę̀ę̀ hòɂǫǫ goyats'eedè hǫt'e,” gògedı.

Zezì Wecheekeèdeè 26:22

Hanìkò dıı dzęę̀ ts'ǫ̀ Nǫ̀htsı̨ sets'àı̨dì hǫt'e, eyıt'à jǫ nàhwho gà dǫ hazǫǫ̀ wet'àaɂàa eyıts'ǫ wet'àaɂà-le į̀łah gıts'ǫ̀ gohde. Moses eyıts'ǫ nakwenàoɂǫǫ ayìı dàgode ha gedı ı̨lèe sìı k'èch'a gohde nıìle.

Rome 11:22

Eyıt'à Nǫ̀htsı̨ weghǫ nanıahdè; ededı̨ sìı wèhoedı-le eyıts'ǫ wedzeè sǫnıwǫ. Dǫ gıgha ehkw'ı-ahodı-le sìı gots'ǫ̀ wèhoedı-le, hanìkò naxıts'ǫ̀ wedzeè sǫnıwǫ hǫt'e. T'aats'ǫǫ̀ wegha naxınì nàtsoò aahwhǫ nı̨dè naxıts'ǫ̀ wedzeè sǫnıwǫ ha. Ekò haaht'e-le nı̨dè eyı kw'ıhchı̨į̀ lanì naxık'ıızhì ha hǫt'e.

Rome 2:7

Dǫ t'aats'ǫǫ̀ Nǫ̀htsı̨ gha nezı̨į̀ k'ehogeɂaa sìı gıxè enıìyah hòɂǫ ha, Nǫ̀htsı̨ goghǫ sìghà anıwǫ ha, eyıts'ǫ welǫ whìle ts'ǫ̀ geeda gha aget'ı̨ hǫt'e. Hanıı dǫ sìı Nǫ̀htsı̨ welǫ whìle ts'ǫ̀ geedaà agole ha hǫt'e.

Colosse 1:23

Eyıt'à Nǫ̀htsı̨ gha naxınì nàtsoò aahwhǫ nı̨dè, weghǫ naaht'è-le nı̨dè, eyıts'ǫ godı nezı̨ı̨ sìı naxıgha ehkw'ı-ahodı nı̨dè naxıxè sìghà ha hǫt'e. Eyı godı nezı̨ı̨ sìı naxıts'ǫ̀ hats'edı hǫt'e eyıts'ǫ dıı nèk'e dǫ hazǫǫ̀ eyı t'à hoghàgıts'eèhtǫ hǫt'e. Sı̨ Paul eyı godı nezı̨ı̨ zǫ gha eghàlaehda hǫt'e.

1 Tımothy 2:15

Hanìkò ts'èko gızaa gǫ̀hłı̨ t'à dagı̨ı̨ɂa xè t'aats'ǫǫ̀ gıgha ehkw'ı-ahodı nı̨dè, dǫ ghǫnegeètǫ nı̨dè, degaı nàowoò k'ę̀ę̀ geeda nı̨dè, eyıts'ǫ edeghǫ xàdahogedì-le nı̨dè, edaxàgeedè ha hǫt'e.

1 Tımothy 4:16

Eyıt'à dànì ı̨daa eyıts'ǫ ayìı dǫ hoghàı̨htǫǫ sìı t'à hotıì edexonehdı. Nàowo ehkw'ıı t'aats'ǫǫ̀ netǫ̀. Hanì ı̨da nı̨dè edaxàdı̨ı̨tè ha, eyıts'ǫ dǫ negeèhkw'ǫǫ sı edaxàgı̨ı̨le ha.

2 Tımothy 3:14

Hanìkò nı̨ sìı ayìı hoghàneètǫ eyıts'ǫ ayìı negha ehkw'ı-ahodıı sìı wek'ę̀ę̀ ı̨da, dǫ eyı hazǫǫ̀ hoghànegeèhtǫǫ sìı gık'èı̨zǫ t'à.

Hebrew 3:14

T'akwełǫ̀ǫ̀ dànì hotıì gogha ehkw'ı-ahodıı sìı nǫǫde ts'ǫ̀ ts'ıtǫ̀ nı̨dè, Zezì-Krı wexè ı̨łè lats'ı̨ı̨t'e hǫt'e.

Hebrew 8:9

Įnę̀ę gıcho Egypt nèk'e gots'ǫ xàgeehwha ekò gıxè nakenawhehtsı̨ ı̨lè eyı xèht'eè ha nıìle. Gıxè nakenawhehtsı̨ı̨ sìı t'aats'ǫǫ̀ gık'ę̀ę̀ eda-le t'à, gıxè aht'ı̨-le ahjà.

James 1:25

Nàowo wedeèdlı̨ı̨ sìı hołı̨ı̨ gots'ǫ̀ k'àowo-le ayehɂı̨ hǫt'e. Ayìı nezı̨į̀ ts'ıìkw'oo sìı t'aats'ǫǫ̀ wenats'edì xè wek'ę̀ę̀ eghàlats'eeda nı̨dè goxè sìghà hǫt'e.

1 John 2:19

Gota gots'ǫ xàgeède, hanìkò xàè gots'ǫ agı̨ı̨t'e nıìle. Gots'ǫ agı̨ı̨t'e nı̨dè ı̨łaà goxè geèhkw'e ha ı̨lè, hanìkò gots'ǫǫ̀ xàgeède t'à xàè gots'ǫ agı̨ı̨t'e-le wek'èts'eezǫ.

1 John 2:24

Kèhots'ı̨į̀hwho gots'ǫ ayìı aàhkw'oo sìı t'aats'ǫǫ̀ naxıdzeè yìı wek'èahdì. Wek'èahdì nı̨dè t'aats'ǫǫ̀ Nǫ̀htsı̨ Weza eyıts'ǫ Wetà xè aaht'e ha hǫt'e.

2 John 1:9

Amìı Zezì nakweè ts'ıɂǫ̀ tı̨mǫeda xè Zezì wegodıì hoghàweètǫǫ sìı yek'èdì-le nı̨dè Nǫ̀htsı̨ yexè at'ı̨ nıìle. Ekò amìı t'aats'ǫǫ̀ Zezì wegodıì k'èdìı sìı Nǫ̀htsı̨-Gotà eyıts'ǫ Weza wexè agı̨ı̨t'e hǫt'e.