27 Edetà ghǫ gots'ǫ̀ godeè-adıı sìı gınıedì-le.
T'asìı łǫ ghǫ naxısınìyahtı ha dìì-le, hanìkò amìı sı̨ı̨hɂàa sìı weyatıì ehkw'ı hǫt'e. Dàsèhdıı sìı dǫ hazǫǫ̀ ts'ǫ̀ haehsı̨ hǫt'e,” Zezì gòhdı.
Eyıt'à Zezì gots'ǫ̀ hadı, “Dǫ-wet'àaɂàa-deè ı̨dòo dexewıìtsò awèahłà nı̨dè, amìı aht'e naxèehsı̨ı̨ sìı k'ǫǫ̀t'a wek'èahsǫ ha. Sı̨ sedahxà t'asìı ghàlaehda nıìle, Setà ayìı hoghàseèhtǫǫ sìı eyı zǫ t'à gohde hǫt'e.
Dànìghǫ seyatıì wenıahdì-le? Ayìı dàehsı̨ı̨ sìı aàhkw'o ha naxıgha dìì t'à hǫt'e.
Amìı Nǫ̀htsı̨ wets'ǫ dǫ elı̨ı̨ sìı Nǫ̀htsı̨ dàdıı sìı yeèhkw'ǫ hǫt'e. Nǫ̀htsı̨ wets'ǫ dǫ aaht'e nıìle t'à weàhkw'ǫ nıìle,” Zezì gòhdı.
