John 8:26 - Nǫ̀htsı̨ Nı̨htł'è

²⁶ T'asìı łǫ ghǫ naxısınìyahtı ha dìì-le, hanìkò amìı sı̨ı̨hɂàa sìı weyatıì ehkw'ı hǫt'e. Dàsèhdıı sìı dǫ hazǫǫ̀ ts'ǫ̀ haehsı̨ hǫt'e,” Zezì gòhdı.

John 8:26 ပူးပေါင်းရင်းမြစ်များ

John 15:15

Jǫ gots'ǫ ı̨daà segha eghàlaedaa-dǫǫ̀ naxèehsı̨ ha-le, k'àowo sìı dǫ yegha eghàlaedaa sìı t'asìı hazǫǫ̀ yedaadı nıìle t'à. Setà t'asìı hazǫǫ̀ sets'ǫ̀ hadıı sìı naxıts'ǫ̀ haehsı̨ t'à seàgı̨ą naxèehsı̨ hǫt'e.

John 16:12

“Įłaà t'asìı łǫ naxıts'ǫ̀ haehsı̨ ha dehwhǫ, hanìkò dıì eyı gha naxınì nàtso-le.

John 17:8

Yatı seghàneeɂǫǫ sìı gıghàehɂǫ xè gıgha ehkw'ı-ahodı. Nets'ǫ aht'ı̨ hotıì sek'ègeezǫ, eyıts'ǫ nı̨ seneehɂàa sìı gıgha ehkw'ı-ahodı.

John 18:20

Zezì yets'ǫ̀ hadı, “Dǫ hazǫǫ̀ gıdaà goıhde ı̨lè. Ełègehdèe-kǫ̀ eyıts'ǫ Nǫ̀htsı̨kǫ̀-gocho gà Israel got'ı̨į̀ ełègehdèe sìı t'aats'ǫǫ̀ ekǫ zǫ goıhde ı̨lè t'à dǫ naàhtǫ wı̨ı̨zìı xàyaehtı whìle.

John 3:11

Ehkw'ı anèehsı̨, t'asìı k'èts'eezǫ eyıts'ǫ t'asìı wets'aɂı̨ı̨ sìı weghàà gots'ede hǫt'e, hanìkò naxı̨ dǫ xàɂaa yàahłı̨ı̨ sìı ehkw'ı ats'edı goahwhǫ-le.

John 7:16

Zezì gots'ǫ̀ hadı, “Sı̨ sedahxà dǫ hoghàehtǫ nıìle. Amìı sı̨ı̨hɂàa sìı wedahxà dǫ hoghàehtǫ hǫt'e.

John 7:28

Zezì ı̨łaà Nǫ̀htsı̨kǫ̀-gocho gà dǫ ts'ǫ̀ godeè ekò dǫnı ts'ǫ̀ hòtł'ò hadı, “Hęɂę, sek'èahsǫ, eyıts'ǫ edı̨į̀ gots'ǫ aht'ı̨ı̨ sìı wek'èahsǫ hǫt'e. Sı̨ sedahxà jǫ whıhda nıìle. Amìı sı̨ı̨hɂàa sìı ededı̨ sìı ehkw'ı hǫt'e. Naxı̨ wek'èahsǫ nıìle,

John 8:25

“Amìı anet'e?” gıìhdı. “Amìı aht'ee sìı hòt'a edeghǫ goıhde ı̨lè.

John 8:27

Edetà ghǫ gots'ǫ̀ godeè-adıı sìı gınıedì-le.

John 8:40

Hanìkò Nǫ̀htsı̨ dàsèhdıı sìı eyı naxıts'ǫ̀ ehkw'ı xàyaehtı t'à ełaàsèahwhı ha dahwhǫ. Abraham hanì eghàlaı̨dà whìle.

2 Corınth 1:18

Hanìkò Nǫ̀htsı̨ edeyatıì k'èdì k'ę̀ę̀ godı nezı̨ı̨ naxıghàts'ı̨ı̨ɂǫǫ sìı ehkw'ı hǫt'e, eyı ghǫ ı̨hk'è “Hęɂę” eyıts'ǫ ı̨hk'è “Į̀le” ts'edı nıìle.