John 8:24 - Nǫ̀htsı̨ Nı̨htł'è

²⁴ Naxıhołı̨į̀ xè ełaahde ha naxèehsı̨ ı̨lè. Amìı aht'e naxèehsı̨ı̨ sìı naxıgha ehkw'ı aehsı̨-le nı̨dè naxıhołı̨į̀ xè ełaahde ha hǫt'e,” Zezì gòhdı.

John 8:24 ပူးပေါင်းရင်းမြစ်များ

Matthew 24:5

Dǫ łǫ sıızì t'à-aget'ı̨ xè ‘Chrıst aht'e,’ gedı ha eyıts'ǫ dǫ łǫ ghǫyageeɂà t'à gogha ehkw'ı agedı ha.

Mark 13:6

Dǫ łǫ sıızì t'à-aget'ı̨ xè ‘Chrıst aht'e,’ gedı ha eyıts'ǫ dǫ łǫ ghǫyageeɂà t'à gogha ehkw'ı agedı ha.

Mark 16:16

Amìı wegha ehkw'ı-ahodı xè wek'ètaìdzǫǫ sìı edaxàweetè ha, hanìkò amìı wegha ehkw'ı-ahodı-le sìı wegha hoìla ha.

Luke 21:8

Zezì gots'ǫ̀ hadı, “Hotıì kexoahdı, naxıghǫyagııɂà sǫ̀ǫ̀. Dǫ łǫ sıızì t'à-aget'ı̨ xè ‘Chrıst aht'e,’ gedı ha eyıts'ǫ ‘Hòt'a eyı dzęę̀ ts'ǫ̀ whaà-le agòjà,’ gedı ha. Gıahkw'ǫ-le.

John 13:19

“Eyı hagode kwe sìı dıì-t'ıì naxıts'ǫ̀ haehsı̨ hǫt'e. Eyı nèhòı̨wo nı̨dè amìı aht'e dehsı̨ı̨ sìı naxıgha ehkw'ı-ahodı ha hǫt'e.

John 3:18

Amìı ehkw'ı adı yı̨ı̨hwhǫǫ sìı hoìla awedle ha-le, hanìkò amìı ehkw'ı adı yı̨ı̨hwhǫ-le sìı hòt'a wesınìyaetı hǫt'e, Nǫ̀htsı̨ Weza ı̨łàet'ee sìı wegha ehkw'ı-ahodı-le t'à.

John 3:36

Amìı Nǫ̀htsı̨ Weza ehkw'ı adı yı̨ı̨hwhǫǫ sìı welǫ whìle ts'ǫ̀ eda ha. Amìı Weza nıwǫ-le sìı welǫ whìle ts'ǫ̀ eda ha-le, Nǫ̀htsı̨ hoìla yeghàhòɂà ha sìı wedawheɂǫ hǫt'e,” John-Baptıst edecheekeè gòhdı.

John 4:26

Eyıt'à Zezì yets'ǫ̀ hadı, “Sı̨, nets'ǫ̀ gohdee sìı eyı aht'e,” yèhdı.

John 8:21

K'achı̨ Zezì gots'ǫ̀ hadı, “T'asį̀ı̨ ahde ha eyıts'ǫ sekak'eaht'į̀ ha. Hanìkò naxıhołı̨į̀ xè ełaahde ha hǫt'e. Edı̨į̀ ts'ǫ̀ aht'ı̨ı̨ sìı ekǫ aahde ha dìì,” Zezì gòhdı.

John 8:25

“Amìı anet'e?” gıìhdı. “Amìı aht'ee sìı hòt'a edeghǫ goıhde ı̨lè.

John 8:28

Eyıt'à Zezì gots'ǫ̀ hadı, “Dǫ-wet'àaɂàa-deè ı̨dòo dexewıìtsò awèahłà nı̨dè, amìı aht'e naxèehsı̨ı̨ sìı k'ǫǫ̀t'a wek'èahsǫ ha. Sı̨ sedahxà t'asìı ghàlaehda nıìle, Setà ayìı hoghàseèhtǫǫ sìı eyı zǫ t'à gohde hǫt'e.

John 8:58

Zezì gots'ǫ̀ hadı, “Ehkw'ı anaxèehsı̨, Abraham wegǫ̀hłı̨ kwe gots'ǫ aht'e,” gòhdı.

Zezì Wecheekeèdeè 4:12

Ededı̨ zǫ edaxàgole ha hǫt'e. Dıı nèk'e dǫ wı̨ı̨zìı wet'à edaxàts'eedè ha gǫ̀hłı̨ nıìle,” Peter gòhdı.

Hebrew 12:25

Nǫ̀htsı̨ naxıts'ǫ̀ gode nı̨dè wets'ǫ̀ naxıdzıì goìle welè sǫ̀ǫ̀. Nǫ̀htsı̨ dıı nèk'e Israel got'ı̨į̀ gots'ǫ̀ goı̨de ekò egeèhkw'ǫ-le t'à nàgoı̨hkwa ı̨lè. Ekò goxı̨ sìı yak'e gots'ǫ Nǫ̀htsı̨ gots'ǫ̀ gode kò wets'eèhkw'ǫ-le nı̨dè denahk'e hòtł'ò nàgoehkwa ha hǫt'e.

Hebrew 2:3

Eyıt'à Nǫ̀htsı̨ enıìyah k'ę̀ę̀ edaxàgolee sìı wedę ats'ı̨ı̨là nı̨dè nàgoehkwa ch'à kwı̨ts'eehdè ha honàedı nıìle. Edaxàgole ha sìı gots'ǫ̀ K'àowo t'akwełǫ̀ǫ̀ yeghǫ goı̨de ı̨lè, eyıts'ǫ dǫ gı̨į̀hkw'ǫ̀ǫ sìı ededı̨ sı gots'ǫ̀ hagedı.