John 8:21 - Nǫ̀htsı̨ Nı̨htł'è

²¹ K'achı̨ Zezì gots'ǫ̀ hadı, “T'asį̀ı̨ ahde ha eyıts'ǫ sekak'eaht'į̀ ha. Hanìkò naxıhołı̨į̀ xè ełaahde ha hǫt'e. Edı̨į̀ ts'ǫ̀ aht'ı̨ı̨ sìı ekǫ aahde ha dìì,” Zezì gòhdı.

John 8:21 ပူးပေါင်းရင်းမြစ်များ

Matthew 23:39

K'achı̨ seahɂį̀ ha nıìle. ‘Gots'ǫ̀ K'àowo wedahxà nììtłaa sìı wexè sìghà hǫt'e,’ sèahdı gots'ǫ̀ k'achı̨ seahɂį̀ ha-le,” Zezì gòhdı.

Matthew 25:41

“Eyı tł'axǫǫ̀-ı̨dè k'àowocho dǫ gots'ı̨hts'ǫ nàgeèhzaa sìı gots'ǫ̀ hadı ha, ‘Sets'ǫǫ̀ naahdè, naxıxè hoìla hòɂǫ ha hǫt'e. Welǫ whìle ts'ǫ̀ kǫ̀ dèk'ǫ̀ǫ wehłı̨ı̨ eyıts'ǫ weyak'eet'ı̨į̀ gıdagòɂǫǫ sìı ts'ǫ̀ aahde.

Matthew 25:46

“Eyı dǫ gots'ı̨hts'ǫ nàgeèhzaa sìı welǫ whìle ts'ǫ̀ dagı̨ı̨ɂa ha, hanìkò amìı ehkw'ı edaa sìı welǫ whìle ts'ǫ̀ eda ha,” Zezì hadıì goxè godo.

John 12:33

Dànì ełaàwı ha sìı dǫ yek'èezǫ ha nıwǫ t'à, adı.

John 12:35

Zezì edeghǫ gots'ǫ̀ hadı, “Įłaà whaà-lea gots'ǫ̀ dzęh naxıxè wheɂǫ ha. To agode kwe, ı̨łaà naxıxè dzęh et'ıì k'eahdè. Dǫ togoòtł'òo k'edaa sìı edı̨į̀ ts'ǫ̀ at'ı̨ı̨ sìı yek'èezǫ nıìle.

John 13:33

“Secheekeè, ı̨łaà whaà-lea gots'ǫ̀ naxıxè whıhda ha. Sekak'eaht'į̀ ha, k'aodèe gıts'ǫ̀ haehsı̨ ı̨lè xèht'eè dıì naxıts'ǫ̀ haehsı̨ ha. Edı̨į̀ ts'ǫ̀ aht'ı̨ı̨ sìı sek'èè aahde ha dìì.

John 7:34

Sekak'eaht'į̀ ha, hanìkò segòahɂà ha-le, eyıts'ǫ edı̨į̀ whıhdaa sìı ekǫ ts'ǫ̀ aahde ha dìì,” Zezì gòhdı.

John 7:36

Dıı hadıı sìı dàdıì-adı, ‘Sekak'eaht'į̀ ha, hanìkò segòahɂà ha-le,’ eyıts'ǫ ‘Edı̨į̀ whıhdaa sìı ekǫ aahde ha dìì,’ eyı dàdıì-adı?” gedı.

John 8:24

Naxıhołı̨į̀ xè ełaahde ha naxèehsı̨ ı̨lè. Amìı aht'e naxèehsı̨ı̨ sìı naxıgha ehkw'ı aehsı̨-le nı̨dè naxıhołı̨į̀ xè ełaahde ha hǫt'e,” Zezì gòhdı.

Ephesus 2:1

Naxı̨ sìı naxıhołı̨į̀ ts'ıhɂǫ̀ dǫ ełaı̨dèe laaht'e ı̨lè.