John 8:14 - Nǫ̀htsı̨ Nı̨htł'è

¹⁴ Zezì gots'ǫ̀ hadı, “Sı̨ edegha gohde kò, dàehsı̨ı̨ sìı ıtà hǫt'e, edı̨į̀ gots'ǫ aht'ı̨ eyıts'ǫ edı̨į̀ ts'ǫ̀ ahde ha wek'èehsǫ t'à. Hanìkò naxı̨ sìı edı̨į̀ gots'ǫ aht'ı̨ eyıts'ǫ edı̨į̀ ts'ǫ̀ ahde ha sìı wek'èahsǫ nıìle.

John 8:14 ပူးပေါင်းရင်းမြစ်များ

John 10:15

Eyı xèht'eè Setà sek'èezǫ, eyıts'ǫ Setà wek'èehsǫ hǫt'e, eyıts'ǫ sesahzǫ̀ą gıgha ełaehwhı ha.

John 10:36

Setà edegha dǫ į̀hchìı eyıts'ǫ dıı nèk'e ts'ǫ̀ ayį̀į̀làa sìı, dànì yıızı ha dahwhǫ? Eyıt'à ‘Nǫ̀htsı̨ Weza aht'e,’ dehsı̨ nı̨dè dànìghǫ Nǫ̀htsı̨ k'èch'a gohde sèahdı?

John 13:3

Zezì, Wetà t'asìı hazǫǫ̀ ts'ǫ̀ k'àowo ayį̀į̀là, yek'èezǫ. Nǫ̀htsı̨ gots'ǫ at'ı̨ eyıts'ǫ Nǫ̀htsı̨ ts'ǫ̀ anade ha edek'èezǫ.

John 14:10

Setà xè ı̨łè zǫ aht'e, eyıts'ǫ Setà sexè ı̨łè zǫ hǫt'e, eyı naxıgha ehkw'ı-ahodı-le nì? Yatı t'à naxıts'ǫ̀ gohdee sìı xàè seyatıì zǫ nıìle. Setà sedzeè yìı nàdèe sìı ededı̨ edılaà ghàlaeda hǫt'e.

John 16:28

Setà gots'ǫ dıı nèk'e ts'ǫ̀ ahjà. Hòt'a dıı nèè gots'ǫǫ̀ anahde ha, Setà wets'ǫ̀ anahde ha,” Zezì gòhdı.

John 17:8

Yatı seghàneeɂǫǫ sìı gıghàehɂǫ xè gıgha ehkw'ı-ahodı. Nets'ǫ aht'ı̨ hotıì sek'ègeezǫ, eyıts'ǫ nı̨ seneehɂàa sìı gıgha ehkw'ı-ahodı.

John 18:37

K'àowo Pılate hadı, “Eyıt'à k'àowocho anet'e nǫǫ̀!” Zezì yets'ǫ̀ hadı, “K'àowocho aht'e nı̨ı̨dıı sìı ehkw'ı hǫt'e. Nàowo ehkw'ıı ghǫ gohde ha t'à dıı nèk'e segǫ̀hłı̨ hǫt'e. Dǫ hazǫǫ̀ nàowo ehkw'ıı gı̨ı̨wǫǫ sìı segeèhkw'ǫ hǫt'e,” yèhdı.

John 5:31

“Sı̨ edeghǫ xàyahtı nı̨dè seyatıì ıtà ha nıìle.

John 8:42

Zezì gots'ǫ̀ hadı, “Nǫ̀htsı̨ naxıtà elı̨ nı̨dè seghǫnıahtǫ ha ı̨lè. Nǫ̀htsı̨ gots'ǫ aht'ı̨ eyıts'ǫ dıì jǫ whıhda hǫt'e. Sı̨ sedahxà jǫ ts'ǫ̀ ahjà nıìle, Nǫ̀htsı̨ jǫ ts'ǫ̀ sı̨ı̨hɂà hǫt'e.

2 Corınth 11:31

Nǫ̀htsı̨, gots'ǫ̀ K'àowo Zezì Wetà, welǫ whìle ts'ǫ̀ weghàsǫts'eedıı sìı hohts'ì gohde nıìle yek'èezǫ hǫt'e.

2 Corınth 12:11

Ezhı̨ne edèwhıhtsı̨ hanìkò naxı̨ asèahłà hǫt'e. T'asìı aht'e-le sǫnı kò seghǫ nezı̨į̀ goahde ha ı̨lè. Eyı “Nǫ̀htsı̨ deɂǫ̀ǫ̀ wecheekeèdeè,” gìahdıı sìı gık'aɂį̀ aht'e nıìle.

2 Corınth 12:19

Dıı haı̨wa gots'ǫ̀ edek'edats'eedıì ats'edı dahwhǫ ı̨lè nì? Zezì-Krı wexè ats'ı̨ı̨t'e k'ę̀ę̀ Nǫ̀htsı̨ wenadąą̀ edeghǫ gots'ede hǫt'e. Goàgı̨ą, t'asìı hazǫǫ̀ hats'ehɂı̨ı̨ sìı wet'à naxınì nàtsoò ade gha ats'et'ı̨ hǫt'e.

John Wenazhıı 1:5

Eyıts'ǫ Zezì-Krı naxıxè sǫnıwǫ welè eyıts'ǫ naxıxè sìghà hòɂǫ welè. Ededı̨ sìı t'aats'ǫǫ̀ ehkw'ı gode hǫt'e. Ededı̨ t'akwełǫ̀ǫ̀ naìdàa elı̨ eyıts'ǫ dıı nèk'e k'àowocho hazǫǫ̀ gogha k'àowodeè elı̨ hǫt'e. Goghǫneètǫ ts'ıhɂǫ̀ wedoò xàı̨tł'ı t'à gohołı̨į̀ goghǫ nahoazhaà ayį̀į̀là hǫt'e.

John Wenazhıı 3:14

“Kǫ̀ta Laodısıya Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ ‘Amen’ wìyeh, t'aats'ǫǫ̀ ehkw'ı gode eyıts'ǫ Nǫ̀htsı̨ t'asìı hazǫǫ̀ whehtsı̨ ts'ǫ̀ K'àowo elı̨ı̨ sìı dıı weyatıì hǫt'e.