John 7:7 - Nǫ̀htsı̨ Nı̨htł'è

⁷ Dıı nèk'e dǫ hazǫǫ̀ naxıdzagı̨ı̨hwhǫ ha dìì, hanìkò sı̨ nàowołı̨ı̨ k'ę̀ę̀ eghàlageeda gèehsı̨ t'à, sedzagı̨ı̨hwhǫ.

John 7:7 ပူးပေါင်းရင်းမြစ်များ

Luke 6:26

Dǫ naxıghǫ nezı̨į̀ agedı nı̨dè naxıgha hoìla ha hǫt'e. Gıcho eyı xèht'eè nakwenàoɂǫǫ edegeetsı̨ı̨ sìı ghǫ nezı̨į̀ agedı ı̨lè.

John 17:14

Neyatıì gıghàehɂǫ hǫt'e, eyıt'à dıı nèk'e ts'ǫ dǫ secheekeè dzagı̨ı̨hwhǫ, sexèht'eè dıı nèk'e gots'ǫ agı̨ı̨t'e-le t'à.

John 3:19

Dıı hanì hòɂǫ ts'ıhɂǫ̀ Nǫ̀htsı̨ dǫ sınìyaehtı hǫt'e: Dzęh dıı nèk'e ts'ǫ̀ ajà, hanìkò dǫ nàowołı̨ı̨ k'ę̀ę̀ eghàlageeda ts'ıhɂǫ̀ to gıgha denahk'e nezı̨.

Rome 8:7

Gonìłı̨ı̨ sìı Nǫ̀htsı̨ wek'èch'a hǫt'e. Nǫ̀htsı̨ nàowoò k'èı̨t'e ha nıwǫ-le xè Nǫ̀htsı̨ nàowoò k'èı̨t'e ha dìì.

Galatıa 4:16

Naxıts'ǫ̀ ehkw'ı gohde t'à naxıts'ǫ̀ xànııhɂa seahwhǫ nì?

James 4:4

Naxı̨ sìı Nǫ̀htsı̨ k'èch'a aaht'ı̨ hǫt'e. Dıı nèk'e gots'ǫ dǫ gıàgı̨ą ts'ı̨ı̨lı̨ nı̨dè Nǫ̀htsı̨ wedzats'ı̨ı̨hwhǫ hǫt'e, wek'èahsǫ-le nì? Amìı dıı nèk'e ts'ǫ nàowołı̨ı̨ k'ę̀ę̀ at'ı̨ı̨ sìı Nǫ̀htsı̨ ts'ǫ̀ xànıɂaà ade ha hǫt'e.

1 John 4:5

Hanıı dǫ sìı dıı nèè gots'ǫ agı̨ı̨t'e, eyıt'à dıı nèè gonàowoò k'ę̀ę̀ gogede, eyı ts'ıhɂǫ̀ dıı nèè ts'ǫ dǫ gogeèhkw'ǫ.