John 7:4 - Nǫ̀htsı̨ Nı̨htł'è

⁴ Dǫ t'asìı wehłè nıwǫǫ sìı dǫ naàhtǫ eghàlaeda nıìle. Enıìyah hoı̨htsı̨ nı̨dè dǫ hazǫǫ̀ neghàıdà agı̨ı̨le,” gıìhdı.

John 7:4 ပူးပေါင်းရင်းမြစ်များ

Matthew 23:5

“Dǫ nadąą̀ zǫ nezı̨į̀ k'ehogeɂa. Hòtł'ò-yagehtıı-dǫǫ̀ ats'ı̨ı̨t'e dǫ hagogı̨ı̨hwhǫ ha gı̨ı̨wǫ t'à gıt'à yagehtıı-tǫą edek'e gehłaa sìı nechà agehɂı̨ eyıts'ǫ edeɂeèlǫ wekwè nedè agehɂı̨.

Matthew 4:6

hayèhdı, “Nǫ̀htsı̨ Weza anet'e nı̨dè ı̨zhıì hodàdı̨ı̨ghà. Dıı hanì dek'eèhtł'è ne t'à: ‘Nǫ̀htsı̨ edeyak'eet'ı̨į̀ ts'ǫ̀ dıı hadı ha, “Hotıì wexoahdı.” Kwe k'e dets'aı̨tà ch'à yak'eet'ı̨į̀ edılà t'à danegìhtè ha ne,’ ” yèhdı.

Matthew 6:16

“Edeahgǫ nı̨dè ts'ǫǫ̀dahwhǫ k'ę̀ę̀ naxègaat'ı̨ welè-le. Dǫ degaı degeetsı̨ı̨ sìı hanì gìgaat'ı̨į̀ adegehɂı̨. Ehkw'ı anaxèehsı̨, t'asìı edegha geèhnǫǫ sìı hòt'a deghàà gıghǫ̀t'ǫ hǫt'e.

Matthew 6:5

“Yaahtı nı̨dè dǫ degaı degeetsı̨ı̨ sìı gıxèahɂı̨-le. Dǫ goghàgeeda ha gı̨ı̨wǫ t'à, ełègehdèe-kǫ̀ goyìı eyıts'ǫ tı̨lı k'e nàgeèhza xè yagehtı ghageewı. Ehkw'ı anaxèehsı̨, t'asìı edegha geèhnǫǫ sìı hòt'a deghàà gıghǫ̀t'ǫ hǫt'e.

Luke 6:45

Dǫ nezı̨ı̨ sìı t'asìı nezı̨ı̨ ededzeè yìı whehła t'à nezı̨į̀ k'ehoɂa. Hanìkò hołı̨ı̨-hohtsı̨ı̨-dǫǫ̀ sìı nàowołı̨ı̨ ededzeè yìı whehła t'à ekǫ-le k'ehoɂa. Dǫ gıdzeè yìı dàgǫ̀ht'e ghàà gogede hǫt'e.

John 18:20

Zezì yets'ǫ̀ hadı, “Dǫ hazǫǫ̀ gıdaà goıhde ı̨lè. Ełègehdèe-kǫ̀ eyıts'ǫ Nǫ̀htsı̨kǫ̀-gocho gà Israel got'ı̨į̀ ełègehdèe sìı t'aats'ǫǫ̀ ekǫ zǫ goıhde ı̨lè t'à dǫ naàhtǫ wı̨ı̨zìı xàyaehtı whìle.

John 7:3

Zezì wechı gıts'ǫ̀ hadı, “Judea nèk'e ts'ǫ̀ aąde. Hanì-ı̨dè enıìyah hoı̨htsı̨ı̨ sìı necheekeè gıghàeda ha.

John 7:5

Wechı kò gıgha ehkw'ı-ahodı-le t'à hagıìhdı ı̨lè.