John 7:37 - Nǫ̀htsı̨ Nı̨htł'è

³⁷ Dzędeè gha nǫǫde dzęę̀ nàtsoo wheɂǫ k'e Zezì dǫnı ts'ǫ̀ hòtł'ò hadı, “Amìı tı ghaewıı sìı sets'ǫ̀ awede gà tı wedǫ̀.

John 7:37 ပူးပေါင်းရင်းမြစ်များ

Matthew 11:28

“Naxı̨ hazǫǫ̀ nìahtsǫǫ xè naxıgha dìì sìı sets'ǫ̀ aahde, naxıxè ts'èwhı̨į̀ hòɂǫǫ agohłe ha.

Matthew 3:3

Eyı dǫ nakwenàoɂǫǫ Isaıah yeghǫ goı̨de ı̨lè, dıı hanì dek'eèhtł'è, “Ekìı-ka nèk'e dıı hats'edıì yats'ìzeh hǫt'e, ‘Gots'ǫ̀ K'àowo wegha sıìgoahłe; wegha tı̨lı ehkw'ı nıɂà aahłe,’ ” dek'eèhtł'è.

Matthew 5:6

Amìı nàowo ehkw'ıı ghǫ sıì hòtł'ò agı̨ı̨wǫǫ sìı gıxè sìghà hǫt'e; ayìı gı̨ı̨wǫǫ sìı gıghǫ̀t'à ha.

John 1:23

John-Baptıst, nakwenàoɂǫǫ Isaıah weyatıì dek'eèhtł'è t'à gots'ǫ̀ xàyaı̨htı, hadı, “Ekìı-ka nèk'e dıı hats'edıì yats'ìzeh hǫt'e, ‘Gots'ǫ̀ K'àowo wegha tı̨lı ehkw'ı nıɂà aahłe,’ dek'eèhtł'è. Eyı dǫ aht'e,” gòhdı.

John 14:6

Zezì yets'ǫ̀ hadı, “Sı̨ sìı sek'e gǫǫ̀ɂà aht'e, nàowo ehkw'ıı aht'e, eyıts'ǫ wet'à ts'eedaa aht'e. Dǫ wı̨ı̨zìı Setà ts'ǫ̀-etła ha dìì, sı̨ zǫ sek'e gǫǫ̀ɂà hǫt'e.

John 4:10

Zezì hayèhdı, “Nǫ̀htsı̨ ayìı dǫ ghàɂàa sìı wek'èı̨zǫ nı̨dè, eyıts'ǫ amìı tı neekèe sìı wek'èı̨zǫ nı̨dè, tı wı̨ı̨kè ha ı̨lè. Hanì-ı̨dè tı wet'à ts'eedaa neghàedı ha ı̨lè,” yèhdı.

John 4:11

Ts'èko yets'ǫ̀ hadı, “K'àowo, wet'à tı ts'ìhchıı nets'ǫ-le eyıts'ǫ tı-ts'ìhchıı-k'è ı̨zhıì tı ts'ǫ̀ gǫǫwà. Eyıt'à edı̨į̀ gots'ǫ tı wet'à ts'eedaà anele lì?

John 4:14

Hanìkò amìı tı weghàehdıı sìı k'achı̨ tı wı̨ı̨zìı ghaewı ha nıìle. Tı weghàehdıı sìı weyìı gots'ǫ tı xàelı̨ı̨ lade ha; yet'à welǫ whìle ts'ǫ̀ eda ha,” yèhdı.

John 5:40

hanìkò aahda anaxehłe ha sìı sets'ǫ̀ aahde ha dahwhǫ-le.

John 6:35

Eyıt'à Zezì edeghǫ dıı hadıì xàyaı̨htı, “Sı̨ eyı łèt'è wet'à ts'eedaa aht'e. Amìı sets'ǫ̀ at'ı̨ı̨ sìı k'achı̨ deèhdì hǫı̨lı̨ ha-le, eyıts'ǫ amìı wegha ehkw'ı aehsı̨ı̨ sìı k'achı̨ tı ghaewı ha-le.

John 6:37

Setà dǫ hazǫǫ̀ seghàı̨laa sìı sets'ǫ̀ agede ha, amìı sets'ǫ̀ at'ı̨ı̨ sìı naweehɂà hǫı̨lı̨ ha-le.

John 6:55

Sezhį̀į̀ sìı weghǫ shèts'etı̨ wedeèdlı̨ hǫt'e, eyıts'ǫ sedoò sìı wet'à ts'eedaa wedeèdlı̨ hǫt'e.

John 7:28

Zezì ı̨łaà Nǫ̀htsı̨kǫ̀-gocho gà dǫ ts'ǫ̀ godeè ekò dǫnı ts'ǫ̀ hòtł'ò hadı, “Hęɂę, sek'èahsǫ, eyıts'ǫ edı̨į̀ gots'ǫ aht'ı̨ı̨ sìı wek'èahsǫ hǫt'e. Sı̨ sedahxà jǫ whıhda nıìle. Amìı sı̨ı̨hɂàa sìı ededı̨ sìı ehkw'ı hǫt'e. Naxı̨ wek'èahsǫ nıìle,

1 Corınth 10:21

Gots'ǫ̀ K'àowo welıbò eyıts'ǫ ı̨nìłı̨ı̨ welıbò gots'ǫ į̀łah aahdǫ ha dìì hǫt'e. Gots'ǫ̀ K'àowo weladà eyıts'ǫ ı̨nìłı̨ı̨ weladà, į̀łah gots'ǫ shèahzhe ha dìì hǫt'e.

1 Corınth 10:4

eyıts'ǫ hazǫǫ̀ Nǫ̀htsı̨ tı goghànııdìı sìı gıadǫ. Nǫ̀htsı̨ wets'ǫ kwe gıxè at'ı̨ı̨ sìı gots'ǫ tı gıadǫ lanì. Eyı kwe sìı Zezì-Krı hǫt'e.

1 Corınth 11:25

Eyı xèht'eè shègıazhe tł'axǫǫ̀ lıbò neyı̨į̀hgè gà hadı, “Dıı sedoò naxıgha xàı̨tł'ıı sìı wet'à nakenahòdlı̨ı̨ wegòò naxıgha hòèlı̨ hǫt'e. Dıı lıbò wets'ǫ aahdǫ taàt'eè senaahdì nǫǫ̀,” Zezì hadı ı̨lè.

1 Corınth 12:13

Yedàyeh Nezı̨ı̨ ı̨łè zǫ t'à hazǫǫ̀ gok'ètaìdzǫ hǫt'e, eyıt'à Zezì-Krı wezhį̀į̀ ı̨łè zǫ ts'ı̨ı̨lı̨į̀ ats'ejà. Israel got'ı̨į̀ ts'ı̨ı̨lı̨, Greece got'ı̨į̀ ts'ı̨ı̨lı̨ kò eyı wet'àaɂà-le ajà, eyıts'ǫ edets'ǫ̀ k'àts'ewo, edets'ǫ̀ k'àts'ewo-le eyı hazǫǫ̀ wet'àaɂà-le ajà, goxı̨ hazǫǫ̀ Yedàyeh Nezı̨ı̨ godzeè yìı adlà, eyı wet'à ı̨łè zǫ lats'ı̨ı̨t'e.

Ephesus 5:18

Jìetì t'à deàhde-le, eyı sìı wet'à tsį̀daahwhı hǫt'e. Hanìkò Yedàyeh Nezı̨ı̨ hotıì naxıdzeè yìı nàdèe aweahłe.

John Wenazhıı 21:6

Eyıts'ǫ sets'ǫ̀ hadı, “Hòt'a enahǫ̀t'e. Yatı t'akwełǫ̀ǫ̀ aht'e eyıts'ǫ yatı nǫǫde aht'e; kèhǫǫ̀wo ts'ǫ sehòhɂǫ eyıts'ǫ nǫǫde ts'ǫ̀ sehòhɂǫ. Amìı tı ghaewıı sìı t'asìı k'èxa-le tı wet'à ts'eedaa weghàehdı ha.

John Wenazhıı 22:1

Eyı tł'axǫǫ̀ yak'eet'ı̨į̀ deh nıɂàa ts'ǫ tı wet'à ts'eedaa sìı weghàehdaà asį̀į̀là. Eyı tı sìı eja lanì wenı̨ı̨dàà xègaat'ı̨ eyıts'ǫ Nǫ̀htsı̨ wedaèhchı̨cho gots'ǫ eyıts'ǫ Sahzǫ̀ą sı gots'ǫ tı nı̨ı̨lı̨ hǫt'e.

John Wenazhıı 22:17

Yedàyeh Nezı̨ı̨ eyıts'ǫ ts'èko honìda ha sìı dıı hagedı, “Hęɂę, gots'ǫ̀ anede!” gedı. Amìı gogeèhkw'ǫǫ sìı, “Hęɂę, gots'ǫ̀ anede!” gedıì welì. Eyıts'ǫ amìı tı ghageewıı sìı tı wet'à ts'eedaa ts'ǫ̀ agııde gà t'asìı k'èxa-le gıìhchı.