John 7:32 - Nǫ̀htsı̨ Nı̨htł'è

³² Pharısee gı̨ı̨lı̨ı̨ sìı dǫ hagedıì ełets'ǫ̀ gogede gogıìkw'o. Eyıt'à yahtıı-gha-k'aodèe eyıts'ǫ Pharısee gı̨ı̨lı̨ı̨ sìı Zezì dageechı ha Nǫ̀htsı̨kǫ̀-xogııhdıı-dǫǫ̀ kayagı̨ı̨htı.

John 7:32 ပူးပေါင်းရင်းမြစ်များ

Matthew 12:14

Hanìkò Pharısee gı̨ı̨lı̨ı̨ sìı xàgeède, dànì Zezì ełaàgıìhwhı ha sìı dǫ naàhtǫ gıghǫ gode.

Matthew 23:13

“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Nǫ̀htsı̨ Wenàowoò k'ę̀ę̀ hòɂǫǫ sìı dǫ goyageedè ch'à dǫ gıts'ǫǫ̀hk'e enìahchı. Naxı̨ goyaahdè nıìle eyıts'ǫ dǫ goyats'ııdè gı̨ı̨wǫ kò goyageedè agıahłe-le.

Matthew 26:58

Peter ı̨dè sìghaı̨waà gok'èè etłe, yahtıı-wet'àaɂàa-deè wekǫ̀ gà kwekwı̨į̀ nawheɂa ts'ǫ̀ gok'èè nììtła. Ayìı dàgot'ı̨ yek'èezǫ ha nıwǫ t'à goyaèhtła gà enìı̨tǫ-k'ègedìı-dǫǫ̀ gogà dèhkwà.

John 11:46

Hanìkò dǫ mǫ̀hdaa Pharısee gı̨ı̨lı̨ı̨ ts'ǫ̀ geède, Zezì ayìı eghàlaı̨dàa sìı gots'ǫ̀ hagedı.

John 12:19

Eyıt'à Pharısee gı̨ı̨lı̨ı̨ sìı ełets'ǫ̀ hagedı, “Weghàahda, dǫ hazǫǫ̀ gıts'ǫ̀ łeèhza! Hagot'ı̨ nı̨dè goxè nezı̨į̀ agode ha agot'ı̨ nıìle,” gedı.

John 18:3

Eyıt'à, eghǫǫ-dǫǫ̀, yahtıı-gha-k'aodèe gıcheekeè, eyıts'ǫ Pharısee gı̨ı̨lı̨ı̨ sìı Zhıdàà ekǫ nègòı̨wa. Dǫ eyı nègı̨ı̨dee sìı dechı̨ welǫ kǫ̀ dèk'ǫ̀ǫ k'egele, tłeèk'ǫ̀ǫ eyıts'ǫ behcho sı k'egele.

John 7:30

Zezì hadı t'à Israel got'ı̨į̀ gha k'aodèe dageechı ha hogeèhdzà, hanìkò ı̨łaà wegha nèhòkw'ı-le t'à dǫ wı̨ı̨zìı t'asayį̀į̀là-le.

Zezì Wecheekeèdeè 5:26

Eyıt'à Nǫ̀htsı̨kǫ̀-xogııhdıı-dǫǫ̀ gha k'àowo, edecheekeè xè Zezì wecheekeèdeè ts'ǫ̀ geède. Dǫ kwe t'à nàgogeehshì ha sǫnı gı̨ı̨wǫ t'à ts'èwhı̨į̀ negogı̨į̀wa.