John 7:28 - Nǫ̀htsı̨ Nı̨htł'è

²⁸ Zezì ı̨łaà Nǫ̀htsı̨kǫ̀-gocho gà dǫ ts'ǫ̀ godeè ekò dǫnı ts'ǫ̀ hòtł'ò hadı, “Hęɂę, sek'èahsǫ, eyıts'ǫ edı̨į̀ gots'ǫ aht'ı̨ı̨ sìı wek'èahsǫ hǫt'e. Sı̨ sedahxà jǫ whıhda nıìle. Amìı sı̨ı̨hɂàa sìı ededı̨ sìı ehkw'ı hǫt'e. Naxı̨ wek'èahsǫ nıìle,

John 7:28 ပူးပေါင်းရင်းမြစ်များ

Matthew 11:27

“Setà t'asìı hazǫǫ̀ setł'aà whelaà ayı̨į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Nǫ̀htsı̨-Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza amìı gòìhchıı sìı Nǫ̀htsı̨-Gotà k'ègeezǫǫ̀ agohɂı̨.

Matthew 2:23

Kǫ̀ta Nazareth ekǫ nàdè ajà. Eyı sìı nakwenàoɂǫǫ gıyatıì k'ę̀ę̀ agode ha t'à agòjà, dıı hagedı ı̨lè, “Nazareth got'ı̨į̀ wìyeh ha,” gedıì gı̨ı̨tł'è.

Matthew 26:55

Eyı tł'axǫǫ̀ Zezì dǫ nègı̨ı̨dee sìı ts'ǫ̀ hadı, “Ayìıha behcho eyıts'ǫ dechı̨ sets'ǫ̀ k'eahłe? Ełets'egǫ gha aht'ı̨ dahwhǫ nì? Dzę taàt'eè Nǫ̀htsı̨kǫ̀-gocho gà dǫ hoghàehtǫ ı̨lè, hanìkò sèahchì-le ı̨lè.

Luke 10:22

“Setà t'asìı hazǫǫ̀ setł'aà whelaà ayį̀į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza dǫ gòį̀hchìı sìı Nǫ̀htsı̨-Gotà k'ègeezǫǫ̀ agohɂı̨,” Zezì hadı.

Luke 2:11

Dıı dzęę̀ k'e k'àowocho Davıd wekǫ̀ta Edaxàgolee elı̨ı̨ sìı wegǫ̀hłı̨. Eyı bebìa sìı gots'ǫ̀ K'àowo Chrıst hǫt'e.

Luke 2:39

Joseph eyıts'ǫ Mary Nǫ̀htsı̨ weyatıì dek'eèhtł'è k'ę̀ę̀ hazǫǫ̀ gıghàlaı̨dà tł'axǫǫ̀, Galılee nèk'e, edekǫ̀ta Nazareth ts'ǫ̀ nageèhde.

Luke 2:4

Joseph kǫ̀ta Nazareth gots'ǫǫ̀ naèhtła. Kǫ̀ta Bethlehem ts'ǫ̀ ajà, ekǫ k'àowocho Davıd wegǫ̀hłı̨ ı̨lè t'à. (Nazareth kǫ̀ gòlaa, Galılee nèk'e hǫt'e. Eyıts'ǫ Bethlehem kǫ̀ gòlaa, Judea nèk'e hǫt'e.) Joseph, Davıd wets'ıhɂǫ̀ǫ-dǫǫ̀ elı̨ ne t'à, ekǫ ts'ǫ̀ ajà.

Luke 2:51

Eyı tł'axǫǫ̀ Zezì edetà eyıts'ǫ edemǫ goxè Nazareth ts'ǫ̀ naèhtła. Ekǫ goxè nàdè xè gok'èı̨t'e. Eyı hazǫǫ̀ hagòjàa sìı wemǫ ededzeè yìı yek'èdì.

John 1:46

Nathanael yets'ǫ̀ hadı, “Nazareth nı̨ı̨dı nì? Ekǫ gots'ǫ t'asìı nezı̨ı̨ xàhohwhı ha nì?” yèhdı. “Sek'èątła, wı̨ı̨ɂį̀ ha ne,” Phılıp yèhdı.

John 10:36

Setà edegha dǫ į̀hchìı eyıts'ǫ dıı nèk'e ts'ǫ̀ ayį̀į̀làa sìı, dànì yıızı ha dahwhǫ? Eyıt'à ‘Nǫ̀htsı̨ Weza aht'e,’ dehsı̨ nı̨dè dànìghǫ Nǫ̀htsı̨ k'èch'a gohde sèahdı?

John 12:49

Sı̨ ededahxà gohde nıìle, Setà sı̨ı̨hɂàa sìı ayìı dàehsı̨ ha sìı sets'ǫ̀ hadı, eyıts'ǫ dànì gohde ha sìı sets'ǫ̀ hadı.

John 14:10

Setà xè ı̨łè zǫ aht'e, eyıts'ǫ Setà sexè ı̨łè zǫ hǫt'e, eyı naxıgha ehkw'ı-ahodı-le nì? Yatı t'à naxıts'ǫ̀ gohdee sìı xàè seyatıì zǫ nıìle. Setà sedzeè yìı nàdèe sìı ededı̨ edılaà ghàlaeda hǫt'e.

John 14:31

hanìkò Setà weghǫneehtǫ eyıts'ǫ hotıì weyatıì k'ę̀ę̀ eghàlaehdaa sìı dıı nèk'e dǫ hazǫǫ̀ gınıedì agede ha hǫt'e,” hadı tł'axǫǫ̀, “Hot'eè nats'ııdè,” edecheekeè gòhdı.

John 16:3

Setà eyıts'ǫ sı̨ gok'ègeezǫ-le t'à hanì naxıts'ǫ̀ eghàlageeda ha hǫt'e.

John 17:25

“Setà, nı̨ sìı ehkw'ı anet'e. Dıı nèk'e dǫ nek'ègeezǫ-le kò, sı̨ nek'èehsǫ hǫt'e, eyıts'ǫ dıı dǫ seghàneelaa sìı jǫ ts'ǫ̀ asèneelà gık'èezǫ hǫt'e.

John 17:3

Welǫ whìle ts'ǫ̀ ts'eedaa ts'edıı sìı dıı awèts'edı: Nı̨ nek'ègeezǫ ha, nı̨ zǫ Nǫ̀htsı̨ ehkw'ıı anet'e gık'èezǫ ha, eyıts'ǫ Zezì-Krı, jǫ ts'ǫ̀ weneehɂàa sìı, gık'èezǫ ha.

John 3:33

Amìı ehkw'ı adı yı̨ı̨hwhǫǫ sìı ‘Nǫ̀htsı̨ ehkw'ı hǫt'e,’ hadı hǫt'e.

John 5:32

Hanìkò eyıì-le seghǫ nezı̨į̀ xàyahtıı sìı ehkw'ı hǫt'e, seghǫ dàdıı sìı ıtà ha wek'èehsǫ.

John 5:43

Setà wedahxà jǫ nèehtła, hanìkò ehkw'ı aehsı̨ seahwhǫ-le. Ekò dǫ ededı̨ ededahxà jǫ nììtła nı̨dè eyı dǫ naxıgha ehkw'ı adı ha hǫt'e.

John 6:42

Hagedı, “Dıı Joseph weza Zezì nì-ı̨t'e? Wetà eyıts'ǫ wemǫ gık'èts'eezǫ hǫt'e. Eyıt'à dànìghǫ edeghǫ hadı, ‘Yak'e gots'ǫ hodàèhtła,’ ” gedı.

John 7:14

Įłè dzęahta ts'ǫ̀ dzędeè hołèe sìı tanı nìhǫǫwo ekò, k'ǫǫ̀t'a Zezì Nǫ̀htsı̨kǫ̀-gocho gà dǫ hoghàehtǫ ha ekǫ èhtła.

John 8:14

Zezì gots'ǫ̀ hadı, “Sı̨ edegha gohde kò, dàehsı̨ı̨ sìı ıtà hǫt'e, edı̨į̀ gots'ǫ aht'ı̨ eyıts'ǫ edı̨į̀ ts'ǫ̀ ahde ha wek'èehsǫ t'à. Hanìkò naxı̨ sìı edı̨į̀ gots'ǫ aht'ı̨ eyıts'ǫ edı̨į̀ ts'ǫ̀ ahde ha sìı wek'èahsǫ nıìle.

John 8:16

Hanìkò t'asìı wesınìyahtı nı̨dè sı̨ zǫ aht'ı̨ nıìle t'à, dànì weghǫ nànıhwhoo sìı ehkw'ı hǫt'e. Setà jǫ ts'ǫ̀ sı̨ı̨hɂàa sìı sexè at'ı̨ hǫt'e.

John 8:19

Eyıt'à dageehke, “Edı̨į̀ netà wheda?” gıìhdı. Zezì gots'ǫ̀ hadı, “Sek'èahsǫ nıìle eyıts'ǫ Setà sı wek'èahsǫ nıìle. Sek'èahsǫ nı̨dè Setà sı wek'èahsǫ ha ı̨lè,” gòhdı.

John 8:26

T'asìı łǫ ghǫ naxısınìyahtı ha dìì-le, hanìkò amìı sı̨ı̨hɂàa sìı weyatıì ehkw'ı hǫt'e. Dàsèhdıı sìı dǫ hazǫǫ̀ ts'ǫ̀ haehsı̨ hǫt'e,” Zezì gòhdı.

John 8:42

Zezì gots'ǫ̀ hadı, “Nǫ̀htsı̨ naxıtà elı̨ nı̨dè seghǫnıahtǫ ha ı̨lè. Nǫ̀htsı̨ gots'ǫ aht'ı̨ eyıts'ǫ dıì jǫ whıhda hǫt'e. Sı̨ sedahxà jǫ ts'ǫ̀ ahjà nıìle, Nǫ̀htsı̨ jǫ ts'ǫ̀ sı̨ı̨hɂà hǫt'e.

John 9:29

Nǫ̀htsı̨ Moses ts'ǫ̀ goı̨de wek'èts'eezǫ hǫt'e, ekò eyı dǫ awį̀ı̨dıı sìı edı̨į̀ gots'ǫ dǫ ne wek'èts'eezǫ-le,” gedı.

Zezì Wecheekeèdeè 17:23

Naxıkǫ̀ta k'ehda ekò wets'ǫ̀ yaahtı łǫ nàwheɂaa sìı hotıì gıghàıhdà hǫt'e. Nǫ̀htsı̨ wek'èhoahsǫ-le gha kwe-ladà wheɂǫ wek'e dıı hanì dek'eèhtł'è wek'eyaehtı: ‘Nǫ̀htsı̨ wek'èts'eezǫ-le wegha gòɂǫ,’ dek'eèhtł'è. Eyı nǫ̀htsı̨ wek'èahsǫ-le kò wets'ǫ̀ yaahtıı sìı dıì weghǫ naxıts'ǫ̀ gohde ha.

Rome 1:28

Eyıts'ǫ Nǫ̀htsı̨ wek'èts'eezǫǫ xè wek'èats'ı̨ı̨t'ee sìı gıgha wet'àaɂà-le t'à, Nǫ̀htsı̨ sìı gınàowołı̨ı̨ k'ę̀ę̀ geeda ts'ǫ̀ geèlı̨į̀ agǫ̀ǫ̀là, eyıts'ǫ t'asìı dǫ gha wets'àet'ǫǫ sìı gıghàlaeda t'à goghàèhdı.

Rome 3:4

Į̀le, hanì ha honàedı nıìle! Dǫ hazǫǫ̀ hogets'ì nǫǫ̀ kò Nǫ̀htsı̨ sìı t'aats'ǫǫ̀ ehkw'ı gode hǫt'e. Dıı hanì dek'eèhtł'è, “Goı̨de nı̨dè, ehkw'ı zǫ xàyaı̨htı dǫ hazǫǫ̀ yek'èezǫ ha, eyıts'ǫ t'asìı wesınìyanehtı nı̨dè t'aats'ǫǫ̀ neyatıì k'ę̀ę̀ agot'ı̨ hǫt'e,” dek'eèhtł'è.

2 Corınth 1:18

Hanìkò Nǫ̀htsı̨ edeyatıì k'èdì k'ę̀ę̀ godı nezı̨ı̨ naxıghàts'ı̨ı̨ɂǫǫ sìı ehkw'ı hǫt'e, eyı ghǫ ı̨hk'è “Hęɂę” eyıts'ǫ ı̨hk'è “Į̀le” ts'edı nıìle.

2 Corınth 4:6

Nǫ̀htsı̨ hadı, “Togoòtł'òo yìı gots'ǫ dzęh xàı̨dı̨į̀ awede,” hadıı sìı godzeè yìı dzęh nı̨ı̨dı̨į̀ ayį̀į̀là, eyı ts'ıhɂǫ̀ Zezì-Krı weghàts'eeda nı̨dè Nǫ̀htsı̨ dànì enıìyah elı̨ı̨ sìı wek'èts'eezǫ ats'et'į̀.

Tıtus 1:2

Nǫ̀htsı̨ hots'ì-le sìı, dıı dèè hòèlı̨ kwe gots'ǫ welǫ whìle ts'ǫ̀ ts'eeda agodle gha edeyatıì goghàı̨ɂǫ ı̨lè. Eyıt'à gogha ehkw'ı-ahodı xè nàowo ehkw'ıı k'èts'eezǫ ha dìì-le.

Hebrew 6:18

Nǫ̀htsı̨ sìı t'asìı nàke ładı̨į̀ adle ha-le t'à yatı whehtsı̨ hǫt'e, eyı weghàà Nǫ̀htsı̨ hots'ì ha honàedı nıìle wek'èts'eezǫ. Goxı̨ hoìla ch'à edaxàgoeze gha Nǫ̀htsı̨ ts'ǫ̀ kwı̨ts'eèhdee sìı eyı ghǫ goınì nàtso welì.

1 John 5:10

Amìı, Nǫ̀htsı̨ Weza ehkw'ı adı nıwǫǫ sìı Nǫ̀htsı̨ Edeza ghǫ dàdıı sìı ededzeè yìı yek'èdì hǫt'e. Amìı wegha ehkw'ı-ahodı-le sìı Nǫ̀htsı̨ hots'ì adı nıwǫ, Nǫ̀htsı̨ Edeza ghǫ dàdıı sìı wegha ehkw'ı-ahodı-le t'à.