John 7:22 - Nǫ̀htsı̨ Nı̨htł'è

²² Hanìkò naxı̨ Moses gokwǫ̀ nàt'à nàowoò naxıghàı̨ɂǫ t'à Nǫ̀htsı̨ Dzęę̀ k'e dǫzhìa gıkwǫ̀ k'e nàaht'à hǫt'e. (Moses ededı̨ xàè nàgoet'àa nàowoò naxıghàı̨ɂǫ nıìle, naxıcho Abraham, Isaac eyıts'ǫ Jacob gıts'ǫ nàowo hǫt'e.)

John 7:22 ပူးပေါင်းရင်းမြစ်များ

Dànì Kèhoį̀wo 21:4

Wezaa Isaac wegǫ̀hłı̨ gots'ǫ ek'èdı̨ dzęę̀ k'e Abraham wekwǫ̀ k'e nàyı̨ı̨t'a. Nǫ̀htsı̨ nàowo yeghàı̨ɂǫ k'ę̀ę̀ ayį̀į̀là.

Zezì Wecheekeèdeè 7:8

Eyı tł'axǫǫ̀ Nǫ̀htsı̨ Abraham xè nakenawhehtsı̨. Dǫzhìa gıgǫ̀hłı̨ı̨ sìı gıkwǫ̀ nàget'à ha, yèhdı. Eyıt'à weza Isaac wegǫ̀hłı̨ ts'ǫ ek'èdı̨ dzęę̀ ajà ekò Abraham yekwǫ̀ k'e nàı̨t'a. Isaac ededı̨ wets'ıhɂǫ̀ Jacob wegǫ̀hłı̨ eyıts'ǫ Jacob wets'ıhɂǫ̀ gocho hoònǫ-daats'ǫ̀-nàke gıgǫ̀hłı̨.

Galatıa 3:17

Ayìı awèehsı̨ı̨ sìı naxıts'ǫ̀ haehsı̨ ha. Dı̨akw'eènǫ-daats'ǫ̀-taènǫ xo tł'axǫǫ̀ Moses nàowo weghǫ̀zha hǫt'e, hanìkò eyı nàowo nììza t'à Nǫ̀htsı̨ dànì Abraham xè nakenawhehtsı̨ı̨ sìı wedę adlà nıìle, ı̨łaà edeyatıì k'ę̀ę̀ eghàlaeda ha hǫt'e.