John 7:15 - Nǫ̀htsı̨ Nı̨htł'è

¹⁵ Israel got'ı̨į̀ gha k'aodèe weyatıì gıìkw'o ekò gıgha enıìyah t'à hagedı, “Eyı dǫ hoghàweètǫ-le kò, dànì t'à t'asìı k'èezǫ nǫǫ̀?” gedı.

John 7:15 ပူးပေါင်းရင်းမြစ်များ

Matthew 13:54

Kǫ̀ta dèzhǫǫ sìı ekǫ nììtła ekò ełègehdèe-kǫ̀ ts'ǫ̀ èhtła, ekǫ dǫ hoghàehtǫ. Dànì dǫ hazǫǫ̀ ts'ǫ̀ gode t'à sıì gıgha enıìyah lanì, ełets'ǫ̀ hagedı, “Dànıt'à dıı dǫ sıì gǫǫzǫ xè enıìyah hoehtsı̨?

Matthew 22:22

Eyı hadıı sìı gıgha enıìyah t'à gıts'ǫǫ̀ nageèhde.

Matthew 22:33

Dànì dǫ hoghàehtǫǫ sìı dǫ hazǫǫ̀ gıìkw'o ekò weyatıì sıì gıgha enıìyah dìì.

Luke 2:47

Sıì t'asìı nıedì xè dànì gots'ǫ̀ xàyaı̨htı t'à, dǫ hazǫǫ̀ geèhkw'ǫǫ sìı gıghàhoelı.

Luke 4:22

Dǫ hazǫǫ̀ weghǫ nezı̨į̀ gogede eyıts'ǫ yatı dàdeèzį̀ı̨ t'à gode gı̨ı̨wǫ ts'ıhɂǫ̀ dǫ gıgha enıìyah dìì. Hagedı, “Dıı Joseph weza nìı̨t'e?” gedıì dałegeehke.

John 1:19

Kǫ̀ta Jerusalem gots'ǫ Israel got'ı̨į̀ gha k'aodèe John-Baptıst dageehke gha, yahtıı eyıts'ǫ Levıte gı̨ı̨lı̨ı̨ gıts'ǫ̀ geèhɂà. Dageehke, “Amìı anet'e?” gıìhdı t'à John-Baptıst gots'ǫ̀ goı̨de.

John 7:11

Jerusalem ekǫ dzędeè hołè ekò Israel got'ı̨į̀ gha k'aodèe Zezì hak'egeet'į̀. K'aodèe dǫ hazǫǫ̀ dageehke, “Eyı dǫ asį̀į̀ weahɂı̨?” gògedı.

John 7:13

Hanìkò Israel got'ı̨į̀ gha k'aodèe ts'àgeejı̨ t'à, dǫ wı̨ı̨zìı Zezì ghǫ xàyagehtı ha gı̨ı̨wǫ-le.

John 7:46

“Dǫ wı̨ı̨zìı eyı dǫ lanì goı̨de whìle,” Nǫ̀htsı̨kǫ̀-xogııhdıı-dǫǫ̀ hagedı.

Zezì Wecheekeèdeè 26:24

Paul hadı t'à k'àowo Festus, Paul ts'ǫ̀ hòtł'ò hadı, “Paul gonezǫ-le adı̨ı̨de! Sıì hòtł'ò hoghàneètǫ t'à k'edaà gonezǫ-le adı̨ı̨de,” yèhdı.

Zezì Wecheekeèdeè 4:13

Peter eyıts'ǫ John geejı̨-le gogede eyıts'ǫ hoghàgeetǫ-le agı̨ı̨t'e gok'èhogeèhzà ekò k'aodèe sıì gıgha enıìyah dìì. Eyı dǫ sìı Zezì xè agıat'į̀ ı̨lè gınadì.