John 7:1 - Nǫ̀htsı̨ Nı̨htł'è

¹ Eyı hagòjà tł'axǫǫ̀ Zezì Galılee nèk'e hazǫǫ̀ nàhtła. Israel got'ı̨į̀ gha k'aodèe weweè hagı̨ı̨wǫ t'à, Judea nèk'e ts'ǫ̀ ade ha nıwǫ-le.

John 7:1 ပူးပေါင်းရင်းမြစ်များ

Matthew 10:23

Kǫ̀ta ı̨łè dǫ danaxegį̀ı̨hɂa nı̨dè kǫ̀ta eyıì-le ts'ǫ̀ kwı̨ahdè. Ehkw'ı anaxèehsı̨, Israel nèk'e kǫ̀ta hazǫǫ̀ ts'ǫ̀ kwı̨ahdè kwe, Dǫ-wet'àaɂàa-deè nììtła ha hǫt'e.

Matthew 21:38

“Hanìkò dǫ dèè k'ègedìı sìı weza gıaɂı̨ ekò hałègeedı, ‘Eyı k'àowo weza hǫt'e sìı dıı dèè weghaelı̨į̀ agode ha. Ełaàwets'èhwhı, hanì-ı̨dè wedèè goghaelı̨ ha,’ gedı.

Mark 11:18

Yahtıı-gha-k'aodèe eyıts'ǫ Nǫ̀htsı̨-yatıì-k'ègedìı-dǫǫ̀ Zezì hadı gıìkw'o ekò ełaàgıìhwhı ha gı̨ı̨wǫ, hanìkò dǫ hazǫǫ̀ Zezì ayìı hoghàgoèhtǫǫ sìı gıgha enıìyah t'à hagele ha gıts'àejı̨.

John 1:19

Kǫ̀ta Jerusalem gots'ǫ Israel got'ı̨į̀ gha k'aodèe John-Baptıst dageehke gha, yahtıı eyıts'ǫ Levıte gı̨ı̨lı̨ı̨ gıts'ǫ̀ geèhɂà. Dageehke, “Amìı anet'e?” gıìhdı t'à John-Baptıst gots'ǫ̀ goı̨de.

John 4:3

Zezì hagedı ghǫ ıìkw'o ekò Judea nèk'e gots'ǫ naèhtła, Galılee nèk'e ts'ǫ̀ anajà.

John 4:54

Dıì xè Zezì nàekeè enıìyah hòèhtsı̨ hǫt'e. Judea nèk'e gots'ǫ Galılee nèk'e nǫ̀ǫtła tł'axǫǫ̀ eyı hagòjà.

John 6:1

Whaà hoòwo tł'axǫǫ̀, Zezì Galılee nèk'e tı whetǫǫ (Tıberıas-tì sı wìyeh) wetadà ts'ǫ̀ ajà.

John 7:11

Jerusalem ekǫ dzędeè hołè ekò Israel got'ı̨į̀ gha k'aodèe Zezì hak'egeet'į̀. K'aodèe dǫ hazǫǫ̀ dageehke, “Eyı dǫ asį̀į̀ weahɂı̨?” gògedı.

John 7:13

Hanìkò Israel got'ı̨į̀ gha k'aodèe ts'àgeejı̨ t'à, dǫ wı̨ı̨zìı Zezì ghǫ xàyagehtı ha gı̨ı̨wǫ-le.

John 7:19

Moses Nǫ̀htsı̨ nàowoò naxıghàı̨ɂǫ hǫt'e, hanìkò naxıta ts'ǫ dǫ ı̨łè kò eyı nàowo k'èı̨t'e nıìle. Eyıt'à dànìghǫ ełaàsèahwhı ha dahwhǫ nǫǫ̀?”

John 7:25

Hadı ekìıyeè k'e Jerusalem gots'ǫ dǫ mǫ̀hdaa hagedı, “Dǫ ełaàgıìhwhı ha gı̨ı̨wǫ ı̨lèe sìı eyı nìı̨t'e?” ełègeedı,

John 7:35

Israel gha k'aodèe ełets'ǫ̀ hagedı, “Eyı dǫ wegots'ìhɂà ha-le, dı t'à, edı̨į̀ ts'ǫ̀ ade ha ghǫ adı. Gòet'ı̨ eyıì-le nèk'e Greece got'ı̨į̀ ta nàgedèe sìı gots'ǫ̀ ade ha nì? Ekǫ hoghàgoehtǫ ha nì?

John 8:37

Abraham wets'ıhɂǫ̀ǫ-dǫǫ̀ aaht'e wek'èehsǫ, hanìkò naxıdzeè yìı seyatıì ààhchı-le t'à ełaàsèahwhı ha dahwhǫ.

John 8:40

Hanìkò Nǫ̀htsı̨ dàsèhdıı sìı eyı naxıts'ǫ̀ ehkw'ı xàyaehtı t'à ełaàsèahwhı ha dahwhǫ. Abraham hanì eghàlaı̨dà whìle.