John 6:63 - Nǫ̀htsı̨ Nı̨htł'è

⁶³ Yedàyeh Nezı̨ı̨ wet'à ts'eeda hǫt'e, dǫ wezhį̀į̀ t'asìı elı̨ nıìle. Ayìı ghǫ gohdee sìı Yedàyeh Nezı̨ı̨ wets'ǫ hǫt'e, eyı yatı wet'à ts'eeda hǫt'e.

John 6:63 ပူးပေါင်းရင်းမြစ်များ

Dànì Kèhoį̀wo 2:7

Eyı tł'axǫǫ̀ gots'ǫ̀ K'àowo Nǫ̀htsı̨ dèè gots'ǫ ehtł'è t'à dǫ whehtsı̨. Dǫ wı̨ı̨ghǫ̀ yìı whehsò t'à edaà ayį̀į̀là, hanì t'aa dǫ edaà ajà.

John 5:21

Gotà dǫ ełaı̨dèe sìı naìdà xè geedaà agohɂı̨. Eyı xèht'eè Weza wegha sìghà k'ę̀ę̀ dǫ eda ha nıwǫǫ sìı hagohɂı̨ hǫt'e.

John 6:68

Sımon-Peter yets'ǫ̀ hadı, “K'àowo, amìı ts'ǫ̀ ats'ejà lì? Nı̨ zǫ neyatıì t'à welǫ whìle ts'ǫ̀ ts'eeda hǫt'e.

Zezì Wecheekeèdeè 5:20

Yak'eet'ı̨į̀ gots'ǫ̀ hadı, “Nǫ̀htsı̨kǫ̀-gocho gà dǫ ts'ǫ̀ goahde, eładı̨į̀ ts'eedaa wegodıì t'à dǫ hazǫǫ̀ xè goahdo,” gòhdı.

Rome 10:17

Eyıt'à godı nezı̨ı̨ ts'eèhkw'ǫ nı̨dè wet'à gogha ehkw'ı-ahodı ats'et'į̀, eyıts'ǫ Zezì-Krı wegodıì nezı̨ı̨ ghǫ gogede t'à dǫ yatı egıìkw'o hǫt'e.

Rome 2:25

Naxı̨ Israel got'ı̨į̀ yàahłı̨ı̨ sìı Moses wenàowoò k'ę̀ę̀ naxıkwǫ̀ nàt'à hǫt'e, hanìkò Moses wenàowoò k'èaht'e-le nı̨dè naxıkwǫ̀ nàt'àa sìı naxıgha wet'àaɂà-le at'į̀ hǫt'e. Naxıkwǫ̀ nàt'à-le dǫǫ̀ laaht'e lanì.

Rome 8:2

Zezì-Krı wedahxà Yedàyeh Nezı̨ı̨ wet'à ts'eedaa sìı hołı̨ı̨-nàowoò eyıts'ǫ ełaàts'ewıı nàowoò ch'à edaxàgohtè hǫt'e.

1 Corınth 15:45

Dıı hanì dek'eèhtł'è: “Adǫ̀ t'akwełǫ̀ǫ̀ gots'ǫ ne sìı Nǫ̀htsı̨ edaà ayį̀į̀là,” dek'eèhtł'è. Adǫ̀ nǫǫde sìı ı̨nì hǫt'e, wets'ıhɂǫ̀, dǫ eda hǫt'e.

Galatıa 5:25

Yedàyeh Nezı̨ı̨ k'ę̀ę̀ ts'eeda nı̨dè Yedàyeh Nezı̨ı̨ dànıwǫǫ sìı wek'èats'ııt'è.

Galatıa 5:6

Zezì-Krı gogha ehkw'ı-ahodı nı̨dè nàgoet'àa, nàgoet'à-le, ehk'ę̀ę̀ gogha wet'àaɂà-le. Edaxàts'eedè ha, gogha ehkw'ı-ahodıı eyı zǫ gogha wet'àaɂà hǫt'e, eyıts'ǫ ełeghǫnets'eètǫ sìı dǫ yek'èezǫ ats'ehɂı̨ hǫt'e.

Galatıa 6:15

Gokwǫ̀ nàt'àa, gokwǫ̀ nàt'à-le, eyı t'asìı gha ıtà nıìle, hanìkò eładı̨ı̨ dǫǫ̀ ts'ìhłèe sìı eyı deɂǫ̀ǫ̀ wet'àaɂà hǫt'e.

1 Thessalonıca 2:13

Nǫ̀htsı̨ yatıì naxıts'ǫ̀ nèts'ı̨ı̨ɂǫ ekò, weyatıì naxıgha ehkw'ı-ahodı t'à, t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ hǫt'e. Eyı yatı aàhkw'oo sìı dǫ ts'ǫ yatı ne dahwhǫ-le ı̨lè, hanìkò Nǫ̀htsı̨ wets'ǫ yatı ehkw'ı hǫt'e dahwhǫ ı̨lè. Eyı yatı sìı xàè Nǫ̀htsı̨ weyatıì hǫt'e, eyıts'ǫ eyı yatı sìı dıì naxıdzeè yìı eghàlaeda hǫt'e.

1 Tımothy 4:8

Gozhį̀į̀ hòtł'ò eghàlaeda ats'ehɂı̨ı̨ sìı yaazea zǫ wet'àaɂà, ekò Nǫ̀htsı̨ wınì k'ę̀ę̀ ts'eedaa sìı t'asìı hazǫǫ̀ gha wet'àaɂà hǫt'e, dıì ts'eedaa gha eyıts'ǫ ı̨daà ts'eeda gha Nǫ̀htsı̨ edeyatıì goghàı̨ɂǫ ne t'à.

Hebrew 13:9

Ts'ıɂǫ̀ aahde ch'à t'asìı eładı̨ı̨ łǫ xàɂaa t'à dǫ hoghànaxegııhtǫ-le. Nǫ̀htsı̨ wesǫnıwǫ t'à godzeè nàtso nı̨dè nezı̨ hǫt'e. Ayìı ts'edèe, ayìı ts'edè-le nàowoò k'èats'ı̨ı̨t'e nahk'e nezı̨ hǫt'e. Hanıı nàowo k'èats'ı̨ı̨t'ee sìı godzeè gha wet'àaɂà nıìle.

Hebrew 4:12

Nǫ̀htsı̨ weyatıì sìı eda xè wek'ę̀ę̀ k'ehokw'o hǫt'e. Weyatıì sìı behcho į̀ła-ts'ǫ̀ wek'à dènı nahk'e dènı hǫt'e. Gokwǫ̀ weɂǫ̀ǫ̀ ts'ǫ̀ tàgoehwhe hǫt'e, godą̀ązhį̀ı̨ eyıts'ǫ gots'ǫ ı̨nì į̀łak'aà ayehɂı̨, gokw'ǫǫ̀ eghagoèhzǫ eyıts'ǫ hazǫǫ̀ godzazıì į̀łak'aà ayehɂį̀ xè godzeè yìı dàts'ı̨ı̨wǫǫ sìı yesınìyaehtı.

James 1:18

Weyatıì ehkw'ıı t'à k'achı̨ gogǫ̀hłı̨ gha gòį̀hchì hǫt'e. Hanì-ı̨dè dıı nèk'e t'asìı hazǫǫ̀ whehtsı̨ı̨ gots'ǫ sìı goxı̨ xàè wets'ǫ ts'ı̨ı̨lı̨ ha agǫ̀ǫ̀là.

1 Peter 1:23

Naxı̨ sìı k'achı̨ naxıgǫ̀hłı̨į̀ aahjà hǫt'e. T'asìı wedıhołè ha sìı t'à aahjà nıìle, hanìkò Nǫ̀htsı̨ weyatıì welǫ whìle ts'ǫ̀ wheɂǫǫ sìı t'à k'achı̨ naxıgǫ̀hłı̨ hǫt'e.

1 Peter 3:18

Įłàà zǫ Zezì-Krı hołı̨ı̨ hazǫǫ̀ k'èxa ełaı̨wo hǫt'e eyıts'ǫ k'achı̨ hanade ha nıìle. Ededı̨ ehkw'ı elı̨ı̨ sìı naxı̨ ehkw'ı aaht'e-le gha ełaı̨wo, eyıt'à Nǫ̀htsı̨ ts'ǫ̀ anaxį̀į̀là. Wezhį̀į̀ ełaàgıìhwho, hanìkò Yedàyeh Nezı̨ı̨ t'à naìdà awììdlà hǫt'e,

1 Peter 3:21

Eyı tı sìı wet'à naxık'ètaìdzǫ lanì hǫt'e, wet'à edaxàwhahde ne t'à. Naxızhį̀į̀ k'e tsǫ̀ whìle adle gha naxık'ètaìdzǫ nıìle, hanìkò wet'à Nǫ̀htsı̨ ts'ǫ̀ sıì naxınì ehkw'ıì ade gha naxık'ètaìdzǫ hǫt'e. Zezì-Krı k'achı̨ naìdà eyıts'ǫ naxık'ètaìdzǫ t'à edaxàwhahde hǫt'e.